Luke 8:45 - Taungyo

⁴⁵ အယ်းအခေါ် ကွိုယ်တော်‌ယေရှုခေါ့ “ငေါ့ကွိုဘဆူထိလောဂ်သလော” လွို့မေးရယ့်အခေါ် လူရယ်ခေါ့လယ်း မိမိတွို့ မထိကျွောင်းကွို ညမ်းဆန်ကျော့ပွီး ပေတရုခေါ့ “ကွိုယ်တော်ယယ့် ဘေးပတ်လည်မောင် လူအုတ်ကျွီးခေါ့ တွိုးနေကျော့လွို့ တယွောဂ်ယွောဂ်ခေါ့ တို့ထိမိတော်ဖှဂ်မယ်” လွို့ရွှောဂ်ထောလောက်လေရယ်။

Luke 8:45 Iomraidhean Croise

Luke 19:43

အကျွောင်းမောင်ကော ဘေးဒုက်ခေါ့ခေါင်စောယော့မယ့် အခှိင်ကော်လော့ဟော် နန်တွို့နောင်းကွိုယွောဂ်ဆိလော်တို့မောင်ဖှဂ်ရယ်။ အယ်းအခှိင်မောင် နန်တွို့ယယ့် ရန်ဆူမျောဟော် နန်တွို့ယယ့် ပတ်လည်မောင် မွှို့ရွိုးတခုဆွောဂ်ပွီး နန်တွို့ကွို ဝမ်းထေားကျော့လောဂ်မယ်။ အယ်းယော်ပွီးယန် နန်တွို့ကွို အဖဂ်ဖဂ်ခေါ့ ပိဆွို့ပွီး တောဂ်ခေါဂ်ကျော့လောဂ်မောင်ဖှဂ်ရယ်။

Luke 5:5

ရှိမုန်ခေါ့လယ်း “ကွိုယ်တော်၊ ငေါ်တွို့ တညော့လုန်း မိုးနောင့်မိုးနောင့် ကျွိုးစောကျော့ပေမယ့်လယ်း ငေါတကွောင်မော့ မယော့ခယ့်ပေါ်။ ဟော်ပေမယ့် ကွိုယ်တော် လုတ်ခေါင်းရယ့်အတွကျွောင့် ငေါဖောင်းပိကွန်ကွို ထောဂ်ပွီး ခှော့လောဂ်ပေါ်မယ်” လွို့ ဖှေလေရယ်။

Luke 8:44

အယ်းယော်ကျွောင့် ဆူဟော် ကွိုယ်တော်ယေရှုယယ့် အနွောဂ်ကွို ယွောဂ်အွောင်ဆိုးပွီး ကွိုယ်တော်ယယ့် ဝဂ်ရုန်စော့ကွို လဂ်နောင့်ထိလောဂ်တော်နောင့် ခှခှင်းပယ်း ဆူ့ယယ့်ဆွီးဆန်းရိုးကော်ဟော် ပျွောဂ်ကန်းဆိုးလေရယ်။

Luke 9:13

ကွိုယ်တော်ခေါ့ “ဆူတွို့ကွိုစောစရော်တခုခုပေးလောဂ်ပေါ်” လွို့ အထူးဆပယ့်တိုတွို့ကွို မိင့်တိုမူလောဂ်ပွီး ဆူတွို့ခေါ့ “ငေါ်တွို့မောင့် မွိအဆေးငေါလုန်းနောင့် ငေါနေကွောင်ပယ်း ဆိပေါ်ရယ်။ ဟော်လူအောလုန်းကွို ကျွယ်းမယ်ဟန်ကော အစောအစော်မျောဆိုးပွီး ဝါယော့ပေါ်လောဂ်မယ်” လွို့ ရွှောဂ်တန်ကျော့လေရယ်။