Luke 22:52 - Taungyo

⁵² အယ်းနွောဂ်မောင် ကွိုယ်တော်ယေရှုဟော် ဆူ့ကွို ဖောင်းဖွို့လော်ကျော့ရယ့် ဂျူးလူမျွိုးအကျွီးအကားမျော၊ ဗိမာန်တိုအစွောင့်မျောနောင့် ဂျူးပုရောဟိတ်အကျွီးအကားမျောကွို “နန်တွို့ဟော် ရော်ဇဝဂ်ဆောကွို ဖောင်းသလွိုမျွိုး ငေါ့ကွိုဖောင်းဆီးဖွို့ ကတွိမျော၊ ဆငါချယ်မျောကွိုတအွောင် ကောင်ပွီး ယူလော်ကျော့သလော။

Luke 22:52 Iomraidhean Croise

Luke 22:37

အကျွောင်းမောင်ကော ‘ဟော်လူဟော် ရော်ဇဝဂ်ဆောလွိုမျွိုး ဆဂ်မှတ်ခေါင်ယော့လောဂ်မယ်’ လွို့ ငေါ့ယယ့်အကျွောင်းကွို ကျောင်းစော်မောင်ရယ်းဆောထောရယ့် အတောင်း အယ်းအဖှဂ်အပျဂ်မျောဟော် ငေါ့နောင်းမောင်အမင်တကာပယ်း ဖှဂ်ပျဂ်လော်တို့မောင်ဖှဂ်ရယ်” လွို့မိင့်တိုမူလေရယ်။

Luke 22:4

အယ်းယော်ကျွောင့် ယုဒရှကာရုတ်ဟော် ပုရောဟိတ်အကျွီးအကားမျောနောင့် ဗိမာန်တော်အစွောင့်ခွေါင်းဆွောင်မျော ကွိုဆိုးပွီး ကွိုယ်တော်ယေရှုကွို ဆူတွို့လဂ်ထားကွို ဖောင်းဆီးအောဂ်နောင်ဖွို့ အကွောင်းဆုန်းနည်းလောင်းနောင့် ဖောင်းဆီးဖွို့အတွ ကူညီပေးနောင်ရယ့်အကျွောင်းကွို ဆွီးနွီးတောင်ပန်ကျော့လေရယ်။

Luke 22:51

အယ်းအခေါ် ကွိုယ်တော်ခေါ့ “ဟော်လွောဂ်နောင့်တိုလောဂ်တို့” လွို့မိင့်တိုမူပွီး အယ်းအစေခေါင်ယယ့် နောလွကွို လဂ်တိုနောင့်တွို့ထိလောဂ်ရယ့်အခေါ် အနော်ဟော် ပျွောဂ်ကန်းဆိုးလေရယ်။

Luke 22:53

ငေါ်ဟော် နေ့စန်နေ့တောင်း ဗိမာန်တိုထားမောင် ဆိနေခိင် နန်တွို့ဟော် ငေါ့ကွိုမဖောင်းဆီကျော့။ ဟော်ပေမယ့် ဟော်အခှိင်ဟော် နန်တွို့ယယ့် အခှိင်ဖှဂ်ပွီး မာန်နတ်ယယ့်အမွောင်စွမ်းအောနောင့် အုတ်စွိုးရယ့်အခှိင်လယ်းဖှဂ်ရယ်” လွို့ မိင့်တိုမူရယ်။