Luke 11:1 - Taungyo

¹ တနေ့မောင် ကွိုယ်တော်ယေရှုဟော် တနေယော်မောင် ဆုတွောင်းတိုမူပွီးယန် ဆပယ့်တိုတဦးခေါ့ “ကွိုယ်တော်ယေရှု၊ ယေနဂ်မန်ဂလော် ဆရောယောဟန်ခေါ့ ဆူ့ယယ့်ဆပယ့်တိုရယ် ကွို ဆုတွောင်းနည်း ဆန်ပေးသလွိုမျွိုး ငေါ်တွို့ကွိုလယ်း ဆန်ပေးတိုမူပေါ်” လွို့ ရွှောဂ်ထောလေရယ်။

Luke 11:1 Iomraidhean Croise

Luke 10:42

အမင်တကာခေါ့ တကာလွိုအောဂ်ရယ့်အယော်ခေါ့ တခုပယ်း ဆိရယ်။ မာရိမောင်ကော အယ်းကွောင်းရယ့်အယော်ကွို ယွီးချာထောပွီးပီဖှဂ်လွို့ အယ်းယော်ကွို ဆူ့နောင်းခေါ့ ဖယ်ဆောလွို့မယော့တို့ဘူး” လွို့ မိင့်တိုမူလေရယ်။

Luke 11:2

အယ်းအခေါ် ကွိုတော်ခေါ့ ဆူတွို့ကိုယ် “နန်တွို့ဆုတွောင်းကျော့ရယ့်အခေါ် ‘ဆွယ်မွှို့တိုမောင် ဆိတိုမူရယ့်ဖော့ဖရော၊ အဖော့ဖရောဆန်ယယ့်နောင်မယ်ကွို ရွိုဆေလေးမှဂ်ခှန်းခေါင်ယော့ပေါ်စေသော်။ ဆော်ဆနော်တိုလယ်းပိုထွမ်းပေါ်စေသော်။

Luke 6:12

အယ်းအခှိင်မောင် ကွိုယ်တော်ယေရှုဟော် ဝဂ်ပှုဆုတွောင်းဖွို့ တွောင်ပိုနောင်းတဂ်ဆိုးပွီး ဖရောဆန်နောင်းမောင်တညော့လုန်းဆု တွောင်းပွီး တညော့တော်အခှိင်ကွို ကွိင်ဆုန်းစေတိုမူရယ်။

Luke 7:13

ကွိုယ်တော်ဟော် အယ်းမွိဆွိုးမော့ကွိုမျိုရယ့်အခေါ် ဆူ့ကွို ကော်တရော်ဆနောဂရုနော်ဖှဂ်ပွီး “မငွိုပေါ်နောင့်” လွို့ မိင့်တိုမူလေရယ်။

Luke 7:19

ဆူတွို့ကွို ကွိုယ်တော်ယေရှုနောင်းကွိုစေခွှဂ်ပွီး “ကွိုယ်တော်ဟော် ငေါ်တွို့မျိုလန့်နေရယ့်မေရှိယလော အယ်းလွိုမော့မဟွိ ငေါ်တွို့အချောဆူတယွောဂ်ကွို စွောင့်ယော့အုန်းမလော” လွို့မေးမှန်းရွှောဂ်တန်စေလေရယ်။

Luke 9:18

တနေ့မောင် ကွိုယ်တော်တပေါထယ်းဆုတွောင်းနေခှိင် ဆပယ့်တိုမျော ယွောဂ်လော်ကျော့ရယ့်အခေါ် ကွိုယ်တော်ခေါ့ ဆူတွို့ကွို “လူရယ်ခေါ့ ငေါ့ကွို စူလွို့ဟိုးနေကျော့သလော” လွို့ မေးမှန်းလောဂ်ရယ်။

Luke 9:28

အယ်းလွိုမိင့်တိုမူပွီးရယ့်အခေါ် ဆတ်ရတ်ခန့်အကျော်မောင် ကွိုယ်တော်ဟော် ပေတရု၊ ယောဟန်နောင့် ယာကုပ်တွို့ကွို ခိုဆွောင်ပွီး ဝဂ်ပှုဆုတွောင်းဖွို့အတွ တွောင်ပိုကွိုကျို့တိုမူရယ်။