Wenu 7:3 - Tsishingini

³ Reve malingataꞌa u damma, “She i lyawa upepu u lungusa̱ iɗa, ko mala, ko uɗanga wan, she na̱ tsu zuwa rotsu e icin ya agbashi a̱ A̱sula̱ a̱ tsu ni iliꞌi.”

Wenu 7:3 Iomraidhean Croise

Matta 24:22

Amma A̱sula̱ e jebe ta̱ ɗe rana ndolo, na̱ koto u yuwan ne shi, babu vuma na aa laꞌa. Amma A̱sula̱ e te jebe le adama a aza a na u ɗangwai.

Matta 24:31

Waru u ta̱ lyungu nlingata ma̱ yi na̱ mesun ma aavana a gbain, o to ɓoloto aza a na A̱sula̱ a ɗangwai diga o ufaru wu uvaɗi a̱ tyo o ukosu wu uvaɗi uba̱ta̱ u ta̱.

Yahaya 12:26

Za na cigai u yuwaan mu tsugbashi suru, u ciga u ꞌyuwan u ta̱wa̱ u kuru mu, adama aagbashi a̱ va̱ a̱ da̱na̱ oɓolo na̱ a̱mu uba̱ta̱ u na n ri suru. Waru Dada va̱ ta ca za na yuwaan numu tsugbashi suru tsugbain.”

Yahaya 3:33

Vuma na ushiyi ikaka ya̱ yi, u roco ta̱ u usu ta̱ ili i na A̱sula̱ a dammai amayun a ɗa.

Roma 6:22

Gogo nda A̱sula̱ a̱ ba̱ɗa̱ ɗu ta̱ e ekere o ucira wu unusu, reve yo oꞌwo agbashi a̱ yi. Gogo i ta yuwusan ili i na ya̱a̱ ta̱wusa̱ na̱ nden ma akiza, reve i koso a wuma u na woo koto shi.

Wenu 13:16

A zuwa ta̱ ama suru a yuwan rotsu o ukere usaꞌani ko e icin i le, ko ama a gbagbain a ɗa ko muwun, ko a̱za̱ o utsuru ko alambi, ko agbashi ko aza a na a̱ ri agbashi shi.

Wenu 13:17

Aza a na a̱ ri na̱ rotsu ɗa goon aa lyawa a tsula waru ele ɗa goon aa lyawa a wina. A̱yi urotsu u nda a̱yi ɗa urotsu wa aala a̱ a̱a̱dodo ko laamba na ee isawan a aala a̱ yi.

Wenu 14:1

A̱vu me ene Ma̱giriꞌi mishin a Masasan ma̱ Sihiyona.† Ama ukpakukupa ukpaku nu ukpakukupa amunga nu ukpakukupa una̱shi (144,000) a̱ da̱na̱ ta̱ mishin oɓolo na̱ a̱yi. Ele ɗa aza a na a ɗanai e icin i le ala a̱ Ma̱giriꞌi na̱ Dada va̱ yi.

Wenu 14:9

A̱vu waru malingata ma̱ A̱sula̱ ma taꞌatsu u toni le, a saalasa, “Ama a na a yuwayin a̱a̱dodo o ndolo a̱ga̱nda̱ suru a̱vu waru a yuwaan a̱a̱ma̱li a̱ yi a̱ga̱nda̱, a̱ ta̱ nu urotsu wa̱ a̱a̱dodo e icin i le ko e ekere e le. A̱sula̱ o to sowoto le masayan ma inabi mo oforo ma̱ yi. Masayan ma nda a̱ sula̱ yi na̱ mini shi, waru A̱sula̱ na aciya̱yi a ɗa a̱ tsuyin oforo a̱ yi a̱tsuma̱ o mokoto mo upan mo ndolo. Cuꞌun va ama o ndolo o to sowo a̱tsuma̱lima̱ na akina† a̱ ma̱kula̱ a̱ farinwuta lon a̱ ma̱ka̱ka̱n ma nlingata ma̱ A̱sula̱ ma akiza oɓolo na̱ Ma̱giriꞌiꞌi.

Wenu 19:2

Cine waa casu ama e iwuya oforo amayun a ɗa waru wu ntsaa ta̱. Wi isawaton ta̱ cine waa ca aashakala o ucira o ndolo a̱tsuma̱lima̱, za na zuwai ama o uvaɗi a nda a yuwain tsipere na̱ a̱yi. A̱sula̱ a tsupa yi ta̱ adama a na wu unai agbashi a̱ yi.”

Wenu 20:4

Reve me ene nda̱na̱ta̱ n tsugono na̱ a̱bunda̱, waru aza a na a̱ ri ɗe nden aza a na A̱sula̱ a cayi ucira u na aa yuwan tsugono tsa ɗa. Kwisa̱ va aza a na nꞌyuwatan n kukoɗoi a aci e le a ɗa adama a na a dammai ikaka ya̱ Yesu oɓolo na adanshi a̱ A̱sula̱. Ama a nda a yuwaan a̱a̱dodoꞌo ko a̱a̱ma̱li a̱ yi a̱ga̱nda̱ shi, waru a̱ ushi urotsu wa̱ yi e icin i le ko e ekere e le shi. A̱ ka̱mba̱ ta̱ wuma reve a̱ da̱nu a̱ nda̱na̱ta̱ n tsugonoꞌo, a̱vu a yuwan tsugono oɓolo na̱ Kristi Zamawawa hali aꞌwan ukpakukupa (1,000).

Wenu 22:4

E te ene urewesu wa̱ A̱sula̱ waru aala a̱ yi a̱ ta̱ da̱na̱ uɗanu e icin i le.

Wenu 6:6

Reve mu uwwa ili i ro gashi uɗyo o utusa̱ e memere me ili i wuma i na̱shi. A̱vu uɗyoꞌo u damma, “Ikebe i na nanza tsu tsura̱ o ulivu u ta̱, a̱yi ɗa a tsu tsupa o una̱ u makundatsu ma̱ ta̱ ma yitabo.† Waru na̱ a̱bunda̱ e ikebe i ɗaɗa aa tsupaa nkundatsu n taꞌatsu mi ishina. Waru she i lungusa̱ maniꞌiꞌin na̱ masayan ma inabi† wan.”

Wenu 7:1

Ana a̱yi ndolo kotoi, a̱vu me ene nlingata ma̱ A̱sula̱ n na̱shi mishin e eɓele a̱ na̱shi o uvaɗi e geshei upepu na̱shi tsa̱ra̱ upepu u lapa uvaɗi ko mala ko uɗanga wan.

Wenu 7:2

A̱vu me enishe malingata ma̱ A̱sula̱ mo ro mo uta̱ asana, u da̱na̱ ta̱ ni ili yu urotsu i na i tsu zuwa urotsu wa̱ A̱sula̱ a wuma. U ɗe ta̱ nlingata n na̱shiꞌi aza a na a cayi ucira a ca uvaɗi na̱ mala a̱tsuma̱lima̱ lon na̱ a̱ba̱jini o uɗyo.

Wenu 9:4

A damma le ta̱, “I ciga i ꞌyuwan i taɗa ama a na a̱ ri na̱ rotsu va̱ A̱sula̱ e icin i le wan, she ama a na A̱sula̱ a zuwayi rotsu va̱ yi shi. Waru she i taɗa ɗanga ko anlya wan.”