Luke 1:68 - Taungyo

⁶⁸ “အစ္စရယ်းလူမျွိုးအောလုန်းတွို့ယယ့်အဆန်သခန်ဖှဂ်ရယ့် ဖရောဆန်ယယ့်ဂုဏ်ကျယ်းဇူးတိုကွို ခှီးမွမ်းပေါ်ရယ်။ ကွိုယ်တော်ဟော် ဆူ့ယယ့်လူမျွိုးအပွောင်းတွို့ကွို ကာတန်ဖွို့နောင့်လွဂ်မွှောဂ်ခှန်းပေးဖွို့ ယွောဂ်လော်လေပီ။

Luke 1:68 Iomraidhean Croise

Luke 1:71

ငေါ်တွို့ကွို တခွိုးကျွီးရယ့်ကာတန်ဆန်ဟော် ရန်ဆူလဂ်ထားခေါ့နေ ကာတန်မယ့်အပှင် ငေါ်တွို့ကွိုငွိုးရယ့်ဆူရယ်ယယ့်ဘေးအန်တရယ်ခေါ့နေလယ်း ကန်းလွဂ်စေမောင်ဖှဂ်ရယ်။

Luke 19:44

နန်တွို့ယယ့်မွှို့တမွှို့လုန်းဟော် မှေပှင်နောင့်တညီထည်းဖှဂ်ဆိုးရယ့်အထိ နန်တွို့ယယ့် အဆွောဂ်အဦးမျောနောင့် နောင်ယောင်မျောကွိင်စန်ဆိုးရယ့်အထိတအွောင် ဆူတွို့ဟော် ဖွှိုခှော့ဖျဂ်ဆီးကျော့လောဂ်မောင်ဖှဂ်ပွီး နန်တွို့ မွှို့ခေါ့လူအောလုန်းကွိုလယ်း ဆတ်ကျော့လောဂ်မောင်ဖှဂ်ရယ်။ အကျွောင်းမောင်ကော နန်တွို့ကွိုကာတန်ဖွို့အတွ ဖရောဆန်ခေါ့ ကာတန်ဆန်မေရှိယကွို စေခွှဂ်တိုမူရယ့်အခှိင်ကွို နန်တွို့ဆတိမထောမိကျော့တော်ကျွောင့်ဖှဂ်ရယ်” လွို့ မိင့်တိုမူရယ်။

Luke 2:38

ရှိမောင်ဟော် မာရိနောင့်ယောသပ်တွို့နောင့်စကောဟိုးနေခှိင်မောင် အန္နဟော်လော်ပွီး ဖရောသခန်ယယ့်ကျယ်းဇူးတိုကွို ခှီးမွမ်းပွီး ဂျေရုဆလင်မွှို့မောင် ယွီးကွောဂ်ကာတန်ခှန်းကွို စွောင့်မျိုနေရယ့်လူအပွေါင်းတွို့ကွို ဟော်လူဆငါယယ့်အကျွောင်းကွို မိင့်လေရယ်။

Luke 24:21

ကွိုယ်တော်ယေရှုဟော် ငေါ်တွို့အစ္စရယ်းလူမျွိုးအပွေါင်းတွို့ကွို ငေါ်တွို့ယယ့်ရန်ဆူမျောလဂ်ထားခေါ့နေ ကာတန်တိုမူမယ့်မေရှိယဖှဂ်မယ်လွို့ မျိုလန့်ထောခယ့်ကျော့ပေါ်ရယ်။ ဟော်ပေမယ့် အယ်းအယော်တွို့ဟော် ဖှဂ်လော်မယ်လွို့ မထန်တို့ပေါ်။ အကျွောင်းမောင်ကော ကွိုယ်တော်နောင့်ပဂ်ဆဂ်ရယ့် အဖှဂ်အပျမျော ဖှဂ်ပျခယ့်တော်ဟော် ဆုန်းရတ်တောင်တောင် ဆိခယ့်ပွီဖှဂ်ရယ်။

Luke 7:16

လူအပွေါင်းတွို့ဟော်လယ်း ထိင့်လန့်အောင့်အိုးမုနောင့် “ငေါ်တွို့ကျောထားမောင် မှင့်မှဂ်ရယ့်ပရောဖက်တပေါ ပိုထွလော်ပီ။ ဖရောဆန်ခေါ့ ငေါ်တွို့ကွို ကျေ့ရှုတိုမူပွီး” လွို့ ဖရောဆန်ယယ့်ဂုဏ်တိုကွို ခှီးမွမ်းကျော့လေရယ်။