Luke 13:25 - Taungyo

²⁵ အိင်သခန်ဟော် ထော့လော်ပွီး တခေါကွိုပိလောဂ်ယန် နန်တွို့ဟော် အထားကွို ဝမ်ယွောဂ်ဖွို့ နွောဂ်ကှော့လေပီဖှဂ်ရယ်။ အယ်းအခေါ် နန်တွို့ဟော် အပှန်မောင်မတ်ပွီး တခေါကွိုခွေါဂ်ပွီး ‘ဆရော်၊ ငေါ်တွို့ကွို တခေါဖွမ့်ပေးပေါ်’ လွို့ တွောင်းပန်ပေမယ့်လယ်း အိင်သခန်ခေါ့ ‘နန်တွို့ကွို ငေါ်မဆိဆသလွို နန်တွို့စော်မရောဂ်ခေါ့လော်တော်ကွိုလယ်း ငေါ်မဆိဆပေါ်’ လွို့ ပှန်ဟိုးလောဂ်မယ်။

Luke 13:25 Iomraidhean Croise

Luke 13:27

အိင်သခန်ခေါ့လယ်း ‘ငေါ်ဟော် နန်တွို့ကွို မဆိဆရယ့်အပှန် နန်တွို့စော်အရောဂ်ခေါ့ လော်ရယ့်ဟော်ကွိုလယ်း ငေါ်အမင်တကာမဆိဆပေါ်။ မကွောင်းမုလုတ်ရယ့်လူအပွေါင်းတွို့ ငေါ့နောင်းခေါ့နေ ထွဆိုးကျော့ပေါ်’ လွို့ မိင့်တိုမူလေရယ်။

Luke 3:8

နန်တွို့ယယ့် အပှဂ်ဒုစရောက်ရယ်ကွို စွမ့်လောဂ်ပီဆွိုတော်ကွို အလုတ်နောင့်ဆဂ်ဆေပျော့ကျော့။ နန်တွို့ကွိုယ်နန်တွို့ အာဗြဟံယယ့် မျွိုးဆဂ်ဖှဂ်ရယ်ဆွိုပွီးဟိုးမနေကျော့နောင့်။ နန်တွို့ကွို ငေါ်ဟိုးမယ်။ စော်ကျွောင့်လောဟန်ကော ဖရောဆန်ခေါ့ ကွှောဂ်ခါးမျောကွို အာဗြံဟံယယ့်မျွိုးဆဂ်အဖှဂ် ပွှောင်းလားနောင်ရယ်။

Luke 6:46

ကွိုယ်တော်ခေါ့ ဆဂ်ပွီး “နန်တွို့ဟော် ငေါ့စကောကွို နောမထွောင်ဝါးနောင့် စော်ကျွောင့်ငေါ့ကွို ‘ကွိုယ်တော်၊ ကွိုယ်တော်’ လွို့ခိုနေကျော့သလော။