Wenu 7:2 - Tsishingini

² A̱vu me enishe malingata ma̱ A̱sula̱ mo ro mo uta̱ asana, u da̱na̱ ta̱ ni ili yu urotsu i na i tsu zuwa urotsu wa̱ A̱sula̱ a wuma. U ɗe ta̱ nlingata n na̱shiꞌi aza a na a cayi ucira a ca uvaɗi na̱ mala a̱tsuma̱lima̱ lon na̱ a̱ba̱jini o uɗyo.

Wenu 7:2 Iomraidhean Croise

Matta 16:16

Reve Simo za na a̱ tsu ɗe Bituru usu, “A̱vu ɗa Zamawawa,† Mawun ma̱ A̱sula̱ za na tsu ca wuma.”

Matta 26:63

Agba u damma ili i ro shi. A̱vu aabara a nan ganu a dammisa yi, “A̱tsuma̱ a aala a̱ A̱sula̱ a wuma n zuwa wu ta̱ vu kucina: Damma tsu na̱ a̱vu ɗa Zamawawa, Mawun ma̱ A̱sula̱.”

Yahaya 6:27

She i zuwa ucira u ɗu e izami yi ilyalya i na ya̱a̱ la̱nga̱ wan. Amma, i zuwa ucira u ɗu e izami yi ilyalya i na yaa ca wuma u babu ukotu. A̱yi ɗaɗa ilyalya i na Mawun ma Vuma maa ca ɗu, adama a na Dada A̱sula̱ o roco ta̱ u usu ta̱ Mawuꞌun.”

2 Korinti 1:22

U zuwaa tsu ta̱ urotsu† wu za vi ili adama u roco a na a̱tsu a̱za̱ a̱ yi a ɗa goon. Waru u zuwa ta̱ Ruhu va̱ yi o okolo a̱ tsu tsu uzuwa adama u rocosu tsu ili i ro i ta̱ lo a̱ ta̱wa̱.

Afisu 1:13

Waru ne ɗa u ri na̱ a̱ɗu amayun. Yu uwwa ta̱ adama a Alabari a Saꞌani za na a̱yi ɗa ikaka ya amayun, waru a wawa ɗu ta̱. I usu ta̱ Yesu Zamawawa reve o ɓolo ɗu na̱ a̱yi. Adama o ndolo, A̱sula̱ a ca ɗu ta̱ Ruhu va Akiza za na u yuwayin ama a̱ yi nzuwulai. A̱yi Ruhuꞌu, u ta̱ tsu urotsu za na tsu roco a̱ɗu a̱za̱ a̱ A̱sula̱ a ɗa.

Afisu 4:30

Waru she i lungusa̱ Ruhu va Akiza okolo wan. Adama a na Ruhu va Akiza rotso ta̱ urotsu† u na woo rocosu a̱ɗu a̱za̱ a̱ yi a ɗa. A̱sula̱ a ca ɗu ta̱ Ruhuꞌu adama u roco A̱sula̱ a ta lyawa ɗu fa̱a̱n o urana wu ukosu.

1 Tasalonika 1:9

Amaꞌa na aciyele a lyuwa ta̱ elime a yuwusan adanshi cine i ushi ntsu. Waru a yuwan ta̱ fo adanshi cine i vadalai i lyawai a̱ma̱li a̱ ɗu na̱ cine yaa yuwusaan A̱sula̱ a amayun a̱ga̱nda̱ za na ri wuma.

2 Timoti 2:19

Amma amayun a̱ A̱sula̱ a̱ ta̱ lo vadamma ikyun yu usaa i na a varai na aatali a̱vu e sheꞌen ɗe udammu u nda: “A̱sulazuva e reve ta̱ aza a na a̱ ri a̱za̱ a̱ yi,” waru “Aza a na a adansa a̱za̱ a̱ A̱sulazuva a ɗa a̱ ri, a suma mayan me ili i wuya suru.”

Mmaci ma Ibrahim 12:22

Agba gogo i ta̱wa̱ ta̱ a Masasan ma̱ Sihiyona† waru na̱ Urishelima na ri zuva. A̱yi ɗa lyuci gbain va̱ A̱sula̱ a wuma, uba̱ta̱ u na oɓolo oɓolo a nlingata ma̱ A̱sula̱ ma̱ a̱bunda̱ lon m ɓolotoi adama a yuwan ma̱za̱nga̱.

Wenu 1:3

A̱sula̱ a ta zuwaa za na ee ɗewushe ama idanshi yi ikaka i nda nu una̱ abaꞌun, waru u ta zuwaa za na uwwai reve u yuwan tsutoni na̱ a̱yi abaꞌun. Adama a na mantsa ma yuwan ta̱ zuzu a na ili i nda yaa fara.

Wenu 10:1

Reve n yuwisan alavu alavu, a̱vu me ene malingata ma̱ A̱sula̱ mo ucira o utusa̱ diga zuva.† A̱vu u ka̱nda̱ꞌwa̱ aciya̱yi ne eleshe gashi umuna, u shi ta̱ na̱ kambu uka̱nda̱ruwu a aaci a̱ yi. A̱vu urewesu wa̱ yi u dala gashi urana, ana a̱ yi waru gashi atsura a akina.

Wenu 10:4

Ana tsata n cindereꞌe n yuwain adanshi, reve n fara maɗana. A̱vu mu uwwa uɗyo ɗe zuva adansa, “Vu soko ili i na tsata n cindereꞌe n dammai ulobonu, waru she vu ɗana le wan.”

Wenu 16:12

Ɗaɗa waru malingata ma̱ ta̱li mo ocoi ili i na i ri pe a̱tsuma̱ a aakwanu a̱ yi a̱ tyo a̱ a̱ba̱jini o Uɗolu wa̱ Yufiriti ɗaɗa mini mo uɗoluꞌu u ꞌyewei. Ni ili i ndolo i fara, ɗaɗa ngono diga asana a̱a̱ ta̱wa̱ na̱ a̱soja e le.

Wenu 5:2

Waru a̱vu me ene malingata ma̱ A̱sula̱ mo ucira, za na dammai na̱ a̱ba̱jini o uɗyo: “Zane ɗa rawai u ra̱ɓuwa̱ erepu a aatagada a nda a̱vu waru u kpa̱tuꞌwa̱ yi?”

Wenu 8:3

A̱vu malingata ma̱ A̱sula̱ mo ro ma̱ ta̱wa̱ wi isawan elime a masaꞌa.† U da̱na̱ ta̱ uguzu na̱ mataɗa za na a yuwain na̱ zinariya na a̱ kula̱tosuyi ili i ma̱guru.† U ushi ta̱ ili i ma̱guru i nda na̱ a̱bunda̱ oɓolo na avasa a ama a̱ A̱sula̱ suru. A̱yi malingataꞌa u zuwa ta̱ sadaka nda a masaꞌa ma na a yuwain na̱ zinariya na ri ɗe a̱ ma̱ka̱ka̱n ma̱ nda̱na̱ta̱ n tsugonoꞌo.

Wenu 9:14

Uɗyoꞌo u damma ta̱ malingataꞌa, “Ba̱ɗa̱ nlingata n na̱shi aza a na A̱sula̱ a̱ shi a̱ nla̱i a̱ a̱ba̱jini o Uɗolu u Yufiriti!”

Wenu 9:4

A damma le ta̱, “I ciga i ꞌyuwan i taɗa ama a na a̱ ri na̱ rotsu va̱ A̱sula̱ e icin i le wan, she ama a na A̱sula̱ a zuwayi rotsu va̱ yi shi. Waru she i taɗa ɗanga ko anlya wan.”