Luke 15:29 - Taungyo

²⁹ ဟော်ပေမယ့် ဆောကျွီးဖှဂ်ဆူခေါ့လယ်း ‘နောထွောင်ပေါ်အုန်း ငေါ်ဟော် တွို့ဖော့စေခေါင်သမျောကွို လောဂ်နော်ခယ့်ပွီး နဂ်ပွောင်းမျောကျော်အွောင် တွို့ဖော့အတွ အစေခေါင်တယွောဂ်လွို အလုတ်အကျွယ်းပှုခယ့်ပေမယ့်လယ်း တွို့ဖော့ဟော် ငေါ့အတွ မိင့်ဆွေမျောနောင့်အတူတူ စောဆွောဂ်ဖွို့ ဆိတကွောင်ကွိုတအွောင် မပေးခယ့်ဖူးပေါ်။

Luke 15:29 Iomraidhean Croise

Luke 15:28

အယ်းအခေါ်မောင် ဆောကျွီးဟော် ကော်တရော်စိဆွိုးပွီး အိင်ထားကွို မဝမ်ပယ်း နေရယ့်အတွ ဖော့ဖှဂ်ဆူခေါ့ အပှင်ကွို ထွလော်ပွီး ဆူ့ကွိုအိင်ထားဝမ်ဖွို့ ဖျွောင်းဖျော့လေရယ်။

Luke 15:30

ဟော်ပေမယ့်လယ်း အယ်းဆောငါဟော် တွို့ဖော့ယယ့် ပစ္စည်းဥစ္စော်ရယ်ကွို မိင်းမော့ပျဂ်ရယ်နောင့်ပယ်း ဖွှိင်းခယ့်ပွီးပှန်လော်ရယ့်အခေါ်မောင် တွို့ဖော့ခေါ့ နိုးပျွိုတကွောင်ကွို ဆဂ်ပွီး ပျိုပွားဆန်ပွားလုတ်ပေးလေရယ်’ လွို့ပှန်ဟိုးလေရယ်။

Luke 15:7

အယ်းလွိုပယ်း နန်တွို့ကွို ငေါ် ဆွိုမောင်ကော ကွိုယ့်ကွိုကွိုဖွှောင့်မတ်မင်ကန်ရယ့် လူကွိုးဆာ့ကွိုးယွောဂ်ထဂ် ဖရောဆန်ဖဂ်ကွို ပှန်ခှယ့်လော်ရယ့် အပှဂ်ဒုစရောဂ်မျောပှုခှန်းခေါ့နေ နွောင်တော့ယော့ရယ့်လူတယွောဂ်အတွကျွောင့် နိဗာန်ဆွယ်မွှို့တိုမောင်ဆိရယ့် ဖရောဆန်နောင့် ဆူ့ယယ့်နတ်ဒေဝါမျောဟော် ကော်တရော်ကွို ဝုန်းမွှောဂ်ဝုန်းဆော်ကျော့လောဂ်မယ်” လွို့ မိင့်တိုမူလေရယ်။

Luke 17:10

အယ်းနည်းတူပယ်း နန်တွို့ဟော် ဖ‌ရောဆန်မိင့်တိုမူသမျောတွို့ကွို လုတ်ဆွောင်ပွီးစီးရယ့်အခေါ် ‘ငေါ်တွို့ဟော် အစေခေါင်မျောပယ်းဖှဂ်ပွီး ကျယ်းဇူးတန်ခှန်းကွို ခေါင်စောထောဂ်ရယ့်ဆူမျောမဟွိကျော့ပေါ်။ ငေါ်တွို့ဟော် ငေါ်တွို့ယယ့်တော်ဝမ်မျောကွိုပွီးစီးအွောင် လုတ်ဆွောင်ခယ့်ကျော့ခှန်းပယ်းဖှဂ်ရယ်’ လွို့ဟိုးဆွိုကျော့ပေါ်” လွို့မိင့်တိုမူလေရယ်။

Luke 18:9

အယ်းနွေ့ာဂ်မောင် ကွိုယ်တော်ယေရှုဟော် ဆူ့ယယ့်စကောကွို နောထွောင်နေကျော့ရယ့် လူအုတ်ထားခေါ့ မိမိကွိုယ်မိမိ ဖွှောင့်မတ်ရယ်လွို့ ထန်နေကျော့ပွီး အချောဆူမျောကွို နိခှော့တတ်ဆူတွို့ကွို ပုန်ဥဖမော်တခုနောင့် မိင့်တိုမူခယ့်ရယ်။

Luke 19:21

သခန်ဟော် စည်းကောင်းကျွီးပွီး တိကှော့ရယ့်လူဖှဂ်ရယ့်အပှင် ကွိုယ်ပေါင်ဆောင်ခှန်းမဆိရယ့်အယော်မျောကွို ဆိင်းယူတတ်ပွီး ကွိုယ်စောဂ်ထောခှန်းမဆိရယ့် အယော်မျောကွိုလယ်း ယွိဆိင်းတတ်ရယ့်လူဖှဂ်ရယ့်အတွ ငေါ်ဟော် ကျွောဂ်မိပေါ်ရယ်။ အယ်းယော်ကျွောင့် ငေါ်ဟော် ဟော်လွိုမျွိုးလုတ်ယော့ခှန်းဖှဂ်ပေါ်ရယ်’ လွို့ ရွှောဂ်တန်လေရယ်။