Luke 8:43 - Taungyo

⁴³ အယ်းလူအုတ်ကျွီးထားခေါ့ အမျွိုးဆမီးတဦးဟော် ဆွီးဆန်းရယ့် ရိုးကော်စွားကောဂ်နေတော်ဟော် ဆနေနဂ်လုန်းလုန်း ဆိနေပီဖှဂ်တယ်။ ဆူဟော် ဆိသမျော့ပိဆင်အကွိင်ခေါင်ပွီး ဆေးဆရော်ရယ်နောင့် ကုပေမယ့်လယ်း စော်ဆေးဆရော်မော့ ဆူ့ယယ့်ရိုး ကော်ကွိုပျွောဂ်ကန်းအွောင်မကုပေးနောင်ကျော့ဘူး။

Luke 8:43 Iomraidhean Croise

Luke 13:11

အယ်းနေယော်မောင် ဆာ့ဆတ်နဂ်တောင်တောင် မကွောင်းဆွိုးဝါး ပှုစောခေါင်ယော့ရယ့်အတွကျွောင့် မသန်စွမ်းဖှဂ်ခေါကွန်းပွီး မတ်လွို့မယော့နောင်ရယ့် အမျွိုးဆမီးတယွောဂ်ဆိလေရယ်။

Luke 13:16

အယ်းလွိုဟန် ဆာ့ဆဂ်နဂ်ကျော် မသန်စွမ်းဖှဂ်ဖွို့မကွောင်းဆွိုးဝါးခေါ့ ပှုစောထောရယ့် အာဗြဟံယယ့်မျွိုးဆဂ်ဖှဂ်ရယ့် ဟော်အမျွိုးဆမီးကွိုလယ်း လွဂ်မွှောဂ်ခွမ့်ပေးခှန်းဟော် မောနေရယ်လွို့ ဆွိုနောင်သလော” လွို့ မိင့်တိုမူလေရယ်။

Luke 8:27

ကွိုယ်တော်ဟော် အယ်းနေယော်ကွိုယွောဂ်ပွီး ကောင်းပိုတဂ်တိုမူရယ့်အခေါ် အယ်းမွှို့ခေါ့မကွောင်းဆွိုးဝါးပူးကောဂ်နေဆူတယွောဂ်ဟော် ကွိုယ်တော်နောင့်လော်ယွောဂ်တွိဆုန်လေရယ်။ အယ်းဆူဟော် ကော်လော့ကျော်ရယ့်အထိ အဝဂ်အစောလယ်းမဝဂ်၊ အိင်မောင်လယ်းမနေဝါးနောင့် ဆင်းကှောင်းဂူမျောမောင်ပယ်း လည့်ပွီးနေထောင်နေရယ်။

Luke 8:42

စော်ကျွောင့်လောဟန် ဆာ့နေနဂ်အရွာ ဆူ့ယယ့်တဦးတည်းဖှဂ်ရယ့်ဆမီးမောင် ဆေလုမျိုးပေါ ဖှဂ်နေတော်ကျွောင့်ဖှဂ်ရယ်။ အယ်းအိင်ကွို ကျို့ဆိုးရယ့်လောင်းခရီးမောင် လူထုပုရိတ်ဆတ်မျောတွို့ဟော်လဲ ကွိုယ်တော်ကွို စုပုန်ပွီးတွိုးလော်ကျော့ရယ်။

Luke 8:44

အယ်းယော်ကျွောင့် ဆူဟော် ကွိုယ်တော်ယေရှုယယ့် အနွောဂ်ကွို ယွောဂ်အွောင်ဆိုးပွီး ကွိုယ်တော်ယယ့် ဝဂ်ရုန်စော့ကွို လဂ်နောင့်ထိလောဂ်တော်နောင့် ခှခှင်းပယ်း ဆူ့ယယ့်ဆွီးဆန်းရိုးကော်ဟော် ပျွောဂ်ကန်းဆိုးလေရယ်။