Luke 1:66 - Taungyo

⁶⁶ အယ်းဆတန်းတွို့ကွို ကျောဆိဆယော့ရယ့် လူအပွောင်းတွို့ခေါ့လယ်း “ဟော်လူပယ့်ငါကျွီးလော်ရယ့်အခေါ် စနန်လူမျွိုးဖှဂ်မလော” လွို့ ဆူတွို့ယယ့် စိနလုန်းထားမောင် တွယ်းပွီးတီးတွိုးဟိုးနေကျော့လေရယ်။ အကျွောင်းမောင်ကော ဖရောဆန်ယယ့်တခွိုးတိုဟော်လယ်း လူပယ့်ငါနောင့်အတူဆိနေရယ့်အတွကျွောင့်ဖှဂ်ရယ်။

Luke 1:66 Iomraidhean Croise

Luke 1:80

ယောဟန်ဟော် အရွာယွောဂ်လော်ပွီး စိဓာတ်ကျောင့်ခေါင်လော်ရယ်။ ဖရောဆန်ဟော် ဆူ့ကွို အစ္စရယ်းလူမျွိုးတွို့ချယ့်မောင် အမုတိုကွိုစော့တန်လုတ်ဆွောင်စေလွိုရယ့်နေ့ရတ်မတောင်ခန်အထိ ဆူဟော် တိုးကန်တော်ရော့ထားမောင်နေထောင်လေရယ်။

Luke 2:19

ဟော်ပေမယ့် မာရိဟော် ဖှဂ်ပျဂ်ခယ့်ရယ့်အကျွောင်းအယော်အောလုန်းတွို့ကွို အွောဂ်မေ့ဆတိယော့ပွီး အယ်းအကျွောင်းအယော်ကွို စိနလုန်းထားမောင်ဆဂ်လဂ်ပွီး တွယ်းနေခယ့်လေရယ်။

Luke 2:40

လူပယ့်ငါလယ်း ကျွီးလော်ရယ့်အခေါ် ဆန်မော်လော်ပွီးညင်ပညော်နောင့်ပှယ့်စုန်လွို့ ဖရောဆန်ယယ့်သဖိုးကှော့ခှန်းကွို ခေါင်စောယော့လေရယ်။

Luke 2:51

အယ်းနွောဂ်မောင် လူပယ့်ဆငါယေရှုဟော် ယောသပ်၊ မာရိတွို့နောင့်အတူတူ နာဇရက်မွှို့ကွိုပှန်ကျော့ပွီး မွေ့ဖော့စကောကွိုဆဂ်လဂ်နော်ခေါင်နေလေရယ်။ မာရိဟော် ဟော်အယော်အောလုန်းဖှဂ်ပျဂ်သမျော့ကွို ထောဂ်ခေါ်ထောဂ်ခေါ်တွယ်းနေခယ့်ရယ်။

Luke 9:44

“နန်တွို့ ငေါ်ဟိုးရယ့်စကောရယ်ကွို အော်ယုန်စောဂ်ပွီး နောထွောင်ကျော့ပေါ်။ လူဆောတိုဖှဂ်ရယ့်ငေါ့ဟော် မကျော်မီအခှိင်မောင် ဆဂ်စော်ဖွောဂ် ခှန်းကွိုခေါင်ယော့ပွီး မကွောင်းရယ့်အုတ်ချုပ်ဆူတွို့ယယ့် လဂ်ထားကွို အောဂ်နောင်ခှန်း ခေါင်ယော့တို့မယ်” လွို့ မိင့်တိုမူရယ်။