Luke 5:1 - Taungyo

¹ တနေ့မောင် ကွိုယ်တော်ယေရှုဟော် ဂင်္နေသရက်ယေအောင်a နောင်းမောင်မဂ်တိုမူနေခှိင် လူထုပရိတ်ဆတ်တွို့ဟော် ဖရောဆန်ယယ့် နွောဂ်ကပတ်တိုကွိုကျောနော်ဖွို့ ဆူ့ယယ့်ပတ်လည်မောင် စုဝီးယွောဂ်ဆိလော်ကျော့ရယ်။

Luke 5:1 Iomraidhean Croise

Luke 12:1

အယ်းအခှိင်မောင် လူထွောင်ပွေါင်းမျောတွို့ဟော် စုဝီးလော်ကျော့ပွီး တယွောဂ်နောင့်တယွောဂ် တဂ်နန်းမိလွောဂ်အွောင် ဖှဂ်ကျော့ရယ်။ ကွိုယ်တော်ယေရှုဟော် ဆပယ့်တိုမျောကွို ဦးဆုန်းပထမော့ မိင့်ဆွိုယော်မောင် “တဆေးaရယ်လွိုမျွိုး ဖာရိရှဲတွို့ယယ့် ဆူတော်ကွောင်းယွောင်ဆွောင်ရယ့်ဆူရယ် ကွိုဆတိပှုကျော့ပေါ်။

Luke 5:2

အယ်းယော်ပွီးယန် ကွိုယ်တော်ဟော် ကမ်းစောဂ်မောင် ဆိုက်ကောဂ်ထောရယ့် ငေါဖောင်းခှယ်နေစန်းကွို မျိုတိုမူရယ်။ ငေါဖောင်းဆမောတွို့ဟော်လယ်း ခှယ်ပိုခေါ့ ဆန်းပွီး ငေါဖောင်းပိမျောကွို ဆေးကျိုးနေကျော့ရယ်။

Luke 8:22

တနေ့မောင် ကွိုယ်တော်ယေရှုဟော် ဆပယ့်တိုမျောနောင့်အတူ ခှယ်တစီးပိုတဂ်ပွီး “ဟော်ယေအောင်တဖဂ်ကောင်းကွို ဖှဂ်ကူးကျော့မယ်” လွို့ မိင့်တိုမူရယ့်အတွ ဆူတွို့ဟော်လယ်း ဖှဂ်ကူးကျော့လေရယ်။

Luke 8:23

အယ်းလွိုဖှဂ်ကူးနေခှိင် ကွိုယ်တော်ယေရှုဟော် အိမိုးကှော့တိုမူရယ်။ တလန့်တဆန့် လေပှန်းမုန်တိုင်းတောဂ်ခေါဂ်ပွီး ခှယ်ဟော်လယ်း နဂ်မွှုပ်စော့ပှုလော်ရယ့်အတွ အန်တရယ်နောင့်ကျုန်ကျော့ယော့လေရယ်။

Luke 8:33

အယ်းယော်ကျွောင့် မကွောင်းဆွိုးဝါးရယ်ဟော် အယ်းလူနောင်းခေါ့ထွပွီး ဝရယ်နောင်းကွို ဝမ်ပူးကျော့ပွီးနွောဂ် အယ်းဝအုပ်တအုပ်လုန်းဟော် ကောင်းပေါအစွမ်ခေါ့နေ ယေအောင်ထားကွို တဟုန်ထွိုးပှေးဆန်းပြီး ယေနဂ်ဆေဆိုးဟော့လေတယ်။

Luke 8:45

အယ်းအခေါ် ကွိုယ်တော်‌ယေရှုခေါ့ “ငေါ့ကွိုဘဆူထိလောဂ်သလော” လွို့မေးရယ့်အခေါ် လူရယ်ခေါ့လယ်း မိမိတွို့ မထိကျွောင်းကွို ညမ်းဆန်ကျော့ပွီး ပေတရုခေါ့ “ကွိုယ်တော်ယယ့် ဘေးပတ်လည်မောင် လူအုတ်ကျွီးခေါ့ တွိုးနေကျော့လွို့ တယွောဂ်ယွောဂ်ခေါ့ တို့ထိမိတော်ဖှဂ်မယ်” လွို့ရွှောဂ်ထောလောက်လေရယ်။