Luke 10:42 - Taungyo

⁴² အမင်တကာခေါ့ တကာလွိုအောဂ်ရယ့်အယော်ခေါ့ တခုပယ်း ဆိရယ်။ မာရိမောင်ကော အယ်းကွောင်းရယ့်အယော်ကွို ယွီးချာထောပွီးပီဖှဂ်လွို့ အယ်းယော်ကွို ဆူ့နောင်းခေါ့ ဖယ်ဆောလွို့မယော့တို့ဘူး” လွို့ မိင့်တိုမူလေရယ်။

Luke 10:42 Iomraidhean Croise

Luke 10:39

ဆူ့မောင် မာရိလွို့ခိုရယ့် တေမော့ငါ တယွောဂ်ဆိရယ်။ မာရိဟော် ကွိုယ်တော်ယယ့် ချေရန်းမောင်ထောင်ပွီး တရောတိုမျောကွို နော်ကျောနေလေရယ်။

Luke 11:1

တနေ့မောင် ကွိုယ်တော်ယေရှုဟော် တနေယော်မောင် ဆုတွောင်းတိုမူပွီးယန် ဆပယ့်တိုတဦးခေါ့ “ကွိုယ်တော်ယေရှု၊ ယေနဂ်မန်ဂလော် ဆရောယောဟန်ခေါ့ ဆူ့ယယ့်ဆပယ့်တိုရယ် ကွို ဆုတွောင်းနည်း ဆန်ပေးသလွိုမျွိုး ငေါ်တွို့ကွိုလယ်း ဆန်ပေးတိုမူပေါ်” လွို့ ရွှောဂ်ထောလေရယ်။

Luke 12:20

ဟော်ပေမယ့် ဖရောဆန်ခေါ့ အယ်းလူကွို “ဆွိုးသွမ်းရယ့်လူ၊ နန်ဟော် ခုညော့မောင်ပယ်း ဆေယော့လောဂ်မောင်ဖှဂ်ရယ်။ အယ်းလွိုဖှဂ်ယန် နန်ဆိင်းထောရယ့်အယော်တွို့ဟော် အချောဆူမျောနောင်းကွို ယွောဂ်ဆိုးမောင်ဖှဂ်ရယ်” လွို့ မိင့်တိုမူရယ်။

Luke 12:33

ဆိသမျော့ပစ္စည်းရယ်ကွို ယွောင်းခှော့ပွီး ဆားရားနွမ်းပေါရယ့်ဆူရယ်ကွို စွမ့်ကျားကျော့ပေါ်။ မဆွီးမဟွောင်းတတ်ရယ့် ပိဆင်အိရယ်ကွို ပှုလုတ်ပွီး နန်တွို့ယယ့် ပစ္စည်းဥစ္စော်မျောကွို သခွိုးရယ် မယွောဂ်နောင်၊ ပွိုးမွားရယ် မဖျဂ်ဆီးနောင်ရယ့် ဆွယ်မွှို့တိုနောင်းမောင်ပယ်း မကွိင်းခန်းနောင်ရယ့်ပစ္စည်းဥစ္စော်မျောကွို ဆိင်းထောကျော့ပေါ်။

Luke 16:2

အယ်းဟော်ကျွောင့် ဆဌေးဟော် ဆူ့ကွိုခိုပွီး ‘နန်ဟော် ငေါ့ယယ့် ပစ္စည်းဥစ္စော်မျောကွို ဖွှိင်းနေကျွောင်း တောင်ကျောကျော့လွို့ ငေါ်ကျောဆိယော့ရယ်။ အယ်းနန်လွို့ နန်ရယ်းမတ်ထောရယ့် ပိဆင်စရန်းမျောကွို ငေါ့ကွိုပေးပေါ်။ နန့်ကွို ဘန်တော်ထိင်းနေယော်မောင် ဆဂ်ပွီးမခန့်ထောနောင်တို့ဘူး’ လွို့ ဟိုးလေရယ်။

Luke 16:25

ဟော်ပေမယ့် အာဗြဟံခေါ့ ‘ငေါ့ဆော၊ နန်ယော်အဆဂ်ချန်နေရယ့်အခေါ်ကော့ အကွောင်းဆုန်းအယော်တွို့ကွို ယော့ဆိခယ့်ပြီး လာဇရုမောင်ကော မကွောင်းရယ့်အယော်တွို့ကိုပယ်း ယော့ရှိခယ့်ကျွောင်းကွို ဆတိယော့ပေါ်။ အခုမောင်ကော လာဇရုဟော် ဟော်နေယော်မောင် ဆဆဆော်ဆော်နေယော့ပွီး နန့်မောင်ကော ဒုက္ခေါ့ဝီဆနော်ကွို ခေါင်စောနေယော့ရယ်။

Luke 18:22

ကွိုယ်တော်ယေရှုဟော် အယ်းလူရွှောဂ်တန်တော်ကွိုကျောရယ့်အခေါ် “နန်မပှုယော့ဆီးရယ့်အယော်တခုကှန်နေဆေးရယ်။ နန်ပေါင်ဆောင်ရယ့် ပစ္စည်းဥစ္စော်ရယ်အကွိင်လုန်းကွို ယွောင်းခှော့ပွီး မဆိဆားရားဆောရယ်ကွို ခှူဒန်းလောဂ်ပေါ်။ အယ်းလွိုလုတ်ယန် နန်ဟော် ဆွယ်မွှို့တိုမောင် မကွိင်ခန်းနောင်ရယ့် စည်းစိင်ဥစ္စော်ရယ်ကွို ယော့ဆိလောဂ်မယ်။ အယ်းပွီးယန် ငေါ့ဆပယ့်အဖှဂ် ငေါ့နွေ့ာဂ်ကွိုလောဂ်ခယ့်ပေါ်” လွို့ မိင့်တိုမူလေရယ်။

Luke 8:18

အယ်းလွိုဖှဂ်ယန် နန်စနန်နောထွောင်နေတော်ကွို ဆတိထောပေါ်။ စော်ကျွောင့်လောဟန်ကော ဖရောဆန်ဟော် ဆိဆပွီးဆောလူကွိုပွိုပွီးအဆိပညော်ပေးလောဂ်မယ်။ မဆိဆရယ့်ဆူမောင်ကော၊ ဖရောဆန်ဟော် မိမိမောင်အမောရယ်နောင့် ယုံကျည်ရယ့်အဆိပညော်ကွိုပါလောဂ်မယ်” လွို့ မိင့်တိုမူရယ်။