Luke 23:5 - Taungyo

⁵ ဟော်ပေမယ့် အယ်းလူတွို့ခေါ့ ကွိုယ်တော်ယေရှုကွို ဆဂ်ပွီးပှဂ်တန်စွဂ်စွားခယ့်ကျော့လေရယ်။ ဆူတွို့ခေါ့ “ဟော်လူဟော် ဂါလိလဲပှယ်ခေါ့စော့ပွီး ဂျေရုဆလင်မွှို့ထိတအွောင် ယုဒပှယ်တခွမ်လုန်းမောင် ရောမအစွိုးရော့ကွိုဆန့်ကျင်ကျော့ဖွို့အတွ လူရယ်ကွို ဆူ့ယယ့်သွန်သင်ချဂ်မျောနောင့် တောဂ်တွမ်းခယ့်ပေါ်ရယ်” လွို့ ဖိအောပေးဟိုးဆွိုခယ့်ကျော့လေရယ်။

Luke 23:5 Iomraidhean Croise

Luke 11:53

အယ်းနွောဂ်မောင် ကွိုယ်တော်ယေရှုဟော် အယ်းအရောဂ်ခေါ့နေ ထွခွာတိုမူရယ့်အခေါ်မောင် ကျောင်းတတ်ဆရော်မျောနောင့် ဖာရိရှဲမျောဟော် ကွိုယ်တော်ကွို ရန်ညွိုးထောပွီး အကျွောင်းအယော်မျောတွို့နောင့် ပဂ်ဆဂ်ရယ့် ခတ်ခါးရယ့်မေးခွမ်းမျောကွို မေးမှန်းကျော့လေတို့ရယ်။

Luke 23:23

ဟော်ပေမယ့် အယ်းလူတွို့ဟော် ကွိုယ်တော်ယေရှုကွို လဂ်ဝိုးကောဂ်တောင်ပိုတန်ပွီး ဆတ်ဖွို့ပယ်း ဆဂ်လဂ်အိုဟဂ်ပွီး တွမ်းအောပေးနေကျော့ရယ်။ နွောဂ်ဆုန်းမောင် ဆူတွို့ယယ့်ကှာပနန်းရယ့် အိုဟဂ်တွောင်းဆွိုရယ့်အဆောင်ကျွောင့် အနောင်ယော့ဆိဆိုးလေရယ်။

Luke 23:6

အယ်းစကောကွို ပိလတ်မန်းကျောရယ့်အခေါ် “ဟော်လူယော် ဂါလိလဲပှယ်ဆောဖှဂ်သလော” လွို့ မေးလေရယ်။