Luke 5:13 - Taungyo

¹³ အယ်းယော်ကျွောင့် ကွိုယ်တော်ဟော် လဂ်ကွိုဆန့်ပွီး အယ်းလူကွိုလဂ်တိုနောင့်ထိပွီး “ငေါ်အလွိုဆိရယ်၊ ပျွောဂ်ကန်းစေ” လွို့မိင့်လောဂ်တော်နောင့် ခှခှင်းပယ်း အယ်းလူယယ့် အနော်ကျွီးရိုးကော်မောင်ပျွောဂ်ကန်းဆိုးလေရယ်။

Luke 5:13 Iomraidhean Croise

Luke 4:39

အယ်းယော်ကျွောင့် ကွိုယ်တော်ဟော် ဆူ့အနီးနောင်းကွိုဆိုးပွီး အဖျောရိုးကော်ကွို ပျွောဂ်ကန်းစေဖွို့ အမိင့်ပေးလောဂ်တော်နောင့် ဆူဟော် ကျောင်းမော်ဆိုးလေရယ်။ ဆူဟော် ခှခှန်းထော့ပွီး ဆူတွို့ကွို ဧည့်ခေါင်လေရယ်။

Luke 5:12

တခေါ်ခေါ့ ကွိုယ်တော်ယေရှုဟော် မွှို့တမွှို့မောင်ဆိနေခှိင် အယ်းနေယော်မောင် အနော်ကျွီးရိုးကော်ခေါင်စောနေယော့ဆူ အမျွိုးဆောတယွောဂ်ဆိလေရယ်။ ဆူဟော် ကွိုယ်တော်ကွိုမျိုပွီး ကွိုယ်တော်ယယ့်ချယ့်မောင် မှေပိုနောင်း ဒူးထွောဂ်ပွီး “ကွိုယ်တော်၊ ကွိုယ်တော်အလွိုဆိယန် အနော်ရိုးကော်ကွို ပျွောဂ်ကန်းစေနောင်ပေါ်ရယ်။ အယ်းယော်ကျွောင့် ငေါ့ယယ့် ရိုးကော်ကွိုပျွောဂ်ကန်းအွောင် ပှုလုတ်ပေးပေါ်” လွို့တွောင်းရွှောဂ်လေရယ်။

Luke 5:14

အယ်းနွောဂ်မောင် ကွိုယ်တော်ခေါ့ ခုလွို အနော်ကျွီးရိုး ကော်ပျွောဂ်ကန်းရယ့်အကျွောင်းကွို စူကွိုမောင့် မဟိုးပျော့ဖွို့ ဆူ့ကွို မိင့်ပွီးရယ့်အခေါ် “ပုရောဟိတ်နောင်းကွို ဆိုးပွီး နန့်တကွိုယ်ကွိုပျော့ပေါ်။ ပွီးယန် နန့်ယယ့် အနော်ရိုးကော်ပျွောဂ်ကန်းမုကွို လူရယ်နောင်းဆဂ်ဆေဖှဂ်စေဖွို့အတွ မောရှေပညတ်ကျောင်းမောင် ဖိုပျော့ထောရယ့်အတောင်း ပူဇော်ရယ့်အမုကွို ဆိုးပွီးလုတ်ဆွောင်ပေါ်” လွို့ မိင့်တိုမူရယ်။