Luke 19:29 - Taungyo

²⁹ သံလွင်တွောင်အနီးမောင်ဆိရယ့် ဗက်ဖာဂေဝိုနောင့် ဗေသနိဝိုကွို ယွောဂ်ရယ့်အခေါ် ကွိုယ်တော်ယေရှုဟော် ဆပယ့်တိုနေဦးကွို ချယ့်ခေါ့နေကျွိုတန်ပွီးဆိုးကျော့ဖွို့ စေခွှဂ်တိုမူလေရယ်။

Luke 19:29 Iomraidhean Croise

Luke 19:30

ဆူတွို့ကွိုမစေခွှဂ်မီ ကွိုယ်တော်ခေါ့ “နန်တွို့ချယ့်မောင်ဆိရယ့် ဝိုကွို ဆိုးကျော့ပေါ်။ အယ်းနေယော်မောင် စူမောင့်မစီးဖူးဆေးရယ့် မြည်းbငါတကွောင် ကွို ကျွိုးနောင့်ခှယ်ထောတော်ကွို တွိယော့လောဂ်မယ်။ အယ်းမြည်းငါကွို ကျွိုးဖှေပေးပွီး ငေါ့နောင်းကွို ခိုလော်ခယ့်ကျော့။

Luke 19:37

ကွိုယ်တော်ယေရှုဟော် လူထုပရိတ်ဆတ်ကျွီးနောင့်အတူ ဂျေရုဆလင်မွှို့အနီးမောင်ဆိရယ့် သံလွင်တွောင်ခေါ့နေ ဆန်းလော်ရယ့်လောင်းကွို ယွောဂ်ရယ့်အခေါ် ကွိုယ်တော်ယယ့်ဆပယ့်တိုအပွေါင်းတွို့ဟော် ကွိုယ်တော်ယေရှုပှုခယ့်ရယ့် အောင့်အိုးစရော်အမုအလုန်းစုန်တွို့အတွ ကှာလွောင်ရယ့်အဆောင်နောင့် ဝုန်းမွှောဂ်ဝုန်းဆော်အိုဟဂ်ကျော့ပွီး ဖရောဆန်ယယ့်ဂုဏ်ကျယ်းဇူးတိုကွို ခှီးမွမ်းခယ့်ကျော့လေရယ်။

Luke 21:37

အယ်းယော်ပွီးယန် ကွိုယ်တော်ဟော် ဗိမာန်တိုမောင် နေ့အခေါ်ရယ်မောင် တရောတိုမျောဟိုးကျောသွန်သင်ပွီး ညော့အခေါ်မောင် သံလွင်တွောင်ပိုကွိုဆိုးပွီးနေတိုမူရယ်။

Luke 22:39

အယ်းနွောဂ်မောင် ကွိုယ်တော်ယေရှုဟော် ဂျေရုဆလင်မွှို့ခေါ့နေ ထွဆိုးပွီး ပှုတိုမူလေ့ဆိရယ့်အတောင်း သံလွင်တွောင်ပိုနောင်းကွို ကျို့တိုမူလေရယ်။ ဆပယ့်တိုတွို့ဟော်လယ်း ကွိုယ်တော်ယယ့်နွောဂ်တိုကွို လောဂ်ပေါ်ဆိုးခယ့်ကျော့ရယ်။

Luke 24:50

အယ်းနွောဂ်မောင် ကွိုယ်တော်ယေရှုဟော် ဆူ့ယယ့်ဆပယ့်တိုမျောကွို မွှို့ပှင်ဆိ ဗေသနိဝိုအနီးကွို ခိုဆိုးခယ့်ပွီးနွောဂ် ကွိုယ်တော်ဟော် ဆွယ်မွှို့တိုကွို မျိုကျေ့ယန်း လဂ်တိုကွိုမွှောဂ်ပွီး ဆပယ့်တိုတွို့ကွို ဆုပေးလေရယ်။