Luke 21:7 - Taungyo

⁷ ဆပယ့်တိုတွို့ခေါ့လယ်း ကွိုယ်တော်ကွို “ကွိုယ်တော်၊ အယ်းလွိုအဖှဂ်အပျရယ်ဟော် စော်အခှိင်မောင် ဖှဂ်လော်မော်ပေါ်လော။ အယ်းအဖှဂ်အပျဂ်မျော မကျော်ခန်ဖှဂ်ပျလော်တိုမယ်ဆွိုတော်ကွို စော်အယော်ရယ်ကွိုကျေ့ပွီး ငေါ်တွိုဆိဆနောင်ပေါ်သလော” လွို့ မေးရွှောဂ်ကျော့လေရယ်။

Luke 21:7 Iomraidhean Croise

Luke 21:32

နန်တွို့ကွို ငေါ်အမင်ဟိုးမောင်ကော အခုအဆဂ်ချန်နေကျော့ရယ့်လူအောလုန်းတွို့ဟော် ဟော်အဖှဂ်ပျဂ်မျော မဖှဂ်ပျဂ်ခန်အခှိင်ထိဆေခှန်းကွိုမယွောဂ်နောင်ကျော့ပေါ်။

Luke 21:6

ဟော်ပေမယ့် ကွိုယ်တော်ယေရှုခေါ့ “နန်တွို့ မျိုတွိနေယော့ရယ့် အယ်းအယော်ရယ်အောလုန်းတွို့ဟော် ပွှို့ကှော့ပျဂ်စီးမယ့်အခှိင်ယွောဂ်လော်တို့မောင်ဖှဂ်ရယ်။ ကွှောဂ်တုန်းတတုန်းတအွောင်မောင့် နကွိုယ်နေယော်အတောင်း ဆိနေတို့မောင်မဟွိပယ်း ဖွှိုဖျဂ်ဖျဆီးခှန်းခေါင်ယော့လောဂ်မောင် ဖှဂ်ရယ်” လွို့ မိင့်တိုမူရယ်။

Luke 21:8

အယ်းအခေါ် ကွိုယ်တော်ယေရှုခေါ့ ဆူတွို့ကွို “အယ်းအခှိင်ယွောဂ်ရယ့်အခေါ် နန်တွို့ကွို စူခေါ့မောင့် ခှယ့်စောခှန်းမပှုနောင်အွောင် ဆတိပှုကျော့ပေါ်။ အကျွောင်းမောင်ကော လူမျောစွာတွို့ခေါ့ ဆူတွို့မောင် ငေါ့ယယ့်အခွမ့်အော်နော်ဆိရယ်လွို့ အမောရယ်ဟိုးဆွိုပွီး ဆူတွို့ဟော်မေရှိယဖှဂ်ရယ်လွို့ ဟိုးဆွိုကျော့လောဂ်မယ်။ အယ်းအပှန် ဆူတွို့ခေါ့ ဖ‌ရောဆန်ဟော် ဟော်ကဘော်ကျွီးကွို အုတ်စွိုးမယ့်အခှိင်ဟော်ယွောဂ်ဆိလော်ပွီဖှဂ်ရယ် လွို့လယ်းဟိုးဆွိုလောဂ်မယ်။ ဟော်ပေမယ့် နန်တွို့ဟော် အယ်းဆူတွို့ယယ့်နွောဂ်ကွို မလောဂ်ကျောနောင့်။ မယုန်ကျည်ကျော့နောင့်။ လယ့်ဖျောမုကွို မခေါင်ယော့အွောင် ဆတိပှုကျော့ပေါ်။ လူအမျောခေါ့ ငေါ့အယွောင်ဆွောင်ပွီး ‘ငေါ်ဟော် ခရစ်တော်ဖှဂ်ရယ်’၊ ‘အခှိင်ကှော့လော်ပီ’ ဆွိုပွီးဟိုးဆွိုကျော့လောဂ်မယ်။ ဆူတွို့နွေ့ာဂ်ကွို မလောဂ်ကျော့နောင့်။