Wenu 2:23 - Tsishingini

²³ N to una otoni a̱ yi. Reve a̱ꞌisa̱ a̱ a̱za̱ e Itoni suru e reve a na n revei majiyan ma za suru waru ni ili i na a cigai suru. N ta ca za suru a̱tsuma̱ e le a̱tsuma̱lima̱ cine unusu wa̱ yi u ri.

Wenu 2:23 Iomraidhean Croise

Matta 16:27

Adama a na a̱mu, Mawun ma Vuma, n ta̱ ta̱wa̱ na̱ tsugbain tsa Dada va̱ oɓolo na̱ nlingata ma̱ yi, a̱vu n geꞌeto ama suru ununa a yuwain ili biti.

Luka 16:15

A̱vu u damma le, “A̱ɗu i ta̱ ka̱lyuwusa̱ i ta yuwusan ili ya̱ a̱ɓula̱ a̱ ma̱ka̱ka̱n ma ama, agba A̱sula̱ e reve ta̱ okolo a̱ ɗu. Ili i na i ri ulobonu a̱ ma̱ka̱ka̱n ma ama, a ma̱ka̱ka̱n ma̱ A̱sula̱ idaba i ɗa a̱ ri.”

Yahaya 21:17

Reve we ecishe yi wa taꞌatsu, “Simo mawun ma Yahaya, vu ciga mu ta̱?” Bituru yuwan ta̱ a̱tsumola̱ngu adama a na Yesu yuwan yi ta̱ yeci hali utaꞌatsu ko u ciga yi ta̱. Adama o ndolo reve u damma Yesu, “Zagbain, vu reve ta̱ ili suru. Vu reve ta̱ a na n ciga nuwu.” A̱vu Yesu damma yi, “Vu lyuwato ikyon i va̱.

Yahaya 4:16

A̱vu u damma yi, “ꞌYa̱wa̱ vu ɗe vali va̱ wu a̱vu i ta̱wa̱ ra.”

Ajiya 1:24

Reve a yuwan avasa tsa̱ra̱ a gura ɗangwa vuma saꞌani na ntsayi. Reve a damma, “Zagbain, vu reve ta̱ ookolo a vuma suru, vu roco tsu vuma na vu cigai a̱tsuma̱ a ama e re a nda.

Roma 14:12

Ama suru a ta cuɗuwa ili i na a yuwain a̱ ma̱ka̱ka̱n ma̱ A̱sula̱, ni ili i na i zuwai a yuwain ne.

Roma 8:27

A̱sula̱ e tse ene ta̱ ili i na i ri pe a̱tsuma̱ o ookolo a vuma. Waru u reve ta̱ ili i na i ri pe a̱tsuma̱ a asuvu a̱ Ruhu, adama a na a̱yi Ruhuꞌu u ta yuwusan adanshi na̱ A̱sula̱ o una̱ wa ama a̱ yi cine A̱sula̱ a cigai.

2 Korinti 5:10

Ili i na i zuwai a̱yi ɗa urana u ro suru ntsu tsu tee isawan a̱ ma̱ka̱ka̱n ma̱ Yesu Zamawawa reve u geꞌeto tsu. Za suru a̱tsuma̱ a̱ tsu u ta̱ ushi ili i na yi ntsayi adama e ili i na tsu yuwain a mantsa ma na tsu da̱na̱i wuma a̱tsuma̱ a̱ lipu nda, ko isaꞌani i ɗa ko iwuya.

Galatiya 6:5

Za suru nu u ꞌyuwan u ciga u tanu itana ya̱ yi.

Mmaci ma Ibrahim 4:13

Za lo a gura soko ili i ro a̱tsuma̱ o uvaɗi i na A̱sula̱ ee ene shi. U tse ene ta̱ ili suru cine u ri. A̱yi ɗa A̱sula̱ a na na̱ tsu ꞌyuwan tsu ciga tsu cuɗuwa yi ili i na tsu yuwain suru.

1 Bituru 1:17

I cuwan i ta yuwusan avasa e ekere a Dada za na ri zuva. A̱yi ɗa za vu ugeꞌetosu, agba u tsu laꞌa ciga za ro e ekere a za ro shi. U ta ca ɗu a̱tsuma̱lima̱ ko iliyinkapa adama e ili i na i yuwain. Adama o ndolo i ciga i ꞌyuwan i ca A̱sula̱ tsugbain a̱tsuma̱ a̱ nden n na yaa yuwusan pa o uvaɗi ana omocin.

Wenu 2:11

“Za na ri na atsuvu, wu uwwa ili i na Ruhu aa dansaa a̱ꞌisa̱ a̱ a̱za̱ e Itoni! Za na biti lyuwai aci e iwuya, woo sowo a̱tsuma̱lima̱ o ukwa̱ we ire shi.”

Wenu 2:7

“Za na ri na atsuvu, wu uwwa ili i na Ruhu aa dansaa a̱ꞌisa̱ a̱ a̱za̱ e Itoni! N ta lyawa za na biti lyuwai aci u lyuwa muwun mu uɗanga n na n tsu ca wuma, za na ri a̱tsuma̱ o uꞌwa u wivuwun† zuva.”

Wenu 20:12

Waru me ene ta̱ aza a na a̱ kuwa̱i ɗe lo mishin a̱ ma̱ka̱ka̱n ma̱ nda̱na̱ta̱ n tsugonoꞌo, aza a na a̱ ri ama a gbagbain na akapi a ama a na a buwai. Reve a̱ kpa̱tuꞌwa̱ atagada a na a ɗanai ili i na vuma yuwain suru. Reve a̱ kpa̱tuꞌwisa̱ aatagada o ro, aatagada a na a ɗanai aza a̱ ri oɓolo na̱ A̱sula̱ kuci. A yuwaan ta̱ aza a na a̱ kuwa̱i ɗe ugeꞌetosu e ili i na a yuwain, cine a̱ ri uɗanu a̱tsuma̱ a atagadaꞌa.

Wenu 20:13

A̱vu ama a na a̱ kuwa̱i a̱tsuma̱ a mala e isawan a̱ ma̱ka̱ka̱n ma̱ nda̱na̱ta̱ n tsugonoꞌo, adama A̱sula̱ a yuwaan le ugeꞌetosu. Ukwa̱ oɓolo nu Ukwisa̱ a̱ ta̱wa̱a̱ na̱ a̱kwa̱kwa̱ a na a̱ ri pe a̱tsuma̱ e le, reve A̱sula̱ a yuwaan le ugeꞌetosu e ili i na a yuwain.

Wenu 22:12

Yesu damma ta̱ waru, “Uwwai! N ta̱ lo a̱ ta̱wa̱ babu ujimu. N ta̱ ta̱wa̱ adama n ca ama suru iliyinkapa ko a̱tsuma̱lima̱ adama e ili i na a yuwain.

Wenu 6:8

A̱vu n ka̱lyuwa̱ reve me ene do vu ukporu. Za na aa kumbusa yi u ta̱ na aala Ukwa̱, waru za ro ta̱ lo za na a̱ tsu ɗe Ukwisa̱ oo tono za vu ufaru zuzu. A̱sula̱ e neꞌeshen ta̱ ama o uvaɗi aɓaci a̱ na̱shi. Ukwa̱ nu Ukwisa̱ a̱ ushi ta̱ ucira u na oo una aaɓaci a̱ ta̱ e le a̱tsuma̱ a aɓaci a̱ na̱shiꞌi nu uvon, na ambulu, na̱ mɓa̱la̱ icuꞌun icuꞌun, ne ekere e inama yu una.