Luke 17:26 - Taungyo

²⁶ နောဧအဆဂ်ချန်နေခှိင်မောင် ဖှဂ်ပျဂ်ခယ့်ရယ့် ယေလွမ်းမွိုးခှန်းနောင့် မကျုန်တွိယော့ခန်မောင် လူတွို့ပှုမူနေထောင်ခယ့်ကျော့သလွိုမျွိုး ငေါ်လူဆောတိုပှန်ကျို့လော်မယ့် အခှိင်မတောင်ခန်မောင်လယ်း လူတွို့ဟော် အယန်ခေါ့အတောင်းပယ်း ပှုမူနေထောင်ကျော့လောဂ်မောင်ဖှဂ်ရယ်။

Luke 17:26 Iomraidhean Croise

Luke 17:22

တဖန် ကွိုယ်တော်ယေရှုခေါ့ ဆူ့ယယ့်ဆပယ့်တိုမျောကွို “နန်တွို့ဟော် ငေါ်လူဆောတိုဆိနေရယ့် နေ့ရတ်မျောထားခေါ့တရတ်ကွိုတအွောင် ကော်တရော်တွိမျိုဖွို့အတွ အလွိုဆိကျော့ပေမယ့်လယ်း မတွိမျိုယော့မယ့်နေ့ရတ်မျော ယွောဂ်လော်လောဂ်မယ်။

Luke 17:24

အကျွောင်းမောင်ကော ငေါ်လူဆောတိုကျို့လော်ရယ့်အခေါ်မောင် ကိုးကန်မောင်ဆီးပွေါဂ်လဂ်လွို့ ကိုးကန်တခုလုန်း လန်းလဂ်ဆိုးသလွိုမျွိုး လူတောင်းမျိုနောင်မယ့်ပုန်စောင်နောင့် ကျို့ယွောဂ်လော်မောင်ဖှဂ်ရယ့်အတွကျွောင့်ဖှဂ်ရယ်။

Luke 17:27

အယ်းအခိင်ကော့ လူရယ်ဟော် ဆူတွို့ပှုနေကျော့အတောင်း စောဆွောဂ်လောဂ်၊ လဂ်ထောဂ်လောဂ်၊ ပေးစောလောဂ်နောင့် နေနေခဲ့ကျော့ရယ်။ နောဧဟော် ဆူဆွောဂ်ထောရယ့်ခှယ်ထားကွို ဝမ်ယွောဂ်ရယ့်နေ့မတောင်မီအထိ လူရယ်ဟော် အယ်းအတောင်းပယ်း ဆဂ်လဂ်နေထောင်ခဲ့ကျော့ရယ်။ အယ်းယော်ကျွောင့် ရို့တရ ယေလွမ်းမွိုးခှန်းကှော့ယွောဂ်လော်ရယ့်အခေါ် ဆောင်းဖုန်းမပှင်ဖဂ်မောင်ဆိရယ့် လူအောလုန်းဟော် ယေနဂ်မွှုပ်ပွီး ဆေးဆုန်းခယ့်ကျော့လေရယ်။

Luke 17:7

နန်တွို့ထားမောင် အစေခေါင်တယွောဂ်ဆိရယ်ဆွိုပေါ်စွို့။ အယ်းအစေခေါင်ဟော် သိုးကွှောင်းယော်ခေါ့နေ အယ်းလွိုမောင့်မဟွိ လာထားခေါ့နေ ပှန်လော်ရယ့်အခေါ် ‘လော်ပေါ်၊ ထောင်ပွီး စောဆွောဂ်ပေါ်’ လွို့ နန်တွို့ ဟိုးမလော။

Luke 18:8

နန်တွို့ကွို ငေါ်ဟိုးခှန်တော်ခေါ့ ဖရောဆန်ဟော် ဆူ့ယယ့်လူမျွိုးအတွ မင်ကန်ရယ့်အမုကွို အခှိင်မဆွားပယ်း လုတ်ဆွောင်ပေးမယ့်ဆွိုရယ့်ဟော်မောင် အမင်တကာဖှဂ်ကျွောင်း ငေါ် အဆေအချော်ဟိုးနောင်ရယ်။ ဟော်ပေမယ့် ငေါ်လူဆောတိုပှန်ကျို့ လော်ခှိင်မောင် ဟော်လိုးကော့မောင် ဆူ့ကွိုယုန်ကျည်ခှန်းဆိရယ့်လူတွို့ ကွိုတွိယော့ပေါ်မလော” လွို့ မိင့်တိုမူရယ်။