Yakubu 2:21 - Tsishingini

²¹ Uwwai nda, akaya a̱ tsu Ibrahim zuwa ta̱ A̱sula̱ a uwwa uyoꞌo ana u votoyin ulobo wa̱ yi Ishiyaku a masaꞌa, tsa̱ra̱ u yuwan kucci na̱ a̱yi.

Yakubu 2:21 Iomraidhean Croise

Matta 12:37

Adama a na ni i damma ili i saꞌani, A̱sula̱ a ta damma i ri nu unusu shi. Amma ni i damma idanshi i vanvama, u ta damma i ta̱ nu unusu.”

Matta 3:9

She i jiyan yoo sowo a̱tsuma̱lima̱ shi, adama a na yaa dansa Ibrahim akaya a̱ ɗu a ɗa. N ta dansaa ɗu A̱sula̱ a ta gura tara atali a nda, reve u vazatowo Ibrahim muwun n tsukaya!

Luka 1:73

A̱yi ɗa akucunu a na u yuwayin dada tsu Ibrahim.

Luka 16:24

A̱vu u ɗe yi, ‘Dada Ibrahim, ka̱lyuwa̱ iliyali i va̱. A̱vu vu lyungu Liꞌazaru daɓa aakatsu a̱ yi a̱ mini, tsa̱ra̱ u ta̱na̱to eelentsu a̱ va̱. A akina nda n to sowuso a̱tsuma̱lima̱.’

Luka 16:30

“A̱vu u damma, ‘Oꞌo, dada Ibrahim, na̱ za ro a̱tsuma̱ a̱ a̱kwa̱kwa̱ a̱ ꞌya̱wa̱ uba̱ta̱ u le, a ta vadala.’

Yahaya 8:39

Reve a̱ usu, “Ibrahim ɗa dada tsu.” A̱vu u damma, “Na̱ a̱ɗu muwun ma Ibrahim n ɗa na amayun, i ta yuwan ili i na Ibrahim yuwain.

Yahaya 8:53

A̱vu vu laꞌa ta̱ dada tsu Ibrahim a̱tsuma̱ a tsugbain? U kuwa̱ ta̱, ne ɗa fo ama̱sula̱. A majiyan ma̱ wu, zane ɗa vaa tarasa vu ri?”

Ajiya 7:2

Ɗaɗa Istifanu tsu usu, “A̱ɗu a̱za̱ a̱ va̱ na azagbain, poloo numu atsuvu! Mogono ma̱ A̱sula̱ za tsugbain mo roco ta̱ aciya̱yi ya Ibrahim akaya a̱ tsu e iɗa ya Masapotomiya kafu Ibrahim tyo e iɗa ya Haran.

Roma 3:20

Ko za lo na a gura yuwan ili i na Wila̱ u dammai suru shi, adama o ndolo Wila̱ꞌa̱ waa gura zuwa tsu tso oꞌwo a̱za̱ a̱ a̱ɓula̱ shi. Ili i na Wila̱ waa yuwusan a̱yi ɗa u zuwa tsu tsu reve cuꞌun vu nusu na tsaa yuwusan.

Roma 4:1

Nye tsaa damma a na akaya a̱ tsu Ibrahim ritoi adama o ucawu wo okolo?

Roma 4:12

Waru Ibrahim dada va aza a na a paɗai uryumbu ɗa fo, amma she na̱ a̱ ri na̱ cuꞌun vu ucawu wo okolo a na Ibrahim shi na̱ a̱yi kafu a paɗa yi uryumbu.

Roma 4:16

Adama o ndolo a̱ ta̱ ushi nzuwulai ma̱ A̱sula̱ a mantsa ma na a cayi okolo. U ta casu yi pere, waru e reve ta̱ a̱ ta̱ ushi yi. Na̱ a̱ kuru Wila̱† wa aza a Israꞌila, ko a̱ kuɗa̱ a̱ kuru yi, a̱ ta̱ ushi yi na̱ a̱ ri nu ucawu wo okolo tsa Ibrahim. Adama a na Ibrahim a̱yi ɗa dada va aza a na a cayi okolo suru.

Mmaci ma Ibrahim 11:17

Ibrahim da̱na̱ ta̱ nu ucawu wo okolo, ɗaɗa u cayi mawun ma̱ yi Ishiyaku tsa̱ kucci ana A̱sula̱ a̱ lyungwa̱ niyi. Ibrahim ɗa vuma na A̱sula̱ a yuwayin nzuwulaiꞌi, amma u foɓo ta̱ u ca mawun ma̱ ta̱ ma̱ yi goon tsa̱ kucci.

Yakubu 2:18

Za ro ta gura ece mu, “Vu ta̱ nu ucawu wo okolo?” Waru n ta̱ usu yi, “N ta̱ ni ili i na moo roco.” Reve n damma yi, “Roco mu vu ta̱ nu ucawu wo okolo, agba vaa yuwusan isaꞌani shi, waru a̱mu n to roco wu n ta̱ nu ucawu wo okolo a̱tsuma̱ o ulinga u na maa yuwusan.”

Yakubu 2:24

Ye ene ta̱ gogo a na tsu ta gura zuwa A̱sula̱ a̱ za̱nga̱na̱ na̱ a̱tsu adama e ili i na tsu yuwain, agba ni ili i na tsu usuyi goon shi.