Luke 3:8 - Taungyo

⁸ နန်တွို့ယယ့် အပှဂ်ဒုစရောက်ရယ်ကွို စွမ့်လောဂ်ပီဆွိုတော်ကွို အလုတ်နောင့်ဆဂ်ဆေပျော့ကျော့။ နန်တွို့ကွိုယ်နန်တွို့ အာဗြဟံယယ့် မျွိုးဆဂ်ဖှဂ်ရယ်ဆွိုပွီးဟိုးမနေကျော့နောင့်။ နန်တွို့ကွို ငေါ်ဟိုးမယ်။ စော်ကျွောင့်လောဟန်ကော ဖရောဆန်ခေါ့ ကွှောဂ်ခါးမျောကွို အာဗြံဟံယယ့်မျွိုးဆဂ်အဖှဂ် ပွှောင်းလားနောင်ရယ်။

Luke 3:8 Iomraidhean Croise

Luke 13:25

အိင်သခန်ဟော် ထော့လော်ပွီး တခေါကွိုပိလောဂ်ယန် နန်တွို့ဟော် အထားကွို ဝမ်ယွောဂ်ဖွို့ နွောဂ်ကှော့လေပီဖှဂ်ရယ်။ အယ်းအခေါ် နန်တွို့ဟော် အပှန်မောင်မတ်ပွီး တခေါကွိုခွေါဂ်ပွီး ‘ဆရော်၊ ငေါ်တွို့ကွို တခေါဖွမ့်ပေးပေါ်’ လွို့ တွောင်းပန်ပေမယ့်လယ်း အိင်သခန်ခေါ့ ‘နန်တွို့ကွို ငေါ်မဆိဆသလွို နန်တွို့စော်မရောဂ်ခေါ့လော်တော်ကွိုလယ်း ငေါ်မဆိဆပေါ်’ လွို့ ပှန်ဟိုးလောဂ်မယ်။

Luke 13:26

အယ်းအခေါ် နန်တွို့ခေါ့လယ်း ‘ငေါ်တွို့ဟော် ဆရော်တွို့နောင့်အတူတူ စောဆွောဂ်ခယ့်ကျော့ဖူးပွီး ငေါ်တွို့နေထောင်ရယ့် မွှို့ဝိုမျောမောင်ဆိရယ့် လောင်းမျောပိုမောင်လယ်း ဆရော်ယယ့် ဆန်ကျောမုတွို့ကွို နော်ကျောခယ့်ဖူးရယ့်အတွ ဆရော်ကွို ဆိဆပေါ်ရယ်’ လွို့ ရွှောဂ်တန်ကျော့လေရယ်။

Luke 14:9

တကာလွို့ နန်ထောဂ်လောဂ်လွို့ အယ်းအရေးကျွီးလူ ယွောဂ်လော်ရယ့်အခေါ်မောင် နန့်ကွိုဖိင့်ကျောထောရယ့်ဆူခေါ့ နန့်ကွို ‘နန့်နေယော်ကွို ဟော်လူကွိုပေးလောဂ်ပေါ်’ လွို့ ဟိုးယန် နန်ဟော်အချယော့ပွီး နွေ့ာဂ်ဆုန်းနေယော်မောင် ဆိုးထောင်နေယော့လောဂ်မယ်။

Luke 19:40

ကွိုယ်တော်ယေရှုခေါ့ ဆူတွို့ကွို “နန်တွို့ကွို ငေါ်ဟိုးယော့ယန် ငေါ့ယယ့်ဆပယ့်တိုရယ်ခေါ့ ငေါ့အတွခှီးမွမ်းကြွေးကျိုခှန်း မပှုကျော့ယန် ကွှောဂ်ခါးမျောကော့ ခှီးမွမ်းကြွေးကျိုခှန်း ပှုကျော့လောဂ်မယ်” လွို့မိင့်တိုမူလေရယ်။

Luke 19:9

အယ်းနွောဂ် ကွိုယ်တော်ယေရှုခေါ့ ဇက္ခဲကွို “နန်ဟော် အာဗြဟံယယ့်မျွိုးဆဂ်ဖှဂ်ရယ့်အတွကျွောင့် ခုနေ့ခေါ့စော့ပွီး နန်နောင့် နန့်မွေ့ဆောစုတစုလုန်းဟော် ဖရောဆန်ယယ့် ကာတန်ခှန်းကွို ခေါင်ယော့ပွီဖှဂ်ရယ်။

Luke 5:21

အယ်းအခေါ် ဖာရိရှဲမျောနောင့် ကျောင်းတတ်ဆရော်မျောဟော် “ဟော်လူဟော် ဆူ့ကွိုယ်ဆူ စူလွို့ထန်ပွီး ဟော်လွိုမျွိုး ဖရောဆန်ကွို စိုကောရယ့်စကော မျွိုးကွို ဟိုးယော့သလော။ ဆူ့ကွိုယ်ဆူဖရော ဆန်လွို့ထန်နေသလော။ ဖရောဆန်ခေါ့လွားပွီး စူခေါ့မောင့် အပှဂ်ရယ် ကွို ခွမ့်ခွှဂ်ပေးတော်မျွိုး မလုတ်နောင်ဘူး” လွို့ တွယ်းကျော့လေရယ်။