Luke 12:15 - Taungyo

¹⁵ အယ်းနွောဂ်မောင် ကွိုယ်တော်ခေါ့ လူထုပရိတ်ဆတ်တွို့ကွို “ကော်တရောလိုးဖော့ကျွီးခှန်း အမျွိုးမျွိုးတွို့ခေါ့နေ ရွှောင်ကျော့ပေါ်။ စော်ကျွောင့်လောဟန်ကော နန်တွို့ပေါင်ဆောင်ရယ့်စည်းစိင်မျောဟော် နန်တွို့ယယ့်အဆဂ်ကွို လုန်ချုန်စိခှော့ယော့မု ပေးနောင်ခှန်းမဆိရယ့်အတွကျွောင့်ပယ်း ဖှဂ်ရယ်” လွို့ မိင့်တိုမူရယ်။

Luke 12:15 Iomraidhean Croise

Luke 12:16

အယ်းနွောဂ်မောင် ကွိုယ်တော်ယေရှုခေါ့ လူထုပရိတ်ဆတ်တွို့ကွို ပုန်ဥဖမော်တခုနောင့် မိင့်တိုမူရယ့်ဟော်မောင် “တခေါ်ခေါ့ အဆီးအနောင်အထွကွောင်းရယ့် လာယော်ကွိုပေါင်ရယ့် သဌေးတယွောဂ်ဆိလေရယ်။

Luke 16:14

အယ်းအခေါ် ပိဆင်မဂ်ရယ့် ဖာရိရှဲတွို့ဟော် ကွိုယ်တော်ယေရှုမိင့်တိုမူရယ့်အကျွောင်းအယော်မျောကွို ကျောရယ့်အခေါ် ကွိုယ်တော်ကွို လွှောင်ပွှောင်ယာမိုးကျော့လေရယ်။

Luke 21:34

ဟော်ပေမယ့် နန်တွို့စလွိုမျွိုးနေထောင်ယော့မယ်ဆွိုတော်ကွို ဆတိပှုကျော့ပေါ်။ နန်တွို့ဟော် အပျိုလွမ်ပွီး စောလောဂ်ဆွောဂ်လောဂ်၊ ဖဝို့အတွပူပန်လောဂ်နောင့် နန်တွို့ယယ့် အခှိင်ရယ်ကွို မဖွှုန်းတီးကျော့နောင့်။ အယ်းလွိုလုတ်ကျော့ယန် နန်တွို့ငေါ်ပှန်ကျို့လော်မယ့်အခိင်မောင် အဆန်သင့်ဖှဂ်နေကျော့လောဂ်မောင်မဟွိပေါ်။ အကျွောင်းမောင်ကော တရိဆန်တကွောင် ထွောဂ်ချွောဂ်မောင်မိနေသလွိုမျွိုး ငေါ်ဟော်လယ်း နန်တွို့မျိုလန့်မထောရယ့်အခှိင်မောင် တလန့်တဆန့် ပှန်ကျို့လော်မောင် ဖှဂ်တော်ကျွောင့်ဖှဂ်ရယ်။

Luke 8:14

ဆူးချုန်ပန်မျောအွောဂ်ကွို ကှော့ရယ့်မျွိုးစယ့်မောင် ဖရောဆန်ယယ့်နွောဂ်ကပတ်တိုရယ်ကွို ကျောနော်ကျော့ယော့ပေမယ့်လယ်း လောကီနောင့်ဆောင်ရယ့် စွိုးယိင်ပူပန်မုရယ်၊ ချောင်းဆော်ကျွာဝို့မုရယ်နောင့် ကာမဂုဏ်ခေါင်စောခှန်းတွို့နောင့် ကော်ဆီးပိဆွို့ခှန်းခေါင်ယော့ရယ့်အတွကျွောင့် အဆီးအနောင်ရယ် မဖှဂ်ထွမ်းကျော့ပေါ်။ အယ်းလွိုအဆီးအနောင်မဖှဂ်ထွမ်းရယ့် အပန်ဟော် လာဆမောအတွ အဆုန်းမဝမ်သလွိုမျွိုး အယ်းလူတွို့ဟော်လယ်း ဖရောဆန်အတွ အဆုန်းမဝမ်ရယ့်လူမျောဖှဂ်ကျော့ရယ်။