Luke 18:33 - Taungyo

³³ အယ်းအပှင် အယ်းလူတွို့ဟော် ငေါ်လူဆောတိုကွို ကှိင်ဒေါင်ပေးရောဂ်နဂ်ကျော့ပွီးနွောဂ် ငေါ့ကွိုအဆေဆဂ်ကျော့လောဂ်မောင်ဖှဂ်ရယ်။ ဟော်ပေမယ့် ဆုန်းရတ်မွှောဂ်ရယ့်နေ့မောင် ငေါ်လူဆောတိုဟော် အဆဂ်ပှန်ချန်လောဂ်မယ်” လွို့ မိင့်တိုမူရယ်။

Luke 18:33 Iomraidhean Croise

Luke 18:32

ငေါ်လူဆောတိုကွို လူမျွိုးချောရယ်လဂ်ထားကွို အောဂ်နောင်ခှန်းခေါင်ယော့ပွီး အယ်းလူတွို့ယယ့် ကာ့ရလွှောင်ပွှောင်ခှန်း၊ စိုကောဟွိုးဆွိုခှန်း၊ ဆထွီးနောင့်ထွီးခှန်းကွိုလယ်း ခေါင်ယော့လောဂ်မောင်ဖှဂ်ရယ်။

Luke 18:34

ဟော်ပေမယ့် ဆပယ့်တိုတွို့ဟော် အယ်းအကျွောင်းအယော်တွို့ကွိုတစုန်တခုမောင့် သဖိုးအပွောဂ်ကျော့ပေါ်။ အယ်းစကောယယ့်အဓိပါတွို့ကွို ဆူတွို့နောင်းခေါ့နေ ကွာဝထောခှန်းခေါင်ယော့တော်ဖှဂ်ပွီး ကွိုယ်တော်မိင့်တိုမူရယ့်အယော်တွို့ကွို ဆူတွို့နောမလည်နောင်ကျော့ပေါ်။

Luke 24:21

ကွိုယ်တော်ယေရှုဟော် ငေါ်တွို့အစ္စရယ်းလူမျွိုးအပွေါင်းတွို့ကွို ငေါ်တွို့ယယ့်ရန်ဆူမျောလဂ်ထားခေါ့နေ ကာတန်တိုမူမယ့်မေရှိယဖှဂ်မယ်လွို့ မျိုလန့်ထောခယ့်ကျော့ပေါ်ရယ်။ ဟော်ပေမယ့် အယ်းအယော်တွို့ဟော် ဖှဂ်လော်မယ်လွို့ မထန်တို့ပေါ်။ အကျွောင်းမောင်ကော ကွိုယ်တော်နောင့်ပဂ်ဆဂ်ရယ့် အဖှဂ်အပျမျော ဖှဂ်ပျခယ့်တော်ဟော် ဆုန်းရတ်တောင်တောင် ဆိခယ့်ပွီဖှဂ်ရယ်။

Luke 24:7

ငေါ်လူဆောတိုကွို အပှဂ်ဒုစရောဂ် ဆမောရယ်ယယ့် လဂ်ထားကွို အောဂ်နောင်ခှန်းခေါင်ယော့မယ်။ ငေါ့ကွို လဂ်ဝိုးကောဂ်တောင်ပိုမောင်တန်ပွီး ဆူတွို့ယယ့် ဆတ်ဖှတ်ခှန်းကွို ခေါင်ယော့လောဂ်မယ်။ ဟော်ပေမယ့် ဖရောဆန်ဟော်ငေါ့ကွို ဆုန်းရဂ်မွှောဂ်ရယ့် နေ့မောင် အဆပှန်ချန်စေတိုမူလောဂ်မယ်လွို့ မိင့်တိုမူခယ့်ရယ်မဟွိလော” လွို့ဆွိုကျော့ရယ်။