Luke 13:15 - Taungyo

¹⁵ အယ်းအခေါ် ကွိုယ်တော်ခေါ့ “ဆူတိုကွောင်းယွောင်ဆွောင်နေရယ့်ဆူမျော။ ဥပုသ်နေ့မောင် နန်တွို့ယယ့် နိုးမျော၊ မြည်းမျောကွို တားကုပ်ထားခေါ့ ခွှဂ်ပွီး ယေပေးဆွောဂ်ဖွို့ ခိုဆိုးခှန်းခေါ့ အလုတ်လုတ်နေခှန်းပယ်း မဟွိဘူးလော။

Luke 13:15 Iomraidhean Croise

Luke 12:1

အယ်းအခှိင်မောင် လူထွောင်ပွေါင်းမျောတွို့ဟော် စုဝီးလော်ကျော့ပွီး တယွောဂ်နောင့်တယွောဂ် တဂ်နန်းမိလွောဂ်အွောင် ဖှဂ်ကျော့ရယ်။ ကွိုယ်တော်ယေရှုဟော် ဆပယ့်တိုမျောကွို ဦးဆုန်းပထမော့ မိင့်ဆွိုယော်မောင် “တဆေးaရယ်လွိုမျွိုး ဖာရိရှဲတွို့ယယ့် ဆူတော်ကွောင်းယွောင်ဆွောင်ရယ့်ဆူရယ် ကွိုဆတိပှုကျော့ပေါ်။

Luke 14:5

အယ်းနွေ့ာဂ်မောင် ကွိုယ်တော်ခေါ့ လူထုပရိတ်ဆတ်တွို့ကွို “နန်တွို့ယယ့် ဆောဖှဂ်စေ၊ နိုးဖှဂ်စေ ယေတွားထားကွို ပွှိကှော့ဆိုးယန် ဥပုသ်နေ့ဖှဂ်စေ ခှခှန်းယေတွမ်းထားခေါ့ ဆွားတန်ကျော့ရယ်မဟွိလော” လွို့ မိင့်တိုမူရယ်။

Luke 6:42

နန့်ယယ့်ကျွီးမောရယ့် အမောမျောကွို မဖှေဆန်းဆေးဝါးနောင့် နန့်ယယ့်မိင့်ဆွေကွို ‘မိင့်ဆွေ၊ နန့်ယယ့်ဆေးငါရယ့်အမောမျောကွို ငေါ်ပှန်ပေးပယော့စေ’ လွို့ဟိုးခှန်းဟော်မောရယ်။ အယ်းလွိုလုတ်ယန် နန်ဟော် ဆူတိုကွောင်းယွောင်ဆွောင်ရယ့်ဆူဖှဂ်လောဂ်မယ်။ ဦးဆုန်းပထမော့ နန့်ယယ့်အမောမျောကွို ပှန်ဆန်ဖွို့လွိုရယ်။ အယ်းယော်ပွီးမောင့်ပယ်း နန့်မိင့်ဆွေယယ့်ဆေးငါရယ့်အမောမျောကွို ပှန်ဆန်ဖွို့ နန်ကူညီပေးနောင်လောဂ်မောင် ဖှဂ်ရယ်” လွို့ မိင့်တိုမူရယ်။

Luke 7:13

ကွိုယ်တော်ဟော် အယ်းမွိဆွိုးမော့ကွိုမျိုရယ့်အခေါ် ဆူ့ကွို ကော်တရော်ဆနောဂရုနော်ဖှဂ်ပွီး “မငွိုပေါ်နောင့်” လွို့ မိင့်တိုမူလေရယ်။

Luke 7:19

ဆူတွို့ကွို ကွိုယ်တော်ယေရှုနောင်းကွိုစေခွှဂ်ပွီး “ကွိုယ်တော်ဟော် ငေါ်တွို့မျိုလန့်နေရယ့်မေရှိယလော အယ်းလွိုမော့မဟွိ ငေါ်တွို့အချောဆူတယွောဂ်ကွို စွောင့်ယော့အုန်းမလော” လွို့မေးမှန်းရွှောဂ်တန်စေလေရယ်။