Wenu 6:10 - Tsishingini

¹⁰ Reve kwisa̱ꞌa̱ a saala na̱ a̱ba̱jini o uɗyo adansa, “A̱sula̱ Mogono me Ili Suru Suru, vu ta̱ na akiza na amayun! Tsu te ipati ya̱ wu, she vu jima wan vu geꞌeto reve waru vu ca aza a na o una ntsu a̱tsuma̱ o uvaɗi a̱tsuma̱lima̱.”

Wenu 6:10 Iomraidhean Croise

Luka 2:29

“Mogono ma Gbain, gogo vu shiton ta̱ nzuwulai ma̱ wu, vu lyawa aagbashi a̱ wu a̱ ka̱ra̱ no okolo nden.

Luka 21:22

Mantsa ma̱ a̱tsuma̱lima̱ ma ɗa a na ili i na a ɗanai yaa shiwan.

Roma 12:19

Nꞌutsa̱ n va̱, she i ciga i ca ozo o ro a̱tsuma̱lima̱ a na a nusaan ɗu wan, amma i puro A̱sula̱ a ca le a̱tsuma̱lima̱ nu upan wa̱ yi. A̱sulazuva damma ta̱ a̱tsuma̱ a Adanshi a̱ yi, “N ta ca aza a na a nusain a̱tsuma̱lima̱. N ta tsupa le adama e ili i na a yuwain.”

Mmaci ma Ibrahim 12:24

I ta̱wa̱ ta̱ uba̱ta̱ wa̱ Yesu, za na ta̱wa̱yi na akucunu† a saꞌavu diga a̱ A̱sula̱. Mpasa ma̱ Yesu n ɗa o kyoꞌonuyi tsa̱ kucci, za na ri ni ikaka i na i laꞌai mpasa ma Habila.

2 Bituru 2:1

Ɗe a̱ca̱pa̱ a yuwan ta̱ ama̱sula̱ e epen a na a yuwayin aza a Israꞌila adanshi, ne ɗa waru munlu me epen ma̱a̱ ta̱wa̱ a̱tsuma̱ a̱ ɗu. Nu ugbozu u ɗa a̱a̱ ta̱wa̱ nu uritosu we epen adama a̱ A̱sula̱ a na wa̱a̱ lungusa̱ ama. A̱ ta̱ ꞌya̱sa̱a̱n Zagbain le na tsupai adama u wawa le aci. Ele na aciyele aa jima shi a̱ ta̱ lungusa̱ le.

Wenu 11:18

Ama o uvaɗi a yuwan ta̱ upan na̱ a̱vu, amma gogo mantsa mo upan ma̱ wu ma rawa ta̱. Mantsa ma ɗa na vee geꞌeto a̱kwa̱kwa̱, a̱vu vu tsupa agbashi a̱ wu. Vu ta tsupa ama̱sula̱ a̱ wu na ama a akiza† a̱ wu, vu ta tsupa ama a na a uwwusa wovon wa ala a̱ wu, diga a za keꞌen a̱ tyo a zagbain. Waru vu ta̱ lungusa̱ za suru na ta̱wa̱yi nu ulungusu a̱tsuma̱ o uvaɗi.”

Wenu 18:20

A̱ɗu aza a na i ri zuva, i yuwan mere, adama a na A̱sula̱ a̱ lungusa̱ ta̱ ɗe Babila. A̱ɗu ama a̱ A̱sula̱, oɓolo na ajiya na aza a na a dansa ikaka ya̱ A̱sula̱ i za̱nga̱na̱. Adama a na A̱sula̱ e geꞌeto yi ta̱ adama e ili i babu ulobonu i na u yuwaan nɗu.

Wenu 18:24

A̱sula̱ a ca ta̱ Babila a̱tsuma̱lima̱ adama a na wu unai ama̱sula̱, na ama a̱ A̱sula̱ suru. Ee, Babila una ta̱ akapi a ama a̱tsuma̱ o uvaɗi suru.”

Wenu 19:2

Cine waa casu ama e iwuya oforo amayun a ɗa waru wu ntsaa ta̱. Wi isawaton ta̱ cine waa ca aashakala o ucira o ndolo a̱tsuma̱lima̱, za na zuwai ama o uvaɗi a nda a yuwain tsipere na̱ a̱yi. A̱sula̱ a tsupa yi ta̱ adama a na wu unai agbashi a̱ yi.”

Wenu 3:10

Vu yuwan ta̱ ankuri vu kaɓa asuvu cine n damma nuwu vu yuwan. Adama o ndolo, n te geshe wu a mantsa ma na ma̱a̱ lyungwa̱ ama o uvaɗi, na̱ n zuwa le a uwwa a̱tsuma̱lima̱ a̱ a̱bunda̱.

Wenu 3:7

Reve u damma mu, “Ɗana mepepelime ma nda a̱ tyo a malingata ma̱ A̱sula̱ ma̱ a̱a̱ꞌisa̱ a̱ a̱za̱ e Itoni a̱tsuma̱ a̱ lyuci va Filadalifiya. Za na ri na akiza na amayun u tu uɓa̱nu na̱ ma̱kpa̱tuꞌutsu ma̱ Da̱wuda. Nu u kpa̱tuꞌwa̱ una̱ntsu babu za na aa gura kpa̱to yi. Waru nu u ɓa̱ru yi, babu vuma na a̱a̱ kpa̱tuꞌwa̱ yi. A̱yi ɗa za na lyunguwa̱ nuwu ni ikaka i nda: