Luke 13:14 - Taungyo

¹⁴ ဟော်ပေမယ့် ကွိုယ်တော်ယေရှုဟော် ဥပုသ်နေ့မောင်အနော်ရိုးကော်ကွို ပျွောဂ်ကန်းစေရယ့်အတွကျွောင့် ဓမ္မာရုန်တော်ဝမ်ခေါင် အမျွိုးဆောဟော် တိုးဆော့အမှဂ်ထွလွို့ လူထုပရိတ်ဆတ်တွို့ကွို “ရတ်တပတ်မောင် အလုတ်လုတ်ခွမ့်ဆိရယ့်ရတ် ချောဂ်ရတ်ဆိရယ်။ အယ်းရတ်ရယ်မောင်ပယ်း အနော်ရိုးကော်ပျွောဂ်ကန်းစေဖွို့အတွ လော်ကျော့ပေါ်။ ဥပုသ်နေ့မောင် လော်ပွီး ကုဆော့မှုခေါင်ယူခှန်း မပှုကျော့နောင့်” လွို့ဆွိုလေရယ်။

Luke 13:14 Iomraidhean Croise

Luke 6:11

အယ်းအခေါ် ဖာရိရှဲမျောနောင့် ကျောင်းတတ်ဆရော်မျောဟော် တိုးဆော့အမှဂ်ထွပွီး ကွိုယ်တော်ယေရှုကွို စလွိုမျွိုးပှုယော့မယ်ဆွိုတော်ကွို အခှန်းခှန်းတောင်ပန်ကျော့လေရယ်။

Luke 6:7

အယ်းနေယော်မောင်ဆိနေကျော့ရယ့် ဖာရိရှဲနောင့် ကျောင်းတတ်ဆရော်တခှို့ဟော် ဥပုသ်နေ့မောင် လဂ်ရယ်ချေရယ်ဆေနေရယ့် လူတယွောဂ်ကွို ကုပေးပေါ်ကော့ စွပ်စွားစရော်အကျွောင်းပျော့ချဂ် ချော်တွိနောင်ဖွို့ အနီးကောဂ်စွောင့်ကျေ့နေကျော့ရယ်။

Luke 8:41

အယ်းနေယော်မောင် ယာဣရုလွို့ခိုရယ့် ဓမ္မာရုန် တော်ဝမ်ခေါင်တယွောဂ်ဟော် ကွိုယ်တော်ယေရှုနောင်းကွို လော်ပွီးရယ့်အခေါ် ကွိုယ်တော်ယယ့်ချေရန်းမောင် ဒူးထွောဂ်ပွီး ဆူ့ယယ့်အိင်ကွို ကျို့ယွောဂ်တိုမူဖွို့ တွောင်းပန်လေရယ်။