Luke 24:30 - Taungyo

³⁰ အယ်းနွောဂ် ကွိုယ်တော်ယေရှုဟော် ဆူတွို့နောင့်အတူစောဆွောဂ်ဖွို့ ထောင်ကျော့ရယ့်အခေါ် ကွိုယ်တော်ဟော် မွိအခှို့ကွိုယူပွီး ဖရောဆန်ယယ့်ကျယ်းဇူးတိုကွို ခှီးမွမ်းပွီး မွိကွိုဖပွီး ဆပယ့်တိုရယ်ကွို ပေးလေရယ်။

Luke 24:30 Iomraidhean Croise

Luke 22:19

တဖန် မွိကွိုယူပွီး ဖရောဆန်ယယ့်ကျယ်းဇူးတိုကွိုခှီးမွမ်းလောဂ်ပွီး ဆပယ့်တိုတွို့ကွို မွိကွိုဖဂ်ပေးလောဂ်ပွီး နန်တွို့ကွို ငေါ်ဟိုးခှန်တော်မောင် ဟော်မွိဟော် နန်တွို့အတွပေးဆောဂ်ရယ့် ငေါ့ယယ့်ခန်ဓော်ကွိုယ်ဖှဂ်ရယ်။ ငေါ့ကွို အွောဂ်မေ့ဆတိယော့ပွီး ငေါ်လုတ်ခယ့်ရယ့်အတောင်းဆဂ်ပွီး လုတ်ကျော့ပေါ်” လွို့ မိင့်တိုမူရယ်။

Luke 24:29

ဟော်ပေမယ့် ဆူတွို့ခေါ့ ကွိုယ်တော်ကွို “မကျော်ခန် နေဝမ်ပွီးမွိုးချုပ်တို့မောင်ဖှဂ်ရယ့်အတွကျွောင့် ငေါ်တွို့နောင့်အတူ လော်ယွောဂ်ပွီး တည်းခွို ပေါ်” လွို့ကွိုယ်တော်ကွို ဖိင့်ခိုလေရယ်။ အယ်းဟော်ကျွောင့် ကွိုယ်တော်ယေရှုဟော်လယ်း ဆူတွို့နောင့်အတူ အိင်ထားကွို လောဂ်ဆိုးတိုမူလေရယ်။

Luke 24:35

အယ်းနွောဂ် ဧမောက်ကျေးဝိုခေါ့ ပှန်လော်ခယ့်ကျော့ရယ့် ဆပယ့်တိုနေယွောဂ်တွို့ကော့ လောင်းခရီးမောင် ကွိုယ်တော်ယေရှုဟော် ဆူတွို့ယယ့်ချယ့်မောင် ပိုလော်ပွီး လောင်းတရွှောဂ် စကောဟိုးလော်ကျွောင်းနောင့် ကွိုယ်တော်ခေါ့ မွိကွိုဖပွီးပေးရယ့်အခေါ်မောင့်ပယ်း ကွိုယ်တော်ကွို မှတ်မိလော်ကျော့ကျွောင်း ဆူတွို့ကျုန်တွိခယ့်ယော့ရယ့် အဖှဂ်အပျမျောကွို လူတောင်းကွိုဟိုးပျော့ကျော့လေရယ်။

Luke 9:16

အယ်းနွောဂ်မောင် ကွိုယ်တော်ဟော် မွိငေါလုန်းနောင့် ငေါနေကွောင်ကွို ယူလောဂ်ပွီး ကိုးကန်ကွိုမျိုကျေ့ပွီး ဖရောဆန်ယယ့်ဂုဏ်တိုကွို ခှီးမွမ်းဆုတွောင်းပွီး ပွောင်မွိနောင့် ငေါမျောကွိုဖပွီး အထူးဆပယ့်တိုမျောခေါ့တဆန့် လူမျောကွို ဝီပေးစေလေရယ်။