Luke 11:37 - Taungyo

³⁷ ကွိုယ်တော်ယေရှုဟော် အယ်းအယော်မျောကွို မိင့်ပွီးရယ့်အခေါ် ဖာရိရှဲတယွောဂ်ဟော် ကွိုယ်တော်ကွို ဧည့်ခေါင်ကျွယ်းမွီးဖွို့အတွ ဆူ့ယယ့်အိင်နောင်းကွို ပန့်ဖိင့်လွို့ ကွိုယ်တော်ဟော် ကျို့တိုမူပွီး စောပွားမောင် ထောင်လေရယ်။

Luke 11:37 Iomraidhean Croise

Luke 11:36

အယ်းယော်ကျွောင့် အခန်းထားမောင်ဆိရယ့် မီးအိင်ဟော် နန်တွို့အပိုမောင် ထွမ်းလန်းနေပွီး နန်တွို့ဟော် အယော်အောလုန်းကွို ဆန်းဆန်းလန်းလန်း မျိုနောင်မောင်ဖှဂ်ရယ်” လွို့မိင့်တိုမူလေရယ်။

Luke 11:38

ဟော်ပေမယ့် ကွိုယ်တော်ဟော် ဂျူးလူမျွိုးတွို့ဓလေ့ထုန်းစောင်အတောင်း အစော်မစောခန်မောင် အယန်ဦးဆုန်းလဂ်ကွိုစန်အွောင် ဆေးရယ့်အမုကွို မပှုရယ့်အတွ စော်ပွားမောင်ထောင်နေရယ့်ဟော်ကွို ဖာရိရှဲဟော် မျိုယန် အောင့်အိုးဆိုးလေရယ်။ အယ်းအခေါ် ကွိုယ်တော်ယေရှုခေါ့ “နန်တွို့ဖာရိရှဲမျောဟော် လူတွို့ယယ့်ချယ့်မောင် မင်ကန်ရယ်လွို့ ထန်မတ်ကျော့စေဖွို့ ဓလေ့ထုန်းစောင်မျောကွို ဂရုစောဂ်ပွီး လောဂ်နော်ပျော့ကျော့ပေမယ့်လယ်း နန်တွို့ယယ့် စိနှလုန်းထားမောင်ကော လိုးဖော့နောင့် အချောမကွောင်းရယ့်အယော်မျောနောင့် ပှယ့်နေကျော့ရယ်။

Luke 14:1

ဥပုသ်နေ့တနေ့မောင် ကွိုယ်တော်ယေရှုဟော် ဖာရိရှဲထားခေါ့ အရယ်းကျွီးပုဂ္ဂိုလ်တဦးယယ့် နေအိင်မောင် အစောအစော် စောဆွောဂ်ဖွို့ ဆိုးယွောဂ်ခှိင် တချောဖာရိရှဲမျောနောင့်ကျောင်းတတ်ဆရောတွို့ဟော် ကွိုယ်တော်ကွို အပှဂ်ချော်ဖွို့ အနီးကွောဂ်စွောင့်ကျော့နေကျော့ရယ်။

Luke 7:36

တနေ့မောင် ရှိမုန်လွို့ခိုရယ့် ဖာရိရှဲတဦးဟော် ကွိုယ်တော်ယေရှုကွို ဆူ့ယယ့်အိင်မောင် အစောစောဖွို့ ပန့်ဖိင့်လေရယ်။ အယ်းယော်ကျွောင့် ကွိုယ်တော်ဟော် အယ်းလူယယ့်အိင်ကွိုကျို့တိုမူပွီး စောဆွောဂ်ဖွို့ စောပွားမောင်ထောင်တိုမူရယ်။