Luke 16:15 - Taungyo15 ဟော်ပေမယ့် ကွိုယ်တော်ယေရှုခေါ့ ဆူတွို့ကွို “နန်တွို့ဟော် လူတွို့ချယ့်မောင် မိမိကွိုယ်ကွိုဖွှောင့်မတ်ရယ့်ဆူရယ်လွိုမျွိုး ဟန်ဆွောင်တတ်ကျော့ရယ်။ ဟော်ပေမယ့် ဖရောဆန်ဟော် နန်တွို့ယယ့်မကွောင်းရယ့်အကျောင်အစီကွို ဆိမျိုတိုမူရယ်။ လူတွို့ တန်ဖွိုးထောနေကျော့ရယ့်လိုးကော့စည်းစိင်မျောဟော် ဖရောဆန်အတွ သဖိုးမကှော့စရော်ကွောင်းရယ့် အယော်မျောပယ်းဖှဂ်ရယ်။ Faic an caibideil |
Luke 16:15
40 Iomraidhean Croise
အယ်းနွောဂ်မောင် ဖာရိရှဲဟော် မတ်လောဂ်ပွီး ‘အွို ဖရောဆန်၊ ငေါ်ဟော် တချောဆူရယ်လွိုမျွိုး အပှဂ်ဒုစရောဂ် ကျူးလွမ်ခယ့်ဆူမဟွိပေါ်။ ငေါ်ဟော် သခွိုး၊ ဓမျော့ အယ်းလွိုမောင့်မဟွိ မဖွှောင့်မတ်ရယ့်လူမဟွိခယ့်ပေါ်။ ငေါ်ဟော် အိင်ထွောင်ရယ်းဖွောဂ်ပှန်ရယ့်လူလယ်းမဟွိရယ့်အပှန် ဟော်အခွမ်ကွောဂ်ဆူလွိုလယ်း မဟွိရယ့်အတွ ဖရောဆန်ကွို ကျယ်းဇူးတန်ပေါ်ရယ်။
နန်တွို့ကွို ငေါ်ဆွိုမောင်ကော အယ်းလူနေယွောဂ် အိင်ကွိုပှန်ဆိုးရယ့်အခေါ်မောင် ဖရောဆန်နောင်းခေါ့ ခွမ့်ခွှဂ်မုကွိုယော့ဆိရယ့်လူခေါ့ ဖာရိရှဲမဟွိပယ်း အခွမ်ကွောဂ်ဆူပယ်းဖှဂ်ရယ်။ အကျွောင်းမောင်ကော မိမိကွိုမိမိ ခှီးမွှောဂ်ဂုန်ပှုကျော့ဆူတောင်းဟော် နိခှော့ခှန်းခေါင်ကျော့ယော့မောင်ဖှဂ်ပွီး မိမိကွိုမိမိ နိခှော့ကျော့ဆူတောင်းဟော် ခှီးမွှောဂ်ဂုန်ပှုခှန်းကွို ခေါင်ကျော့ယော့လောဂ်မောင်ဖှဂ်ရယ်” လွို့ မိင့်တိုမူရယ်။
အယ်းနွောဂ်မောင် ကျောင်းတတ်ဆရော်မျောနောင့် ပုရောဟိတ်အကျွီးအကားမျောခေါ့ ကွိုယ်တော်ယေရှုကွို အနီးကောဂ် စွောင့်ကျေ့နေပွီး လူအခှို့ကွိုပိဆင်ပေးပွီး ရွိုးဆောဖွောင့်မတ်ဆူအဖှဂ် အယွောင်ဆွောင်စေပွီး ကွိုယ်တော်ကွိုလှည့်ဖျောဖွို့ စေခွှဂ်ခယ့်ကျော့ရယ်။ ဆူတွို့ဟော် ကွိုယ်တော်ယေရှုကွို ရောမအုတ်ချုတ်ဆူမျောနောင့် အော်နော်ပေါင်မျောနောင်းကွို အောဂ်နောင်ပွီး အပှဂ်ပေးဖွို့အတွ ကွိုယ်တော်ဟော် မောယွမ်းရယ့်အကျွောင်းယော်တခုခုကွို မိင့်တိုမူစေဖွို့ မေးခွမ်းမျောနောင့်ထွောင်ချွောဂ်ဆန်မေးမှန်းခယ့်ကျော့ရယ်။
Sanasan