Luke 17:12 - Taungyo

¹² ကွိုယ်တော်နောင့် ဆူ့ယယ့်ဆပည့်တိုတွို့ဟော် ဝိုတဝိုနောင်းဝမ်တိုမူရယ့်အခေါ် အနော်ကျွီးရိုးကော်စွားကောဂ်နေရယ့် လူဆာဦးတွို့ဟော် ကွိုယ်တော်ကွို လော်ယွောဂ်တွိဆုန်ကျော့ပေမယ့် ကွိုယ်တော်အနီးနောကွို မဆိုးခယ့်ကျော့ပေါ်။

Luke 17:12 Iomraidhean Croise

Luke 18:13

ဟော်ပေမယ့် အခွမ်ကွောဂ်ဆူခေါ့ ဆွယ်မွှို့တိုဆိ ဖ‌ရောဆန်ကွိုမျိုကျေ့ဖွို့တအွောင် ထောဂ်တန်ခှန်းမဆိဘူးလွို့ ခေါင်စောယော့တော်ကျွောင့် တချောဆူရယ်နောင့် ခေါဂ်ဝီးဝီးနေယော်နောင်းမောင် နှိနှိခှော့ခှော့မတ်နေခယ့်ပွီး ဆူ့ယယ့်ယန်ဘတ်ကွိုလဂ်နောင့်ထုရောဂ်ပွီး ဝုန်းနည်းမုကွိုပျော့ခယ့်လေရယ်။ အယ်းနွောဂ် ဆူခေါ့ ‘ဖရောဆန်၊ ငေါ်ဟော် အပှဂ်ဒုစရောဂ်ဆောဖှဂ်ပေါ်ရယ်။ ငေါ့ကွို ဂရုနော်ထောပွီး ခွမ့်ခွဂ်တိုမူပေါ်’ လွို့ဆုတွောင်းခယ့်ရယ်။

Luke 5:12

တခေါ်ခေါ့ ကွိုယ်တော်ယေရှုဟော် မွှို့တမွှို့မောင်ဆိနေခှိင် အယ်းနေယော်မောင် အနော်ကျွီးရိုးကော်ခေါင်စောနေယော့ဆူ အမျွိုးဆောတယွောဂ်ဆိလေရယ်။ ဆူဟော် ကွိုယ်တော်ကွိုမျိုပွီး ကွိုယ်တော်ယယ့်ချယ့်မောင် မှေပိုနောင်း ဒူးထွောဂ်ပွီး “ကွိုယ်တော်၊ ကွိုယ်တော်အလွိုဆိယန် အနော်ရိုးကော်ကွို ပျွောဂ်ကန်းစေနောင်ပေါ်ရယ်။ အယ်းယော်ကျွောင့် ငေါ့ယယ့် ရိုးကော်ကွိုပျွောဂ်ကန်းအွောင် ပှုလုတ်ပေးပေါ်” လွို့တွောင်းရွှောဂ်လေရယ်။