Luke 11:53 - Taungyo

⁵³ အယ်းနွောဂ်မောင် ကွိုယ်တော်ယေရှုဟော် အယ်းအရောဂ်ခေါ့နေ ထွခွာတိုမူရယ့်အခေါ်မောင် ကျောင်းတတ်ဆရော်မျောနောင့် ဖာရိရှဲမျောဟော် ကွိုယ်တော်ကွို ရန်ညွိုးထောပွီး အကျွောင်းအယော်မျောတွို့နောင့် ပဂ်ဆဂ်ရယ့် ခတ်ခါးရယ့်မေးခွမ်းမျောကွို မေးမှန်းကျော့လေတို့ရယ်။

Luke 11:53 Iomraidhean Croise

Luke 11:52

အို ကျောင်းတတ်ဆရော်တွို့ ဆားရားဒုက်ခေါ့နောင့် ကျုန်တွိယော့တို့မောင်ဖှဂ်ရယ်။ စော်ကျွောင့်လောဟန်ကော နန်တွို့ဟော် လူရယ်ကွိုဖရောဆန်နောင်း ယွောဂ်ဆိစေမယ့်လောင်းကွို ဖွမ့်ရယ့်ဆို့ကွို ပိဆွို့ကော်ဆီးထောကျော့ရယ်။ နန်တွို့ကွိုယ်တောင်ခေါ့လယ်း ဖရောဆန်ကွိုမဆိဆရယ့်အပှင် ဆိဆလွိုရယ့်လူရယ်ကွိုလယ်း ပိပန်တောဆီးနေကျော့ရယ်” လွို့မိင့်တိုမူလေရယ်။

Luke 11:54

အယ်းလူတွို့ဟော် ကွိုယ်တော်မိင့်တိုမူရယ့် စကောမျောမောင် အမောတခုခုပေါ်ဝမ်ခယ့်ပေါ်ခေါ့ ကွိုယ်တော်ကွို အပှဂ်တန်စွဂ်စွားဖွို့ အတွ ခုလွိုမျွိုး ထွောင်ချွောဂ်ဆန်ပွီး မေးမှန်းခယ့်ကျော့ခှန်းဖှဂ်ရယ်။

Luke 20:20

အယ်းနွောဂ်မောင် ကျောင်းတတ်ဆရော်မျောနောင့် ပုရောဟိတ်အကျွီးအကားမျောခေါ့ ကွိုယ်တော်ယေရှုကွို အနီးကောဂ် စွောင့်ကျေ့နေပွီး လူအခှို့ကွိုပိဆင်ပေးပွီး ရွိုးဆောဖွောင့်မတ်ဆူအဖှဂ် အယွောင်ဆွောင်စေပွီး ကွိုယ်တော်ကွိုလှည့်ဖျောဖွို့ စေခွှဂ်ခယ့်ကျော့ရယ်။ ဆူတွို့ဟော် ကွိုယ်တော်ယေရှုကွို ရောမအုတ်ချုတ်ဆူမျောနောင့် အော်နော်ပေါင်မျောနောင်းကွို အောဂ်နောင်ပွီး အပှဂ်ပေးဖွို့အတွ ကွိုယ်တော်ဟော် မောယွမ်းရယ့်အကျွောင်းယော်တခုခုကွို မိင့်တိုမူစေဖွို့ မေးခွမ်းမျောနောင့်ထွောင်ချွောဂ်ဆန်မေးမှန်းခယ့်ကျော့ရယ်။

Luke 20:27

အယ်းနွောဂ်မောင် ဇဒ္ဒုကဲaအခှို့ဟော် ကွိုယ်တော်ယေရှုနောင်းကွို ယွောဂ်လော်ကျော့လေရယ်။ အယ်းဆူတွို့ဟော် ဖရောဆန်ခေါ့ လူရယ်ကွို ဆေယော်ခေါ့နေ အဆဂ်ပှန်ချန်လော်စေမောင်မဟွိကျွောင်းကွို ယုန်ကျည်ထောကျော့ဆူမျောဖှဂ်ရယ်။