Luke 5:26 - Taungyo

²⁶ လူတောင်းဟော် အောင့်အိုးမုနောင့် ဖရောယယ့်ဂုဏ်တိုကွိုခှီးမွမ်းကျော့ရယ်။ ဆူတွို့ဟော် အောင့်အိုးတွိင်လုတ်မုနောင့် “ခုနေ့ ငေါ်တွို့ဟော် အောင့်အိုးစရော်ကွောင်းရယ့်အယော်တွို့ကွို မျိုယော့ပီ” လွို့ ဟိုးကျော့လေရယ်။

Luke 5:26 Iomraidhean Croise

Luke 1:65

အယ်းအဖှဂ်ပျဂ်ကွို အိင်နီးခှန်းမျောမျိုရယ့်အခေါ် အောင့်အိုးကျွောဂ်လန့်ဆိုးကျော့လေရယ်။ လူအောလုန်းတွို့ဟော် ဟော်ဆတန်းကွို ယုဒပှယ်တွောင်ပိုမောင်ဆိရယ့် နေယော်တောင်းမောင်ဟိုးဆွိုနေကျော့လေရယ်။

Luke 5:8

အယ်းအဖှဂ်အပျဂ်မျောကွို မျိုတွိယော့ရယ့်အခေါ် ရှိမုန်ပေတရုဟော်b ကွိုယ်တော်ယေရှုယယ့် ခှေရန်းမောင် ဒူးထွောဂ်ချယ့်ခွိုးပွီး “ကွိုယ်တော်၊ ငေါ်ဟော် အပှဂ်ဒုစရောဂ်မျောဆူဖှဂ်ရယ့်အတွ ငေါ့နောင်းခေါ့နေ ထွဆိုးတိုမူပေါ်” လွို့ ရွှောဂ်တန်လေရယ်။

Luke 7:16

လူအပွေါင်းတွို့ဟော်လယ်း ထိင့်လန့်အောင့်အိုးမုနောင့် “ငေါ်တွို့ကျောထားမောင် မှင့်မှဂ်ရယ့်ပရောဖက်တပေါ ပိုထွလော်ပီ။ ဖရောဆန်ခေါ့ ငေါ်တွို့ကွို ကျေ့ရှုတိုမူပွီး” လွို့ ဖရောဆန်ယယ့်ဂုဏ်တိုကွို ခှီးမွမ်းကျော့လေရယ်။

Luke 8:37

အယ်းအခေါ် ဂါရစမွှို့ဝန်းကျန်ခေါ့ လော်ရယ့် လူတောင်းဟော် တအောကျွောဂ်ဆိုးကျော့လွို့ ကွိုယ်တော်ယေရှုကွို မိမိတွို့ဝန်းကျန်ခေါ့နေ ထွဆိုးပေးဖွို့ တွောင်းပန်ကျော့လွို့ ကွိုယ်တော်ယေရှုဟော်လယ်း ဆပယ့်တိုမျောနောင့်အတူ ခှယ်ပိုကွိုတဂ်ပွီး အယ်းအရောဂ်ခေါ့နေ ထွဆိုးလေရယ်။