Wenu 18:15 - Tsishingini

¹⁵ Aza a awina, aza a na a̱ tsura̱i utsuru adama a na a winaa niyi itanaꞌa, e te isawan alanga na̱ a̱yi, adama a na a̱ ri e ilaɗi i na oo sowo a̱tsuma̱lima̱ cine a̱yi woo sowuso. A̱ ta̱ shon a̱vu waru a yuwan a̱tsumola̱ngu.

Wenu 18:15 Iomraidhean Croise

Marku 11:17

A̱vu u yuwaan le adanshi, “Ashe Adanshi a̱ A̱sula̱,† a damma, ‘Uꞌwa u va̱ uba̱ta̱ wa avasa adama a ama suru ɗa shi?’ Amma, a̱ɗu i ka̱mba̱to yi ta̱ uba̱ta̱ u na ya̱a̱ da̱na̱ a yuwusan wivu.”

Ajiya 16:19

Ana aza a na a̱ ri nu usheliꞌi e enei ili i na i farai, agba a̱a̱ tsurisa̱ ikebe waru shi, reve e reme Bulu na̱ Sila. A̱vu o rono le a̱ tyo e eden a̱ tyo a̱ ma̱ka̱ka̱n ma azagbain.

Wenu 18:12

Apa iliꞌi: zinariya, na̱ azurufa, na atali a madala e ikebe,† ni iyeɗi yi ikebe,† ni itana i na i laꞌai aza a na a yuwain na̱ tsikilu, ni itana i na i ri sawun da̱a̱n-da̱a̱n, ni itana yu ulobonu i na i ri saan, na̱ ɗanga icuꞌun icuꞌun i na i ri na̱ ma̱guru mo uyoꞌo lon, na akapi e ili i na a yuwayin na anga a agiwa na̱ ɗanga vi ikebe, na̱ rumushili, ni irumu, na atali e ikebe o usaa,

Wenu 18:13

ni ili i ma̱guru† i na a̱ tsu ɗe furenkisen† na̱ mur† adama o usaꞌan, waru adama a masaꞌa, waru adama o usukumu a̱ lipu, na̱ masayan ma inabi, na̱ maniꞌin, na̱ yira, ni ishina, ni inan, ni ikyon, ni ido, oɓolo ni ikeke yi ido i na a tanusu itana, oɓolo na agbashi, na ama a na e remei uba̱ta̱ o uvon.

Wenu 18:14

Aza a awina a ta damma yi, “Ili i saꞌani i na vaa zuwusaa okolo suru o koto ta̱, waru ili i na yaa zuwusa wu vo oꞌwo ulobonu a̱ puwa̱n ta̱, va̱a̱ da̱shi tsura̱ le waru shi!”

Wenu 18:19

A̱ ta̱ tsun ma̱bula̱ a aci e le tsa̱ra̱ o roco a̱ ta̱ na̱ a̱tsumola̱ngu. Waru a ta damma: “A̱tsuma̱lima̱, A̱tsuma̱lima̱ a ta cina wu a̱vu a̱ba̱jini a̱ lyuci! A̱ba̱jini o utsuru a̱ yi a zuwa tsu ta̱ suru ntsu tso oꞌwo nu utsuru. Gogo a̱tsuma̱ a̱ rumu ta̱ o koto ta̱ suru.”

Wenu 18:3

Iɗa suru o oꞌwo ta̱ ososowi a̱ ma̱ra̱ ma̱ yi, a̱yi ɗa maluwa ma̱ tsipere tsa̱ yi. Ngono mu uvaɗi suru n yuwan ta̱ tsipere na̱ a̱yi, waru aza a awina a̱ tsu tsura̱ ta̱ ikebe ya̱ a̱bunda̱ adama a na u cigai ili i saꞌani ya̱ a̱bunda̱.”