Luke 16:12 - Taungyo

¹² နန်တွို့ဟော် အချောဆူပေါင်ဆောင်ရယ့်စည်းစိင်ချောင်းဆော်မျောကွို စီမန်ခန့်ခွားဖွို့အတွ ဆဂ်စော်မဆိဆူမျောဖှဂ်ကျော့ယန် ဖရောဆန်ဟော် စော်အယော်ကွိုမောင့် နန်တွို့စီမံခန့်ခွားဖွို့ အတွ ပေးအောဂ်တိုမူမောင်မဟွိပေါ်။

Luke 16:12 Iomraidhean Croise

Luke 10:42

အမင်တကာခေါ့ တကာလွိုအောဂ်ရယ့်အယော်ခေါ့ တခုပယ်း ဆိရယ်။ မာရိမောင်ကော အယ်းကွောင်းရယ့်အယော်ကွို ယွီးချာထောပွီးပီဖှဂ်လွို့ အယ်းယော်ကွို ဆူ့နောင်းခေါ့ ဖယ်ဆောလွို့မယော့တို့ဘူး” လွို့ မိင့်တိုမူလေရယ်။

Luke 16:11

အယ်းယော်ကျွောင့် နန်တွို့ဟော် ဟော်လိုကော့ဆိ နန်ပေါင်ဆောင်ရယ့်စည်းစိင်ဥစ္စော်မျောကွို စီမန်ခန့်ခွားဖွို့ ယုန်ကျည်စိခှော့ယော့မှု မဆိယန် ဆွယ်မွှို့တိုမောင်ဆိရယ့် စဂ်မင်ရယ့်စည်းစိင်ချောင်းဆော်မျောအတွ ဖရောဆန်ဟော် နန့်ကွိုယုန်ကျည်မောင်မဟွိပေါ်။

Luke 16:13

စော်အစေခေါင်မောင့် တပှောင်ထယ်း သခန်နေယွောဂ်ကွို အလုတ်အကျွယ်းမပှုနောင်ပေါ်။ စော်ကျွောင့်လောဟန်ကော ဆူဟော် သခန်တယွောဂ်ကွို ငွိုးပွီး အချောသခန်တယွောဂ်ကွို ခှဂ်ခန်လောဂ်မောင်ဖှဂ်ရယ်။ တယွောဂ်ကွို ဆဂ်စော်ဆိယန် နွေ့ာဂ်တယွောဂ်ကွို မလေးမစော လုတ်လောဂ်မယ်။ အယ်းလွိုမျွိုးပယ်း နန်တွို့ဟော်လယ်း ဖရောဆန်နောင့်လောကီစည်းစိင်ကွို တပှောင်ထယ်း အလုတ်အကျွယ်းမပှုနောင်ကျော့ပေါ်” လွို့ မိင့်တိုမူရယ်။