Luke 20:24 - Taungyo

²⁴ အယ်းယော်ကျွောင့် ကွိုယ်တော်ခေါ့ ဆူတွို့ကွို “ရောမငွယ်ဒန်းကောပှောတပှောကွိုပျော့ပေါ်။ အယ်းဒန်းကောပိုမောင် ဆူရို့ပုန်နောင့်ဆူ့နောင်မယ်ကွိုရယ်းထွိုးထောသလော” လွို့မေးတိုမူရယ်။

Luke 20:24 Iomraidhean Croise

Luke 2:1

အယ်းအခှိင်ကော်လော့မောင် ရောမဧကရာဇ်ဩဂုတ္တုဟော် ရောမအင်ပါယာအုတ်စွိုးမုအွောဂ်မောင် နေထောင်ဆူတောင်းကွို သန်းခွေါင်စရန်းပေးဆွမ်းယော့မယ်လွို့ အမိင့်ထွိပှန်လေရယ်။

Luke 20:22

ရောမဧကရာဇ်ကွို အခွမ်ဆဂ်သဂ်ခှန်းဟော် ပညောဂ်တရောတိုအယော့မင်ကန်ခှန်းဆိ၊ မဆိဆွိုတော်ကွို ငေါ်တွို့ကွိုအခုပယ်းဟိုးပျော့ပေါ်” လွို့ရွှောဂ်တန်ခယ့်ကျော့လေရယ်။

Luke 20:23

ဟော်ပေမယ့် အယ်းလူတွို့ဟော် ကွိုယ်တော်ယေရှုကွို ထွောင်ချွောဂ်ဆန်ပွီးမေးမှန်းနေကျော့ကျွောင်းကွို ကွိုယ်တော်ဟော် ဆိဆတိုမူရယ်။

Luke 20:25

အယ်းလူတွို့ခေါ့လယ်း “ရောမဧကရာဇ်ဆီဇာယယ့်ရို့ပုန်နောင့်နောင်မယ်ပေါ်” လွို့ပှန်လည်ဖှေဆွိုကျော့လေရယ်။ အယ်းယော်ကျွောင့် ကွိုယ်တော်ခေါ့ ဆူတွို့ကွို “ရောမဧကရာဇ်ဆီဇာကွို ဆူနောင့်ဆောင်ရယ့်အယော်ရယ်ကွို ပေးဆွောင်ပွီး ဖရောဆန်နောင့်ဆောင်ရယ့်အယော်ရယ်ကွိုလယ်း ဖရောဆန်ကွိုပေးဆွောင်ကျော့ပေါ်” လွို့မိင့်တိုမူလေရယ်။

Luke 23:2

အယ်းလူတွို့ခေါ့ “ဟော်လူဟော် တင်းဆူပှယ်ဆောမျောကွို လိင်ညော်လည့်ဖျောပွီးယန်လောင်းမောကွိုယွောဂ်စေပွီး ဧကရာဇ်မန်းကွို အခွမ်မဆဂ်ကျော့ဖွို့တောမှဂ်နေတော်ကွိုယော၊ ဆူ့ကွိုယ်ဆူ မေရှိယဆွိုရယ့် ဂျူးလူမျွိုးတွို့ယယ့်ဘရန်တပေါဖှဂ်ကျွောင်း ဟိုးဆွိုနေတော်ကွိုပေါ် တွိဆိခယ့်ယော့ပေါ်ရယ်” လွို့ ပိလတ်ယယ့်ချယ့်တိုမောင် စော့တန်ပွီးစွပ်စွားဟိုးဆွိုကျော့လေရယ်။

Luke 3:1

ရောမဧကရာဇ်တိဗေရိယယ့်နောင်းဆဂ်ဆာ့ငေါနဂ်ဆိခှိင်မောင် ပုန်တိပိလတ်ဟော် ယုဒပှယ်ယယ့် အုတ်ချုတ်ဆူဖှဂ်ပွီး၊ ဟေရုဒ်အန်တိပaဟော် ဂါလိလဲပှယ်ယယ့် အုတ်ချုပ်ဆူဖှဂ်ရယ်။ ဟေရုဒ်အန်တိပယယ့်တေ ဖိလိပ္ပုဟော် ဣတုရဲနောင့် တရာခေါနိပှယ်ယယ့်အုတ်ချုပ်ရယ့်လူဖှဂ်ပွီး၊ လုသာနိဟော်လယ်း အဘိလင်ပှယ်မောင် အုတ်ချုပ်ရယ့်လူဖှဂ်ရယ်။