Luke 8:24 - Taungyo

²⁴ အယ်းအခေါ် ဆပယ့်တိုမျောဟော် ကွိုယ်တော်ယေရှုကွို နွိုးလောဂ်ပွီး “ကွိုယ်တော်၊ ကွိုယ်တော်၊ ငေါ်တွို့အောလုန်း ဆေယော့ပေါ်တို့မယ်” လွို့ ရွှောဂ်တန်ကျော့ရယ့်အတွ ကွိုယ်တော်ယေရှုဟော်ထော့ပွီး လေပှန်းမုန်တိုင်းနောင့် ယေလိုင်းလုန်းကျွီးမျောကွို ရောဂ်တန့်ဆိုးဖွို့ အမိင့်ပေးလောဂ်ရယ့်အခေါ် လေပှန်းမုန်တိုင်းနောင့် ယေလိုင်းလုန်းကျွီးတွို့ဟော် ညိင်ကှော့ဆိုးလေတို့ရယ်။

Luke 8:24 Iomraidhean Croise

Luke 4:35

အယ်းအခေါ် ကွိုယ်တော်ယေရှုခေါ့ မကွောင်းဆွိုးဝါးကွို “တိတိနေပွီး ဆူ့နောင်းခေါ့နေ ထွဆိုးလောဂ်” လွို့အမိင့်ပေးလောဂ်တော်နောင့်တပျှောင်ထယ်း မကွောင်းဆွိုးဝါးဟော် အယ်းလူကွို လူမျောအလာမောင် မှေပှင်ပိုနောင်းလယ်းခှော့လောဂ်ပွီး မနော်စေဝါးနောင့် ထွဆိုးလေရယ်။

Luke 4:39

အယ်းယော်ကျွောင့် ကွိုယ်တော်ဟော် ဆူ့အနီးနောင်းကွိုဆိုးပွီး အဖျောရိုးကော်ကွို ပျွောဂ်ကန်းစေဖွို့ အမိင့်ပေးလောဂ်တော်နောင့် ဆူဟော် ကျောင်းမော်ဆိုးလေရယ်။ ဆူဟော် ခှခှန်းထော့ပွီး ဆူတွို့ကွို ဧည့်ခေါင်လေရယ်။

Luke 5:5

ရှိမုန်ခေါ့လယ်း “ကွိုယ်တော်၊ ငေါ်တွို့ တညော့လုန်း မိုးနောင့်မိုးနောင့် ကျွိုးစောကျော့ပေမယ့်လယ်း ငေါတကွောင်မော့ မယော့ခယ့်ပေါ်။ ဟော်ပေမယ့် ကွိုယ်တော် လုတ်ခေါင်းရယ့်အတွကျွောင့် ငေါဖောင်းပိကွန်ကွို ထောဂ်ပွီး ခှော့လောဂ်ပေါ်မယ်” လွို့ ဖှေလေရယ်။

Luke 8:25

အယ်းနွောဂ်မောင် ကွိုယ်တော်ယေရှုခေါ့ ဆပယ့်တိုရယ်ကွို “နန်တွို့ယယ့်ယုန်ကျည်ခှန်းဟော် စမော်လော” လွို့ မေးတိုမူယန် ဆူတွို့ဟော် အောင့်အိုးတွိင်လုတ်ကျော့ပွီး “ဟော်လူဟော် စနန်လူလော။ လေမုန်တိုင်းနောင့် ယေလိုင်းလုန်းကျွီးခေါ့တအွောင် ဆူ့အမိင့်ကွို နော်ခေါင်ကျော့ပေါ်သလော” လွို့ အခှန်းခှန်းဟိုးကျော့လေရယ်။