Wenu 5:12 - Tsishingini

¹² A̱ da̱na̱ ta̱ e ishipa na̱ a̱ba̱jini o uɗyo: “Tsu ta yuwaan Ma̱giriꞌi ma na o unai ica, waru adama a̱ a̱ba̱jini o ucira a̱ yi, nu utsuru, nu urevu, nu ukadu wa̱ yi. U ushi tsugono na̱ tsugbain ni ica suru suru!”

Wenu 5:12 Iomraidhean Croise

Matta 28:18

Ɗaɗa Yesu ta̱wa̱i uba̱ta̱ u le reve u damma, “A̱sula̱ a ca mu ta̱ ucira a̱tsuma̱ a zuva ni iɗa suru.

Yahaya 1:29

Ana usana u tawai, a̱vu Yahaya ene Yesu† a̱ ta̱wa̱ uba̱ta̱ u na u ri. Reve u damma, “Apa Ma̱giriꞌi ma̱ A̱sula̱† ma na A̱sula̱ a yuwain ulinga na̱ a̱yi na u yuwayin ama o uvaɗi gafura vu nusu le.

Yahaya 17:2

Vu ca yi ta̱ tsugbain a aci a ama suru adama u ca aza a na vu ca niyi wuma u na woo koto shi.

2 Korinti 8:9

I reve ta̱ isaꞌani yi Zagbain tsu Yesu Zamawawa. I reve ta̱ Zamawawa za vu utsuru ɗa u shi, reve u ka̱mba̱ za vu ulambu adama a̱ ɗu, reve a̱ɗu yo oꞌwo a̱za̱ o utsuru adama a na a̱yi wo oꞌwoi za vu ulambu.

1 Timoti 1:17

Tsu cayi A̱sula̱ ica, reve waru tsu ca niyi tsugbain. Tsu yuwusain ne babu ukotu. A̱yi ɗa Mogono ma babu ukotu, za na a̱ tse ene shi, agba u tsu kuwa̱ shi. A̱yi ɗa A̱sula̱ a̱ ndeꞌen. Ami.

Wenu 1:6

Adama o ndolo reve wo oꞌwoto tsu mmaci ma̱ yi nan ganu a yuwusaan A̱sula̱ Dada va̱ yi a̱ga̱nda̱. Tsugbain nu ucira babu ukotu za va̱ Yesu Zamawawa ɗa! Ami.

Wenu 13:8

Ama suru a ta yuwaan yi a̱ga̱nda̱, ele ɗa aza a na a ɗanai ala e le a̱tsuma̱ a aatagada a ama a wuma kafu a yuwan uvaɗi shi. Aatagadaꞌa za Ma̱giriꞌi ma na o unai ɗa.

Wenu 15:3

Reve a cana ishipa i na Musa† aagbashi a̱ A̱sula̱ a canai a̱vu waru a cana ishipa i na Ma̱giriꞌi ma canai, adansa, “A̱vu ɗa A̱sulazuva Mogono me Ili Suru, vu ta yuwusan a̱ba̱jini a̱ba̱jini e ili ya asalama. Vu ta yuwusan tsugono tsu uvaɗi u nda suru. A̱tsuma̱ e ili i na vaa yuwusan suru amayun a ɗa oɓolo nu ulobonu.

Wenu 19:1

Ana malingata mo uciraꞌa mo kotoi adanshi, reve mu uwwa mesun ma̱ a̱ba̱jini o oɓolo a ama zuva a yisaali: “A cuwa A̱sula̱! Iwawi, na̱ tsugbain, nu ucira za va̱ A̱sula̱ a̱ tsu a ɗa!

Wenu 4:11

“Zagbain tsu na̱ A̱sula̱ a̱ tsu, vu rawa ta̱ vu ushi tsugbain, tsugono nu ucira adama a na vu rawa ta̱ vu ushi le. A̱vu ɗa vu yuwain ili suru, waru vu zuwa le ta̱ a̱ da̱na̱ wuma cine a̱ ri adama a na vu ciga nle ne.”

Wenu 5:13

A̱vu mu uwwisa ili i na i ri wuma suru e ishipa, ele aza a na a̱ ri pe zuva suru, nu uvaɗi, na̱ za̱la̱ vu uvaɗi, na̱ mala. Apa ishipa i na aa yuwusan: “Za na ri nden a̱ nda̱na̱ta̱ n tsugono oɓolo na̱ Ma̱giriꞌi a̱ ta̱ ni ica na̱ tsugono na̱ tsugbain nu ucira kuci babu ukotu.”

Wenu 5:6

Me ene ta̱ Ma̱giriꞌi mishin zuzu na̱ nda̱na̱ta̱ n tsugonoꞌo. Ili i wuma i na̱shi i ka̱nda̱ruwa̱ yi ta̱ oɓolo na azagbain. Lipu va̱ yi rotso ta̱ gashi a paɗa yi ta̱ o una̱ u kucci. U ta̱ na avana e cindere ne esu e cindere, ele ɗa nan ruhu e cindere va̱ A̱sula̱ a na u lyunguyi a̱ tyo pasu suru a̱tsuma̱ o uvaɗi.

Wenu 5:8

A̱yi pe a̱tsuma̱ a mayan tsundolo, a̱vu ili i wuma i na̱shi na azagbain ushin na̱ a̱za̱ a̱ na̱shi a̱ ka̱ɗa̱to a̱ ma̱ka̱ka̱n ma̱ yi. Za suru da̱na̱ ta̱ na̱ kumburu na aakwanu a na a yuwain na̱ zinariya za na u ɓa̱na̱i o ukere wa̱ yi. Akwanu o ndolo a̱ da̱na̱ ta̱ tapu ni ili i ma̱guru na o oꞌwoi o una̱ wa avasa a ama a na aa yuwusaan A̱sula̱ a̱ga̱nda̱.

Wenu 5:9

A̱vu a cana ishipa i saꞌavu i nda: “A̱vu ɗa vu rawai vu tara aatagadaꞌa a̱vu waru vu ra̱ɓuwa̱ erepu o urotsu wa̱ yi a̱vu vu kpa̱tuꞌwa̱ yi. Ili i na i zuwai a̱yi ɗa ama o una wu ta̱, ɗaɗa mpasa ma̱ wu mo oꞌwoi atsupu ana vu tsupayi gundo, ne elentsu, na ama, ni iɗa, a̱vu gogo o oꞌwo ama a̱ A̱sula̱.

Wenu 6:1

Reve me ene Ma̱giriꞌiꞌi a̱ ra̱ɓuwusa̱ eerepu† o ufaru a̱tsuma̱ a̱ a̱za̱ e cindere a aatagadaꞌa. A̱vu mu uwwa za ta̱ a̱tsuma̱ e ili i na̱shi i wuma u damma nu uɗyo u na u ri gashi tsata, “Ta̱wa̱!”

Wenu 7:12

A̱ da̱na̱ ta̱ adansa, “Tsu ta dansa A̱sula̱ a̱ tsu a̱ ta̱ mgbain, Lyawa tsu yuwaan niyi ica, tsu ca niyi tsugbain nu urevu, tsu to godyusho yi, u ta̱ nu ucira nu ukadu, a̱za̱ a̱ yi a ɗa suru babu ukotu. Lyawa wo oꞌwo ne!”