Luke 8:46 - Taungyo

⁴⁶ ဟော်ပေမယ့် ကွိုယ်တော်ယေရှုခေါ့ “တယွောဂ်ယွောဂ်ဟော် ငေါ့ကွို ထိလောဂ်ရယ်။ စော်ကျွောင့်လောဟန်ကော ငေါ့နောင်းခေါ့ တခွိုးစွမ်းအောထွဆိုးရယ်ဆွိုတော်ကွို ငေါ်ဆိဆလောဂ်ရယ်” လွို့ပှန်မိင့်လေရယ်။

Luke 8:46 Iomraidhean Croise

Luke 5:17

တနေ့မောင် ကွိုယ်တော်ယေရှု ဟိုးပျော့ဆုန်းမော့နေရယ့်အခှိင် ဂျေရုဆလင်မွှို့ ဂါလိလဲပှယ်၊ ယုဒပှယ်မောင်ဆိရယ့် ကျေးဝိုမျော ခေါ့နေ လော်ကျော့ရယ့် ဖာရိရှဲc မျောနောင့် ကျောင်းတတ်ဆရော်မျောဟော်လယ်း အယ်းနေယော်အနီးမောင် ထောင်နေကျော့ရယ်။ အယ်းအပှင် ဖရောဆန်ဟော် ကွိုယ်တော်ကွို လူတွို့ယယ့်အနော်ရိုးကော်မျောပျွောဂ်ကန်းစေဖွို့အတွ တခွိုးတိုကွို ပေးထောတိုမူလေရယ်။

Luke 6:19

ကွိုယ်တော်နောင်းခေါ့ ထွလော်ရယ့်တခွိုးတိုတွို့ဟော် ဆူတွို့ကွိုကျောင်းမောင်စေရယ့်အတွကျွောင့် လူထုပရိတ်ဆတ်အပွောင်းတွို့ဟော် ကွိုယ်တော်ယေရှုကွိုတွို့ထိဖွို့ ကျွိုးစောကျော့လေရယ်။

Luke 8:47

အယ်းအမျွိုးဆမီးဟော်လယ်း ဖုန်းကွာမထောနောင်လွို့ ကျွောဂ်လန့်တွိင်လုတ်ပွီး ကွိုယ်တော်ချယ့်မောင် ဒူးထွောဂ်ဦးညွဂ်ခှော့လောဂ်ပွီး ဆူဟော်ဝဂ်ရုန်ကွို ထိလောဂ်တော်နောင့် ဆူ့ယယ့်ရိုးကော်ဟော် ခှခှင်းပယ်း ပျွောဂ်ကန်းဆိုးကျွောင်း လူအပွေါင်းရယ်ကွို ဟိုးပျော့လေရယ်။