Wenu 7:15 - Tsishingini

¹⁵ “Adama o ndolo a̱ ta̱ mishin a̱ ma̱ka̱ka̱n ma̱ nda̱na̱ta̱ n tsugono tsa̱ A̱sula̱.† A ta yuwusaan yi a̱ga̱nda̱ urana na ayin a̱tsuma̱ a̱ A̱a̱ꞌisamapaɗa a̱ yi. Waru za na ri nden a̱ nda̱na̱ta̱ꞌa̱ u ta̱ da̱nu oɓolo ne ele tsa̱ra̱ u ka̱lyuwa̱ le ulobonu.

Wenu 7:15 Iomraidhean Croise

Yahaya 1:14

Danshiꞌi u ka̱mba̱ ta̱ vaɗilima̱, reve u da̱nu a̱tsuma̱ a̱ tsu. U da̱na̱ ta̱ tapu ni isaꞌani na amayun. Tse ene ta̱ tsugbain tsa̱ yi tsa na u tsura̱i adama a na a̱yi ɗa Mawun ma Dada goon.

1 Korinti 3:16

N reve ta̱ a na i revei a na a̱ɗu a̱a̱ꞌisa̱ a̱ A̱sula̱ a ɗa waru Ruhu va̱ A̱sula̱ ta̱ pe nden a̱tsuma̱ a̱ ɗu!

2 Korinti 6:16

A̱a̱ꞌisa̱ a̱ A̱sula̱ a̱ ri a muwwulai na̱ a̱ma̱li shi. A̱tsu ɗa gba a̱a̱ꞌisa̱ a̱ A̱sula̱ a wuma. A̱sula̱ a damma ta̱ “N ta̱ da̱nu oɓolo ne ele a̱vu n zuwa uꞌwa u va̱ uba̱ta̱ u na a̱ ri. N to oꞌwo A̱sula̱ e le, reve ele o oꞌwo ama a̱ va̱.”

Mmaci ma Ibrahim 12:2

Na̱ tsu ciga tsu ꞌyuwan tsu ka̱lyuwusa̱ Yesu goon, za na a̱yi ɗa ufaru wu ucawu wo okolo a̱ tsu waru a̱yi ɗa za na ka̱mbuwa̱ niyi ununa wu ntsayi. U sowo ta̱ a̱tsuma̱lima̱ reve u kuwa̱ a akpata.† A̱vu gba u ushi wono gashi ili i ro i ɗa shi, adama a̱ ma̱za̱nga̱ ma na wa̱a̱ ta̱wa̱ u tsura̱ elime. Gogo tsunda u ta̱ nden o ukere usaꞌani o ootogu o tsugono tsa̱ A̱sula̱.†

Mmaci ma Ibrahim 8:1

A̱yi nda a̱yi ɗa ili i gbain i na tsaa dansa: Tsu ta̱ na̱ aabara a nan ganu na tsu da̱nu o ukere usaꞌani wa̱ A̱sula̱ Mogono me Ili Suru.

Wenu 11:19

Reve A̱a̱ꞌisamapaɗa a̱ A̱sula̱ ɗe zuva a̱ kpa̱tuꞌwa̱, reve e ene Akpati a Nzuwulai† pe. A̱vu a yuwusan imaɗatsu, na̱ a̱giriꞌa̱, na̱ tsata, nu ura̱mosu wi iɗa na atayan a gbagbain.

Wenu 13:6

A̱vu u da̱na̱ a yuwusaan A̱sula̱ adanshi a vama. Waru wi isula ta̱ ala a̱ A̱sula̱, nu uba̱ta̱ u na u ri nden, oɓolo na aza a na a̱ ri zuva suru.

Wenu 20:10

A̱ shi ta̱ ɗe a vari a̱a̱dodoꞌo oɓolo na̱ vumava̱sula̱ ve epen va̱ yi a̱tsuma̱ a mala ma akina ma na ma̱ kulusa̱ na̱ farinwuta, reve waru a vari Mekerenkesuꞌu† pe, za na pusa̱yin ama a nda suru ugbozu. Akinaꞌa a ta zuwa suru nle o sowo a̱tsuma̱lima̱ ayin nu urana babu ukotu.

Wenu 21:22

Me ene A̱a̱ꞌisamapaɗa a̱tsuma̱ a̱ lyuciꞌi shi, adama a na A̱sulazuva Mogono me Ili Suru na̱ Ma̱giriꞌiꞌi mo oꞌwo ta̱ A̱a̱ꞌisamapaɗaꞌa.

Wenu 22:3

Una̱ u na A̱sula̱ a yuwayin ɗe ili biti a tawa yi ta̱. Nda̱na̱ta̱ n na A̱sula̱ na̱ Ma̱giriꞌiꞌi a̱ ri nden u to oꞌwo pe a̱ lyuciꞌi. A̱vu agbashi a̱ yi a yuwaan yi a̱ga̱nda̱.

Wenu 22:5

A̱a̱ da̱shi yuwan ayin waru shi. Aa zama ekan a fitila ko ekan o urana waru shi, adama a na A̱sulazuva A̱sula̱ a ta ca le ekan. Reve a yuwan tsugono babu ukotu.

Wenu 4:4

Nda̱na̱ta̱ ushin na̱ a̱za̱ a̱ na̱shi n ka̱nda̱ruwa̱ ta̱ nda̱na̱ta̱ m mogonoꞌo. Azagbain ushin na̱ a̱za̱ a̱ na̱shi a̱ da̱na̱ ta̱ ɗe nden. O oto ta̱ a̱tugu a̱ uri no okokolo a zinariya a aci e le.

Wenu 4:8

Ili i wuma i na̱shi i nda suru a̱ ta̱ ne evelu a̱ ta̱li ta̱li, waru a̱ ta̱ wupalu ne esu, hali na a mpakatalai me eveluꞌu. Ayin nu urana a lyawa ucanasa wi ishipa shi: “Zagbain ta̱ na akiza. U ta̱ na akiza. U ta̱ na akiza. A̱yi ɗa A̱sula̱ Mogono me Ili Suru Suru. A̱yi ɗa za na ri lo diga o ufaru, waru u ta̱ lo gogo, za na waru ri lo a̱ ta̱wa̱.”

Wenu 4:9

Ili i wuma i nda a lyuwa ta̱ elime a ciɓalasa za na ri nden a̱ nda̱na̱ta̱ n tsugonoꞌo. Waru a ta casu yi fo tsugbain waru o godyusho yi. A̱yi ɗa za na yuwain wuma babu ukotu.

Wenu 7:9

Ana a̱yi ndolo kotoi, a̱vu n ka̱lyuwa̱ ɗaɗa me enei ɗe oɓolo a ama a laꞌa ta̱ a̱bunda̱ a na vuma aa gura kece le suru. O uta̱ ta̱ a̱tsuma̱ e iɗa, o gundo, na ama, ne elentsu suru, a̱vu e isawan a̱ ma̱ka̱ka̱n ma̱ nda̱na̱ta̱ n tsugono na̱ Ma̱giriꞌiꞌi. O oto ta̱ a̱tugu a̱ uri, suru nle a̱ guza̱ ta̱ ashuwa-shuwa e ekere e le.