စော်အစေခေါင်မောင့် တပှောင်ထယ်း သခန်နေယွောဂ်ကွို အလုတ်အကျွယ်းမပှုနောင်ပေါ်။ စော်ကျွောင့်လောဟန်ကော ဆူဟော် သခန်တယွောဂ်ကွို ငွိုးပွီး အချောသခန်တယွောဂ်ကွို ခှဂ်ခန်လောဂ်မောင်ဖှဂ်ရယ်။ တယွောဂ်ကွို ဆဂ်စော်ဆိယန် နွေ့ာဂ်တယွောဂ်ကွို မလေးမစော လုတ်လောဂ်မယ်။ အယ်းလွိုမျွိုးပယ်း နန်တွို့ဟော်လယ်း ဖရောဆန်နောင့်လောကီစည်းစိင်ကွို တပှောင်ထယ်း အလုတ်အကျွယ်းမပှုနောင်ကျော့ပေါ်” လွို့ မိင့်တိုမူရယ်။
Luke 8:14 - Taungyo14 ဆူးချုန်ပန်မျောအွောဂ်ကွို ကှော့ရယ့်မျွိုးစယ့်မောင် ဖရောဆန်ယယ့်နွောဂ်ကပတ်တိုရယ်ကွို ကျောနော်ကျော့ယော့ပေမယ့်လယ်း လောကီနောင့်ဆောင်ရယ့် စွိုးယိင်ပူပန်မုရယ်၊ ချောင်းဆော်ကျွာဝို့မုရယ်နောင့် ကာမဂုဏ်ခေါင်စောခှန်းတွို့နောင့် ကော်ဆီးပိဆွို့ခှန်းခေါင်ယော့ရယ့်အတွကျွောင့် အဆီးအနောင်ရယ် မဖှဂ်ထွမ်းကျော့ပေါ်။ အယ်းလွိုအဆီးအနောင်မဖှဂ်ထွမ်းရယ့် အပန်ဟော် လာဆမောအတွ အဆုန်းမဝမ်သလွိုမျွိုး အယ်းလူတွို့ဟော်လယ်း ဖရောဆန်အတွ အဆုန်းမဝမ်ရယ့်လူမျောဖှဂ်ကျော့ရယ်။ Faic an caibideil |
Luke 8:14
17 Iomraidhean Croise
ဟော်ပေမယ့် နန်တွို့စလွိုမျွိုးနေထောင်ယော့မယ်ဆွိုတော်ကွို ဆတိပှုကျော့ပေါ်။ နန်တွို့ဟော် အပျိုလွမ်ပွီး စောလောဂ်ဆွောဂ်လောဂ်၊ ဖဝို့အတွပူပန်လောဂ်နောင့် နန်တွို့ယယ့် အခှိင်ရယ်ကွို မဖွှုန်းတီးကျော့နောင့်။ အယ်းလွိုလုတ်ကျော့ယန် နန်တွို့ငေါ်ပှန်ကျို့လော်မယ့်အခိင်မောင် အဆန်သင့်ဖှဂ်နေကျော့လောဂ်မောင်မဟွိပေါ်။ အကျွောင်းမောင်ကော တရိဆန်တကွောင် ထွောဂ်ချွောဂ်မောင်မိနေသလွိုမျွိုး ငေါ်ဟော်လယ်း နန်တွို့မျိုလန့်မထောရယ့်အခှိင်မောင် တလန့်တဆန့် ပှန်ကျို့လော်မောင် ဖှဂ်တော်ကျွောင့်ဖှဂ်ရယ်။
ကွှောဂ်ခေါင်မှေပိုမောင် ကှော့ရယ့်မျွိုးစယ့်မောင် ဖရောဆန်ယယ့်နွောဂ်ကပတ်တိုရယ်ကွို ကျောနော်ယော့ရယ့်အခေါ်မောင် ဝုန်းမွှောဂ်ဝုန်းဆော်ခေါင်ယူကျော့ပေမယ့်လယ်း အယ်းဆူတွို့ဟော် အမှဂ်မဆိရယ့်အပန်မျောနောင့်တူပွီး ဆူတွို့ယယ့်စိနလုန်းမောင် မတည်မှားပယ်း အခှိင်ခနော့ပယ်းယုန်ကျည်လဂ်ခေါင်ကျော့ပွီး ဖဝို့မောင်ခဂ်ခါးကျောင်းတောင်းမုရယ်နောင့် ယန်ဆောင်ကျုန်တွိရယ့်အခေါ်မောင် ဆူတွို့ယယ့်ယုန်ကျည်မုရယ်ဟော် ခှခှန်းပယ်းရောဂ်တန့်ဆိုးတတ်ကျော့ရယ့်ဆူရယ်ဖှဂ်ရယ်။
ကွောင်းရယ့်မှေဆီလွှာပိုမောင် ကှော့ရယ့်မျွိုးစယ့်ဆွိုတော်ဟော် ဖရောဆန်ရယ့်နွောဂ်ကပတ်တိုရယ်ကွို ကျောနော်ပွီးရယ့်အခေါ် ဆူတွို့ယယ့် ရွိုးဆောကွောင်းမွမ်ရယ့် စိနလုန်းထားမောင် မှားမှားထိင်းဆိင်းပွီး လောဂ်နော်ကှင့်ဆုန်းရယ့်အတွ အဆီးအနောင်ရယ် အမွှောဂ်အမျောဖှဂ်ထွမ်းကျော့ရယ့် အပန်လွိုမျွိုးဖှဂ်လော်ကျော့ပွီး ဖရောဆန်သဖိုးကှော့တိုမူရယ့် လူမျောဖှဂ်လော်ကျော့ရယ်” လွို့ မိင့်တိုမူရယ်။
Sanasan