Luke 8:35 - Taungyo

³⁵ လူတွို့ရယ်ဟော် အယ်းအဖှဂ်အပျဂ်ကွို ကျေ့ရှုနောင်ဖွို့ မွှို့ထားခေါ့ ထွလော်ကျော့‌လေရယ်။ ဆူတွို့ဟော် ကွိုယ်တော်ယေရှုနောင်းကွို ယွောဂ်လော်ရယ့်အခှိင်မောင် မကွောင်းဆွိုးဝါးဝမ်ပူးကောဂ်ခှန်းခေါ့နေ လွဂ်မွှောဂ်ဆိုးရယ့် လူဟော် အဝဂ်အစောမျောဝဂ်ဆန်ပွီး ကွိုယ်တော်ယယ့်ချေတိုရန်းမောင် အကွောင်းပဂတိအတောင်း ထောင်နေခှန်းကွို မျိုတွိကျော့ရယ့်အခေါ် အောင့်အိုးတွိင်လုတ်ဆိုးကျော့လေရယ်။

Luke 8:35 Iomraidhean Croise

Luke 10:39

ဆူ့မောင် မာရိလွို့ခိုရယ့် တေမော့ငါ တယွောဂ်ဆိရယ်။ မာရိဟော် ကွိုယ်တော်ယယ့် ချေရန်းမောင်ထောင်ပွီး တရောတိုမျောကွို နော်ကျောနေလေရယ်။

Luke 15:17

အယ်းအခိင်မောင် ဆူဟော် နွောင်တော့ယော့ပွီး ‘ငေါ့ဖော့ယယ့် အိင်မောင် အလုတ်ဆမောရယ် အမျောကျွီးဆိပေမယ့်လယ်း ဆူတွို့ဟော် စောစရော်ဝို့ဝို့လန်လန်စောကျော့ယော့ရယ်။ ငေါ့မောင်ကော ဟော်နေယော်မောင် စောစရော်မဆိပယ်း ငတ်နေယော့ရယ်။

Luke 2:46

ဆုန်းရတ်ကျော်ရယ့်အခေါ် ဆူတွို့ဟော် လူပယ့်ဆငါယေရှုကွို ဗိမာန်တိုဝမ်းမောင် ဂျူးဖော်ဆော်ရယ်းဆရော်မျောအကျောမောင်ထောင်နေတော်ကွို တွိဆိကျော့ရယ်။ ဆူဟော် ဆူတွို့ယယ့် ဆန်ကျောချဂ်မျောကွိုနောထွောင်ပွီး ဆူတွို့ကွို မေးခွမ်းမျောပှန်မေးနေလေခယ့်ရယ်။

Luke 8:27

ကွိုယ်တော်ဟော် အယ်းနေယော်ကွိုယွောဂ်ပွီး ကောင်းပိုတဂ်တိုမူရယ့်အခေါ် အယ်းမွှို့ခေါ့မကွောင်းဆွိုးဝါးပူးကောဂ်နေဆူတယွောဂ်ဟော် ကွိုယ်တော်နောင့်လော်ယွောဂ်တွိဆုန်လေရယ်။ အယ်းဆူဟော် ကော်လော့ကျော်ရယ့်အထိ အဝဂ်အစောလယ်းမဝဂ်၊ အိင်မောင်လယ်းမနေဝါးနောင့် ဆင်းကှောင်းဂူမျောမောင်ပယ်း လည့်ပွီးနေထောင်နေရယ်။

Luke 8:34

အယ်းအခေါ် ဝထိင်းဆမောတွို့ဟော် ဟော်အဖှဂ်အပျဂ်ကွို မျိုတွိယော့ရယ့်အခေါ် ပှေးထွဆိုးကျော့ပွီး အယ်းဆတန်းကွို ဝိုယောမွှို့ပေါ်မကှန် ဟိုးကျောလေတို့ရယ်။