Luke 7:26 - Taungyo

²⁶ ယောဟန်ယယ့်ဆပယ့်တိုတွို့ ပှန်ဆိုးကျော့ပွီးရယ့်အခေါ် ယောဟန်အကျွောင်းကွို လူထုပရိတ်ဆတ်ရယ်နောင်း ကွိုယ်တော်ဟိုးကျောတိုမူခှန်းခေါ့ “တိုးက‌န်တော်ရော့ထားကွို စော်အယော်ကွိုကျေ့ဖွို့ ဆိုးကျော့သလော။ လေယူယော်ယောင်းနေရယ့် မျရောင်းပန်ချယ်ရယ်ကွို မျိုခှင်လွို့လော။

Luke 7:26 Iomraidhean Croise

Luke 1:76

အယ်းနွောဂ်မောင် ဇာခရိဟော် ဆူ့ယယ့်လူပယ့်ငါကွို “ငေါ့ဆောငါ၊ နန်ဟော် အမှင့်ဆုန်းဖှဂ်ရယ့်ဖရောဆန်ယယ့်ပရောဖက်လွို့ ခိုဝိုခှန်းကွိုခေါင်ယော့မောင်ဖှဂ်ပွီး ကွိုယ်တော်ယယ့်လောင်းကွိုပှန်ဆန်ဖွို့ ကွိုယ်တော်ယယ့်ချယ့်ခေါ့နေ ဆိုးယော့လောဂ်မယ်။

Luke 16:16

မောရှေယယ့်ပညောဂ်ကျောင်းနောင့် ပရောဖက်မျောရယ်းဆောခယ့်ကျော့ရယ့် ကျောင်းမျောမောင် ယေနဂ်မန်ဂလော် ဆရော်ယောဟန်ပိုလော်ပွီး မန်ဂလော်ဆတန်းကွောင်းကွို ဟိုးကျောခှန်းမပှုမီအထိ နန်တွို့အတွလောဂ်နော်ယော့မယ့် လောင်းစန်မျောအဖှဂ် ဆိခယ့်ကျော့ရယ်။ ဟော်ပေမယ့် အခုမောင်ကော ငေါ်ယော် ဖရောဆန်ယယ့်ဆော်ဆနော်တိုအကျွောင်း မန်ဂလော်ဆတန်းကွောင်းကွို ဟိုးကျောနေပွီဖှဂ်ရယ်။ အယ်းယော်ကျွောင့် လူအမျောတွို့ဟော် ဖရောဆန်ယယ့်ဆော်ဆနော်တိုထားကွို ဝမ်ယွောဂ်နောင်ကျော့ဖွို့အတွ စိအောဆန်ဆန်နောင့် ကျွိုးစောအောထွိနေကျော့ပီဖှဂ်ရယ်။

Luke 20:6

လူတွို့နောင်းခေါ့ ယော့ဆိခယ့်ပေါ်ရယ်လွို့ ဖှေလောဂ်ယန်လယ်း လူအောလုန်းခေါ့ ယောဟန်ကွို ပရောဖက်တပေါလွို့ ယုန်ကျည်လဂ်ခေါင်နေကျော့ရယ့်အတွ ဆူတွို့ဟော် ငေါ်တွို့ကွို ကွှောဂ်ခါးရယ်နောင့်ခတ်ကျော့လောဂ်မယ်” လွို့ ဟိုးဆွိုကျော့လေရယ်။

Luke 7:25

အယ်းနန်ဟန် စော်အယော်ကွို မျိုခှန်လွို့ အယ်းအရောဂ်ကွိုဆိုးကျော့သလော။ ဝဂ်ကွောင်းစောခှော့ဝဂ်ထောရယ့်ဆူရယ်ကွို မျိုခှန်လွို့လော။ အယ်းလွိုမော့မဟွိ ဝဂ်ကွောင်းစောခှော့ဝဂ်ဆန်ထောပွီး စည်းစိင်အပှယ့်ခေါင်စောနေရယ့်ဆူရယ်ကွို ဘရန်နောင်းတိုထားမောင်ပယ်း မျိုနောင်ရယ်မယ်။

Luke 7:27

အကျွောင်းမောင်ကော ချယ့်ယခန်ပရောဖက်တပေါကော့ ယောဟန်ယယ့်အကျွောင်းကွို ရယ်းဆောထောခဲ့တော်ကော့ ‘ဖရောဆန်ဟော် မေရှိယကွို ဟော်လွိုမျွိုးမိင့်ဆွိုတိုမူရယ်။ အယ်းယော်ကော့ နန့်ကွို မစေခွှဂ်မီ ငေါ်ဟော် ငေါ့ယယ့်စေတမာန်ကွို အယန်ဦးဆုန်း စေခွှဂ်မယ်။ ဆူဟော် နန့်ယယ့်လောင်းစန်ကွို ပှန်ဆန်ပေးလောဂ်မယ်’ ဆွိုပွီးဖှဂ်ရယ်။