Yakubu 3:6 - Tsishingini

⁶ Eelentsu fo akina a ɗa. U ta̱ tapu ni iwuya, u tsu una ta̱ vuma suru suru, reve u zuwa ure u wuma u vuma a akina, a̱yi aciya̱yi uꞌwa wa akina u ɗa we ivulusa̱ yi.

Yakubu 3:6 Iomraidhean Croise

Matta 12:24

Ana Afarishi a uwwai ne, reve a damma, “U lo ta̱ otoni a̱ lima̱ nu ucira u na Baꞌalzabu,† mogono mo otoni a̱ lima̱ ma ca niyi.”

Matta 5:22

Gogo gba n ta dansaa ɗu: na̱ vu yuwan upan na̱ za va̱ wu, a̱ ta̱ geꞌeto wu. Na̱ vu ɗe za va̱ wu, ‘A̱a̱ta̱mu,’ a ta tara wu a̱ tyo uba̱ta̱ wa Azagbain a Mbara.† Na̱ vu ɗe za va̱ wu, ‘A̱vu a̱a̱ta̱mu za na ri na̱ a̱ɓula̱ shi,’ vu ta̱ zuzu na vaa uwa a akina a na a̱ ri n kima̱ shi.

Marku 7:15

Ili i na i tsu uwa a̱tsuma̱ a vuma a̱yi ɗa u tsu lungusa̱ wuma wa̱ yi shi, she ili i na i tsu uta̱ o okolo, a̱yi ɗa u tsu lungusa̱ yi.

Luka 16:24

A̱vu u ɗe yi, ‘Dada Ibrahim, ka̱lyuwa̱ iliyali i va̱. A̱vu vu lyungu Liꞌazaru daɓa aakatsu a̱ yi a̱ mini, tsa̱ra̱ u ta̱na̱to eelentsu a̱ va̱. A akina nda n to sowuso a̱tsuma̱lima̱.’

Ajiya 20:30

Ozo o ro fo a̱tsuma̱ a̱ ɗu o to gondoro ili i na i ri mejege adama a̱ tsura̱a̱ aciyele ojoro.

Ajiya 5:3

Reve Bituru damma yi, “Ananiya adama a̱ nye vu lyawai Male† ma uwai o okolo a̱ wu? Vu yuwaan ta̱ Ruhu va Akiza epen, a̱vu vu zuwaa aciya̱wu akapi e ikebeꞌe.

Ajiya 6:13

Reve a̱za̱ e epeꞌen a damma, “Vuma nda u tsu yuwusan ta̱ adanshi e iwuya adama a̱ A̱a̱ꞌisamapaɗa na̱ Wila̱ wa Musa.

Titu 1:11

I ciga i ꞌyuwan i ɓara ama o ndolo na̱ cuꞌun va adanshi o ndolo. A vadala ta̱ ɗe ꞌwa diga o uritosu wa amayun na̱ cuꞌun vu uritosu u vama u ndolo. A yuwan ta̱ ili i ndolo suru tsa̱ra̱ a̱ tsura̱ ikebe o ure u vama.

Yakubu 2:7

Ele ɗaɗa waru aza a na aa yuwusan adanshi a vanvama adama a ala a saꞌani e Yesu Zamawawa, waru i ta̱ pe a̱tsuma̱ a alaꞌa.

Yakubu 3:7

Ama a tsu gura ta̱ zuwa nama suru vu uwwa le, na̱ nnunu, ni iyo, na̱ mugula fo,

2 Bituru 3:3

U tu ulobonu i reve a na a mantsa mo ukosu a̱za̱ o ulamu a na oo zoꞌoso amayun a̱ ta̱ ta̱wa̱, a̱vu a yuwan cuꞌun vi iwuya i na a cigai a yuwan suru.

3 Yahaya 1:10

Na̱ n ta̱wa̱ n ta damma ili i ro i na waa yuwusan na adanshi a vama a na waa yuwusan a aci a̱ tsu. Ili i na i laꞌai usa̱n a̱yi ɗa, u ꞌyuwan ta̱ a̱ usu munlu nna n ta̱wa̱i. Hali waru u tiga̱ ta̱ aza a na a cigai a raba le, reve u lo le a̱tsuma̱ a̱ a̱a̱ꞌisa̱.

Wenu 12:9

Reve Mikaꞌilu oɓolo na̱ nlingata ma̱ yi mu uta̱a̱ a̱ba̱jini a aaganguꞌu diga zuva reve a̱ ca̱co yi oɓolo na̱ nlingata ma̱ yi a̱ tyo e iɗa. Aagangu a nda a̱yi ɗa za na ri lo wuma nu ujimu. A̱yi ɗa za na a̱ tsu ɗe Mekerenkesu ko Male. A̱yi ɗa za na a̱a̱ lulumusa̱ ama suru.

Wenu 13:14

A̱sula̱ a lyawa ta̱ a̱a̱dodo e ire a yuwan ili ya asalama a̱ ma̱ka̱ka̱n ma̱ a̱a̱dodo o ufaru. Adama e ili ya asalama o ndolo, u gura ta̱ luma̱ ama o uvaɗi. U zuwa le ta̱ a ruma a̱a̱ma̱li a̱ a̱a̱dodo o ufaru, za na o unai na̱ matsun me peꞌeni agba u ka̱mba̱ ta̱ wuma.

Wenu 18:23

Ko za a̱a̱ da̱shi ene ekan e ifitila a̱ wu shi. Waru ko za a̱a̱ da̱shi uwwa uɗyo u vali ko ka a yuwusan lolo shi. Aza a awina e itana a̱ shi ta̱ a laꞌa ama o uvaɗi suru ucira. Tsuboci tsa̱ wu tsa̱ pusa̱a̱n ta̱ ama o uvaɗi suru ugbozu.

Wenu 19:20

Reve e reme a̱a̱dodoꞌo, oɓolo na̱ vumava̱sula̱ ve epen za na yuwaan niyi ulinga wa asalama. (U yuwan ta̱ ulinga wa asalama o ndolo adama u pusa̱n aza a na a̱ da̱na̱i nu urotsu wa̱ a̱a̱dodoꞌo aza a na a yuwayin a̱a̱ma̱li a̱ yi a̱ga̱nda̱.) A̱a̱dodoꞌo na̱ vumava̱sula̱ ve epeꞌen a vari le ta̱ wuma a̱tsuma̱ a mala ma akina ma na ma̱a̱ kulusa̱ na̱ farinwuta.