Yakubu 2:7 - Tsishingini

⁷ Ele ɗaɗa waru aza a na aa yuwusan adanshi a vanvama adama a ala a saꞌani e Yesu Zamawawa, waru i ta̱ pe a̱tsuma̱ a alaꞌa.

Yakubu 2:7 Iomraidhean Croise

Matta 1:23

a na, “Usheli u na koto u revei vali shi u ta yuwan a̱a̱tsuma̱, u ta matsan ulobo, reve a ca yi aala Imanuwe.” Urevu wa̱ yi a̱yi ɗa, “A̱sula̱ oɓolo na̱ a̱tsu.”

Matta 12:24

Ana Afarishi a uwwai ne, reve a damma, “U lo ta̱ otoni a̱ lima̱ nu ucira u na Baꞌalzabu,† mogono mo otoni a̱ lima̱ ma ca niyi.”

Matta 27:63

Reve a damma, “Zagbain, tsu cuwan ta̱ ana za ve epen o ndolo da̱na̱i wuma u damma ta̱, ‘Na a yuwan rana taꞌatsu n ta̱ ꞌyon a̱tsuma̱ a̱ a̱kwa̱kwa̱.’

Ajiya 11:26

Ana we ene niyi reve u ta̱wa̱ na̱ a̱yi Antakiya. Reve ele ra o una aaꞌwan ma̱ɓula̱ pe oɓolo na̱ a̱za̱ e Itoni oo ritosu ama na̱ a̱bunda̱. A̱tsuma̱ a Antakiya a ɗa a fara ɗeyi aza a na a̱ kurusu Yesu “A̱za̱ e Itoni.”†

Ajiya 15:17

Adama akapi a ama a zami A̱sulazuva, oɓolo na Atakpaci na aza a na n ɗeyi a̱ tyo ya̱ꞌa̱ va̱. Ne ɗa A̱sulazuva a dammai.

Ajiya 26:11

N zuwa ta̱ a fufaba le a mantsa na̱ a̱bunda̱ a̱tsuma̱ a̱ a̱ꞌisa̱, ko u ta zuwa le a wasan Kristi Zamawawa. N da̱na̱ ta̱ na̱ tsushuꞌun ne ele lon, hali n karishi le ana a̱ tyo e ilyuci ya alanga e iɗa yo omocin, a̱vu n zuwa le ɗe a̱tsuma̱lima̱.”

Ajiya 4:12

“Za lo a̱ tsura̱ iwawi† uba̱ta̱ wu za ro shi! Waru ala† a za ro o lo a̱tsuma̱ o uvaɗi u nda na ama ee ɗe reve a̱ tsura̱ iwawi shi.”

Afisu 3:15

A̱yi ɗa Dada va amayun vu ꞌwa suru, va aza a zuva na aza a na a̱ ri pa o uvaɗi.

1 Timoti 1:13

Ili ya asalama i ɗa, a na u yuwain ili i nda, adama a na n shi ta̱ n tsu yuwusan adanshi a vama e ekere a ala a Zamawawa. N yuwusan ta̱ ugenge wa ama a̱ yi tsa̱ra̱ n yuwaan le iwuya o ure u na maa gura suru. Na̱ ne suru A̱sula̱ o roco mu ta̱ isaꞌani ya̱ yi adama a na n yuwusain ili i ndolo suru a̱tsuma̱ o ulambu wu urevu waru babu na n cayi okolo.

1 Bituru 4:16

Amma ni i sowo a̱tsuma̱lima̱ adama a na yo oꞌwoi a̱za̱ e Itoni, she yu uwwa wono wan. Amma i cuwa A̱sula̱ a na i ri na ala o ndolo.

Wenu 19:13

A̱vu wo oto a̱tugu a gbagbain a na a̱ tsupuyi a̱tsuma̱ a mpasa. Aala a̱ yi a ɗa “Aadanshi a̱ A̱sula̱.”

Wenu 19:16

Uba̱ta̱ wa̱ a̱tugu a gbagbain a na a palai aagutsu a̱ yi, a ɗana ta̱: MOGONO MO NGONO NA̱ ZAGBAIN VA AZAGBAIN.