Luke 1:11 - Taungyo

¹¹ အယ်းနွောဂ်မောင် ဖရောဆန်စေခွှဂ်တိုမူရယ့် နတ်ဒေဝါiဟော် အမွီးနောင့်ဆော်မျော ထွမ်းညိပူဇော်ယော့ရယ့် ပလ္လန်jယယ့်ညော်ဖဂ်မောင် ဇာခရိကွို ကွိုယ်ထန်ပျော့ပွီးမတ်နေရယ့်ဟော်ကွို

Luke 1:11 Iomraidhean Croise

Luke 1:19

အယ်းအခေါ် နတ်ဒေဝါခေါ့ ဇာခရိကွို “ငေါ်ဟော် ဖရောဆန်ယယ့်ချယ့်မွောဂ်မောင် တော်ဝမ်ထောင်းဆွောင်ယော့ရယ့် ဂါဗြေလဖှဂ်ရယ်။ ဟော်လွိုမျွိုး မန်ဂလော်ဆတန်းစကောကွို နန့်နောင်းလော်ဟိုးဖွို့အတွ ဖရောဆန်ခေါ့ ငေါ့ကွိုစေခွှဂ်လောဂ်ခှန်းဖှဂ်ရယ်။

Luke 1:28

အယ်းနွောဂ်မောင် နတ်ဒေဝါခေါ့ မာရိယယ့်အိင်နောင်း ဝမ်လော်ပွီး နွောဂ်ဆဂ်ပွီးရယ့်အခေါ် မာရိကွို “ဖရောဆန်ဟော် ဆူ့ယယ့် ကျွီးမောရယ့်မေတ္တော်ဂရုနော်ကွို နန့်အပိုမောင် အချောအမျွိုးဆမီးရယ်အောလုန်းထဂ် ပွိုပွီးပျော့လေပီ ဖရောဆန်ဟော် နန်နောင့်အတူတူဆိတိုမူပီ” လွို့ ဟိုးလေရယ်။

Luke 2:10

ဟော်ပေမယ့် နတ်ဒေဝါခေါ့ ဆူတွို့ကွို “မကျွောဂ်ကျော့ပေါ်နောင့် ငေါ်ဟော်လူအောလုန်းတွို့အတွ ကော်တရော်ဝုန်းမွှောဂ်စရော် ဆတန်းကွောင်းကွို ယူဆွောင်လော်ခယ့်တော်ဖှဂ်ရယ်။

Luke 2:9

အယ်းနွောဂ်မောင် ဖရောဆန်ယယ့်နတ်ဒေဝါတပေါဟော် ဆူတွို့ချယ့်မောင်တလန့်ပိုလော်ပွီး ဆူတွို့ယယ့် ပတ်လည်မောင် ဖရောဆန်ယယ့်ဖုန်းတိုကျွောင့်ထွမ်းလန်းတွောဂ်ပေါ့နေရယ်။ အယ်းယော်ကျွောင့် သိုးကွှောင်းဆောတွို့ဟော်လယ်း ကော်တရော်ထိင့်လန့် ဆိုးကျော့လေရယ်။