Luke 6:47 - Taungyo

⁴⁷ ငေါ့နောင်းလော်ပွီး ငေါ့တရောတိုရယ်ကွိုကျောနော်ပွီး လောဂ်နော်ကျော့ရယ့်ဆူဟော် စလွိုလူနောင့်တူရယ့်အကျွောင်း နန်တွို့ကွို ငေါ်ဟိုးပျော့မယ်။

Luke 6:47 Iomraidhean Croise

Luke 11:28

အယ်းအခေါ် ကွိုယ်တော်ခေါ့ “မင်ပေါ်ရယ်။ ဟော်ပေမယ့် ဖရောဆန်ယယ့်နွောဂ်ကပတ်တိုရယ်ကွို နော်ကျောယော့ပွီး လောဂ်နော်ကှင့်ဆုန်းရယ့် ဆူရယ်ခေါ့ ဖရောဆန်ယယ့်သဖိုးကှော့ခှန်းကွို ပွိုပွီးခေါင်ယော့ရယ့်ဆူရယ်ဖှဂ်ကျော့ရယ်” လွို့ပှန်လယ် မိင့်ကျောလေရယ်။

Luke 14:26

“ငေါ့ယယ့်ဆပယ့်တိုဖှဂ်ခှန်ဟန်ကော နန့်ယယ့်မွေ့ဖော့၊ မိင်းမော့၊ ဆောဆမီး၊ ညီအကွို၊ မွောင်နမော့တွို့နောင့် ကွိုယ့်ယယ့်ဖဝို့ကွိုခှဂ်သလွိုထဂ် ငေါ့ကွိုပွိုခှဂ်ယော့မောင်ဖှဂ်ရယ်။ အယ်းလွိုမဟွိယန်ကော နန်တွို့ဟော် ငေါ့ယယ့်ဆပယ့်တိုဖှဂ်နောင်မောင်မဟွိပေါ်။

Luke 6:48

အယ်းလူဟော် ကွှောဂ်ခေါင်မှေပိုမောင် မှေကွိုနဂ်နဂ်တူးပွီး အိင်ဆွောဂ်ဆမောနောင့်တူရယ်။ အယ်းနွောဂ်မောင် ယေဖုန်းလွမ်းပွီး လှိုင်းလုန်းမျောရောဂ်ခေါဂ်ပေမယ့်လယ်း အယ်းအိင်ဟော် ကွောင်းကွောင်းအွိမှဂ်ခှော့ထောရယ့်အတွ လယ်းပွှိုခှန်းမဆိဝါးနောင့် ကျောင့်ကျောင့်ခေါင်နောင်ရယ်။

Luke 8:13

ကွှောဂ်ခေါင်မှေပိုမောင် ကှော့ရယ့်မျွိုးစယ့်မောင် ဖရောဆန်ယယ့်နွောဂ်ကပတ်တိုရယ်ကွို ကျောနော်ယော့ရယ့်အခေါ်မောင် ဝုန်းမွှောဂ်ဝုန်းဆော်ခေါင်ယူကျော့ပေမယ့်လယ်း အယ်းဆူတွို့ဟော် အမှဂ်မဆိရယ့်အပန်မျောနောင့်တူပွီး ဆူတွို့ယယ့်စိနလုန်းမောင် မတည်မှားပယ်း အခှိင်ခနော့ပယ်းယုန်ကျည်လဂ်ခေါင်ကျော့ပွီး ဖဝို့မောင်ခဂ်ခါးကျောင်းတောင်းမုရယ်နောင့် ယန်ဆောင်ကျုန်တွိရယ့်အခေါ်မောင် ဆူတွို့ယယ့်ယုန်ကျည်မုရယ်ဟော် ခှခှန်းပယ်းရောဂ်တန့်ဆိုးတတ်ကျော့ရယ့်ဆူရယ်ဖှဂ်ရယ်။

Luke 8:8

အချောမျွိုးစယ့်ရယ်ကော ကွောင်းရယ့်မှေဆီလွှာနောင်းမောင် ကှော့ယွောဂ်လွို့ အပန်မျောပွေါဂ်လော်ပွီး ဆီးနောင်မျောအဆော့တရော်လွောဂ် ဖှဂ်ထွမ်းကျော့ရယ်” လွို့မိင့်တိုမူလေရယ်။ အယ်းလွိုမိင့်တိုမူပွီးရယ့်အခေါ် ကွိုယ်တော်ယေရှုခေါ့ “နောဆိလွို့ ကျောနော်နောင်ဆူတွို့၊ အော်ရုန်စောဂ်ပွီး နောထွောင်ကျော့ပေါ်” လွို့ အကှာကျွီး ဟိုးလေရယ်။