Luke 19:16 - Taungyo

¹⁶ ပထမော့အစေခေါင်ခေါ့ ဆူ့ဆီကွိုလော်ပွီး ‘သခန်ပေးပဂ်ဟော့ရယ့်ပိဆင်တမီနော့ကွို ဆာဆော့တွိုးပွားအွောင် လုတ်ထောပေါ်ရယ်’ လွို့ ရွှောဂ်တန်လေရယ်။

Luke 19:16 Iomraidhean Croise

Luke 19:13

ဆူဟော် ခရီးမထွခန်မောင် ဆူ့ယယ့် အစေခေါင်ဆာယွောဂ်ကွိုခိုလောဂ်ပွီး တယွောဂ်ခှန်းကွို ပိဆင်တမီနော့aစီပေးပွီး ‘ငေါ်ပှန်လော်ရယ့်အခှိင်အထိ ဟော်ပိဆင်မျောနောင့်စီးပိုးချော်ကျော့’ လွို့မိင့်ခယ့်ရယ်။

Luke 19:15

ဟော်ပေမယ့် အုတ်ချုတ်ဆူအကျွီးအကားဟော် ဆူ့ကွို အုတ်ချုတ်ဆူအဖှဂ် ခန့်အောဂ်ခယ့်ပွီး ဆူဟော်လယ်း ဆူ့ယယ့်တင်းပှယ်ကွို ပှန်လော်ခယ့်လေရယ်။ အယ်းနွောဂ် ဆူငွယ်မျောပေးအောဂ်ထောခယ့်ရယ့် အစေခေါင်တွို့ဟော် စီးပိုးချော်ပွီး အမှဂ်ငွယ်စလွောဂ်ယော့ဆိခယ့်ကျွောင်း ဆိဆလွိုရယ့်အတွကျွောင့် အယ်းအစေခေါင်ရယ်ကွို ခိုစေခယ့်လေရယ်။

Luke 19:17

အုတ်ချုပ်ဆူခေါ့လယ်း ‘ကော်တရော်ကွို ကွောင်းပေါ်ရယ်။ နန်ဟော် အစေခေါင်ကွောင်းတယွောဂ်ဖှဂ်ပွီး ဆေးငါရယ့်အမုကိစ္စော့မောင်တအွောင် ယုန်ကျည်နောင်ကျွောင်းကွို ပျော့နောင်ခယ့်ရယ့်အတွ နန့်ကွို မွှို့ဆာမွှို့အုတ်ချုပ်ခွမ့်ကွိုပေးမောင်ဖှဂ်ရယ်’ လွို့ ဟိုးလေရယ်။