Luke 19:27 - Taungyo

²⁷ အယ်းအပှင် ငေါ့ယယ့်အုတ်ချုပ်မုကွို မလွိုလောရယ့် ရန်ဆူမျောကွို ဟော်နေယော်ကွိုခိုလော်ပွီး ငေါ့ယယ့်ချယ့်မောင် ဆတ်ပေါဂ်ကျော့ပေါ်’ ဆွိုပွီး ဟိုးလေရယ်” လွို့ မိင့်တိုမူလေရယ်။

Luke 19:27 Iomraidhean Croise

Luke 19:14

ဟော်ပေမယ့် ဆူ့ယယ့်တင်းဆူပှယ်ဆောတွို့ဟော် ဆူ့ကွိုငွိုးကျော့ရယ့်အတွကျွောင့် အုတ်ချုပ်ဆူအကျွီးအကားနောင်းကွို ဆတန်းပေးဆူတခှို့ကွို စေခွှဂ်ပွီး ‘ဟော်လူကွို ငေါ်တွို့ယယ့် အုတ်ချုပ်ဆူအဖှဂ်အလွိုမဆိပေါ်’ လွို့ရွှောဂ်ထောစေလေရယ်။

Luke 20:16

ချောင်သခန်ဟော် စပျစ်ချောင်ကွိုဆူကွိုယ်တောင်ဆိုးပွီး မှေငေါရယ်ကွို ဆဂ်ပေါဂ်လောဂ်မောင်ဖှဂ်ရယ်။ အယ်းနွောဂ် ဆူယော် ဆူ့ယယ့်စပျစ်ချောင်ကွို ပှုစုစွောင့်ရွှောဂ်ဖွို့အတွ အချောမှေငေါမျောကွို ယွီးခြာလောဂ်မောင်ဖှဂ်ရယ်” လွို့မိင့်တိုမူလေရယ်။ ကွိုယ်တော်ယေရှု အယ်းလွိုမိင့်တိုမူတော်ကွို ကျော့ယောဆူမျောခေါ့လယ်း “ဟော်အယော်ဟော် စော်အခေါ်မောင့် ဖှဂ်မလော်ပေါ်စေနောင့်” လွို့ဟိုးဆွိုခယ့်ကျော့လေရယ်။

Luke 21:22

အကျွောင်းမောင်ကော ဖရောဆန်ဟော် ဂျေရုဆလင်မွှို့ဆောတွို့ကွို အပှဂ်ပေးတိုမူမောင် ဖှဂ်ရယ့်အတွကျွောင့်ဖှဂ်ရယ်။ အယ်းလွိုအပှဂ်ပေးခှန်းဟော် ကျောင်းစော်မောင် ရယ်းဆောထောရယ့်အယော်မျော ပှယ့်စုန်လော်စေဖွို့အတွ ဖှဂ်ရယ်။

Luke 21:24

တခှို့လူတွို့ဟော်ဆငါနောင့်ဆတ်ခှန်းခေါင်ယော့ပွီး တခှို့ဟော်လယ်း အချောတင်းပှယ်မျောနောင်းဖောင်းခိုဆွောင်ဆိုးခှန်းခေါင်ကျော့ယော့လောဂ်မယ်။ လူမျွိုးချောတွို့ဟော်လယ်း ဖရောဆန်စီစင်သတ်မတ်ထောရယ့်အခှိင်ထိ ဂျေရုဆလင်မွှို့ကွိုအုတ်ချုပ်ပွီးဖိနိပ်ချုပ်ချယ်ကျော့လောဂ်မယ်” လွို့ မိင့်တိုမူရယ်။