Luke 10:30 - Taungyo30 ကွိုယ်တော်ခေါ့ အယ်းလူကွို ပုန်ဥဖမော်တခုနောင့်ဖှေကျော်ရယ့်ဟော်မောင် “တခေါ်ခေါ့ ဂျူးလူမျွိုးတယွောဂ်ဟော် ဂျေရုဆလင်မွှို့ခေါ့နေ ဂျေရိခေါမွှို့ကွို ခရီးဆိုးလေရယ်။ လောင်းခရီးမောင် တောင်မှော့ရယ်ဟော် အယ်းလူကွို တောဂ်ခယ့်ကှော့ပွီး ဆူ့မောင်ဆိသမျော့အယော်အောလုန်းနောင့် ဆူ့ယယ့်အဝဂ်အစောမျောကွို တအွောင်ခွှဂ်ယူပွီး ယူဆိုးခယ့်ကျော့လေရယ်။ အယ်းတောင်မှော့တွို့ဟော် ဆူ့ကွို ဆေလုနီးပေါဖှဂ်ရယ့်အထိ ရောဂ်ကျော့ပွီးရယ့်နွောဂ်မောင် အဝီးကွိုထွဆိုးခယ့်ကျော့လေရယ်။ Faic an caibideil |
အယ်းနွေ့ာဂ်မောင် ကွိုယ်တော်ယေရှုခေါ့ အထူးဆပယ့်တိုတဆာ့နေဦးကွို အနောကွိုခိုပွီး “ဂရုတစောဂ်နောထွောင်ကျော့ပေါ်။ အခုငေါ်တွို့ဟော် ဂျေရုဆလင်မွှို့ကွို ဆိုးနေကျော့ပွီဖှဂ်ရယ်။ ငေါ် လူဆောတိုယယ့်အကျွောင်းနောင့်ပဂ်ဆဂ်ပွီး ချယ့်အခေါ်ခေါ့ ပရောဖက်မျောရယ်းဆောထောခယ့်ရယ့် အယော်မင်သမျော့တွိုဟော် အယ်းအရောဂ်မောင် အမင်တကာဖှဂ်ပျဂ်တို့မောင်ဖှဂ်ရယ်။