Luke 17:25 - Taungyo

²⁵ ဟော်ပေမယ့် အယ်းလွိုမဖျဂ်ပျဂ်ခန်မောင် ငေါ်လူ့ဆောတို့ဟော် ပှင်းထောင်ရယ့် ဆားရားဒုက်ခေါ့မျောကွို ခေါင်စောယော့မောင်ဖှဂ်ပွီး ခုနေ့မောင် အဆတ်ချန်နေထောင်ကျော့ရယ့် လူတွို့ယယ့် ညမ်းပါခှန်းကွို ခေါင်ယော့တို့မောင်ဖှဂ်ရယ်။

Luke 17:25 Iomraidhean Croise

Luke 18:31

အယ်းနွေ့ာဂ်မောင် ကွိုယ်တော်ယေရှုခေါ့ အထူးဆပယ့်တိုတဆာ့နေဦးကွို အနောကွိုခိုပွီး “ဂရုတစောဂ်နောထွောင်ကျော့ပေါ်။ အခုငေါ်တွို့ဟော် ဂျေရုဆလင်မွှို့ကွို ဆိုးနေကျော့ပွီဖှဂ်ရယ်။ ငေါ် လူဆောတိုယယ့်အကျွောင်းနောင့်ပဂ်ဆဂ်ပွီး ချယ့်အခေါ်ခေါ့ ပရောဖက်မျောရယ်းဆောထောခယ့်ရယ့် အယော်မင်သမျော့တွိုဟော် အယ်းအရောဂ်မောင် အမင်တကာဖှဂ်ပျဂ်တို့မောင်ဖှဂ်ရယ်။

Luke 18:33

အယ်းအပှင် အယ်းလူတွို့ဟော် ငေါ်လူဆောတိုကွို ကှိင်ဒေါင်ပေးရောဂ်နဂ်ကျော့ပွီးနွောဂ် ငေါ့ကွိုအဆေဆဂ်ကျော့လောဂ်မောင်ဖှဂ်ရယ်။ ဟော်ပေမယ့် ဆုန်းရတ်မွှောဂ်ရယ့်နေ့မောင် ငေါ်လူဆောတိုဟော် အဆဂ်ပှန်ချန်လောဂ်မယ်” လွို့ မိင့်တိုမူရယ်။

Luke 24:46

ကွိုယ်တော်ခေါ့ ဆပယ့်တိုရယ်ကွို “ကျောင်းစော်မောင် ရယ်းဆောထောတော်ကော့ ကာတန်ဆန်မေရှိယဟော် ဆားရားဒုက်ခေါ့မျောကွို ခေါင်စောယော့ပွီးအဆေခေါင်မောင်ဖှဂ်ပေမယ့်လယ်း ဆုန်းရတ်မွှောဂ်ရယ့်နေ့မောင် ဆေခှန်းခေါ့နေအဆဂ်ပှန်ချန်တိုမူလောဂ်မောင် ဖှဂ်ရယ်။

Luke 9:22

အယ်းနွောဂ်မောင် ကွိုယ်တော်ခေါ့ ဆပယ့်တိုမျောကွို “လူဆောတိုဖှဂ်ရယ့်ငေါ်ဟော် ကျွီးမောရယ့် ဒုက်ခေါ့မျောကွိုခေါင်ယူဖွို့ လွိုအောဂ်ရယ့်အတွ ဂျူးလူမျွိုးအကျွီးအကားမျော၊ ပုရောဟိတ်အကျွီးအကားမျောနောင့် ကျောင်းတတ်ဆရော်မျောယယ့် ညမ်းပါခှန်းကွိုခေါင်ယော့မောင်ဖှဂ်ရယ်။ လူတွို့ဟော် ငေါ့ကွို အဆေဆဂ်ကျော့ပွီးရယ့်အခေါ် ဆုန်းရတ်မွှောဂ်နေ့မောင် ငေါ်ဟော် အဆဂ်ပှန်ချန်လောဂ်မယ်” လွို့ မိင့်တိုမူရယ်။