Wenu 8:10 - Tsishingini

¹⁰ Ana malingata ma̱ A̱sula̱ ma taꞌatsu me ivula̱i aavana a̱ yi, a̱vu a̱ba̱jini a talyoꞌo za na a̱ kulusa̱ gashi aakata a akina, o uta̱ diga zuva a̱ tyo e iɗa. A̱vu u riya̱ a aaɓaci o uɗolu a̱ ta̱ a̱tsuma̱ o ɗolu taꞌatsu na aaɓaci a̱ lyusu mini ma̱ ta̱ a̱tsuma̱ e esu a taꞌatsu.

Wenu 8:10 Iomraidhean Croise

Matta 25:1

Reve Yesu lyuwa elime na adanshi, “A mantsa mo ndolo, apa cine tsugono tsa zuva tsa̱a̱ da̱na̱: A yuwan ta̱ esheli kupa a na a tarai ifitila i le, a̱vu a̱ ka̱ra̱ a̱ ꞌya̱wa̱ a gaꞌaton vali vu kasaꞌavu.

Luka 10:18

Reve u usu, “Me ene ta̱ Male† ma̱ riya̱i ana imaɗatsu diga zuva.

Yahuza 1:13

O tsu roco ta̱ ili i wono i na aa yuwusan a alanga eteshe gashi upepu u mala za na tsu ta̱ɓa̱luwa̱ a̱shinda̱ a̱ mini. A̱ ta̱ vadamma italyoꞌo i na i ri a agara na̱ a̱ ꞌya̱wi na̱ a̱ ta̱wi, waru a̱ ta̱ ꞌya̱wa̱ uba̱ta̱ e irumbu ya̱ a̱bunda̱ i babu ukotu.

Wenu 1:20

Nda ucuɗuwu wu usokowu wi italyoꞌo i cindere i na ve enei o ukere usaꞌani u va̱ꞌa̱, na̱ wisawatan u zinariya wi ifitila i cindere: Wisawatan i cindereꞌe a̱ꞌisa̱ a̱ a̱za̱ e Itoni e cindere a ɗa, ele waru italyoꞌo i cindereꞌe nlingata ma̱ A̱sula̱ n cindere n na ma̱a̱ ka̱lyuwusa̱ a̱ꞌisa̱ a̱ a̱za̱ e Itoni e cindere a ɗa.”

Wenu 12:4

A̱vu wizan wa̱ yi u raɗa aaɓaci a̱ ta̱ a̱tsuma̱ a aɓaci e italyoꞌo a taꞌatsu suru diga e elesheꞌe, reve u vari le a̱ tyo o uvaɗi. A̱vu aaganguꞌu e isawan a̱ ma̱ka̱ka̱n ma kaꞌa adama u soɗushi mawuꞌun nu u matsan yi.

Wenu 14:7

Reve u damma na̱ a̱ba̱jini o uɗyo, “I ciga i ꞌyuwan i ca A̱sula̱ tsugbain a̱vu i yuwan adanshi a tsugbain tsa̱ yi. Adama a na mantsa ma yuwan ta̱ a na wee geꞌeto ama o uvaɗi suru. I ca yi tsugbain, adama a na a̱yi ɗa u yuwain uvaɗi na̱ zuva, mala ne esu a̱ mini a na o utusa̱ e iɗa.”

Wenu 16:4

Reve malingata ma taꞌatsu mo oco ili i na i ri pe yi a̱tsuma̱ a aakwanu a̱ yi a̱ tyo a̱tsuma̱ o ɗolu ne esu a̱ mini, reve a̱ ka̱mba̱ mpasa.

Wenu 6:13

Reve italyoꞌo i riya̱ diga zuva a̱ tyo o uvaɗi cine biri na ri igishi tsu riya̱ diga o uɗanga na a yuwan upepu wu ucira.

Wenu 8:7

Ana malingata mo ufaru me ivula̱i aavana a̱ yi, ɗaɗa nlingata n variyi atayan oɓolo na akina uja̱mba̱ru na̱ mpasa a̱ tyo o uvaɗi. A̱vu akinaꞌa a̱ kula̱to aaɓaci a̱ ta̱ a̱tsuma̱ a aɓaci a taꞌatsu o uvaɗi, ɗaɗa u lungusa̱i ɗanga na anlya suru a na a̱ ri pe a̱tsuma̱ a aaɓaci a nda.

Wenu 9:1

A̱vu malingata ma tawun me ivula̱ aavana a̱ yi, a̱vu me ene ili i ro tsa talyoꞌo na riya̱i diga zuva a̱ tyo o uvaɗi. A̱yi talyoꞌoꞌo a ca yi ta̱ ma̱kpa̱tuꞌutsu tsa̱ra̱ u kpa̱tuꞌwa̱ a̱a̱ka̱ri a̱ a̱ruꞌun lungu-lungu.

Wenu 9:15

Ɗaɗa u ba̱ɗa̱i nlingata ma̱ A̱sula̱ n na̱shiꞌi, aza a na A̱sula̱ o foɓoi a yuwan ulinga a̱ rumu nu urana u nda oɓolo na̱ woto u nda na adama aaꞌwan a nda. Ɗaɗa a̱ ꞌya̱wa̱i tsa̱ra̱ o una aaɓaci a̱ ta̱ a̱tsuma̱ a aɓaci a taꞌatsu a ama o uvaɗi ma̱ɓula̱.

Wenu 9:18

Ele mɓa̱la̱ n taꞌatsu n nda, (ele akina, na̱ mikyon, na̱ farinwuta na mo utusa̱ a̱ na̱ vi idoꞌo) o una ta̱ aaɓaci a̱ ta̱ o oɓolo a ama a̱tsuma̱ a aɓaci a taꞌatsu a ama o uvaɗi suru.